ਚੰਡੀਗੜ੍ਹ, 24 ਅਪੈ੍ਰਲ (ਅ.ਬ.) - ਵਿਸ਼ਵ ਮਲੇਰੀਆ ਦਿਵਸ ਡਿਸਪੈਂਸਰੀ ਬਹਿਲੋਲਪੁਰ ਦੁਆਰਾ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਬਹਿਲੋਲਪੁਰ ਦੇ ਸਹਿਯੋਗ ਨਾਲ ਮਨਾਇਆ ਗਿਆ | ਪ੍ਰੋਗਰਾਮ ਦੀ ਮੇਜ਼ਬਾਨੀ ਪਿ੍ੰਸੀਪਲ ਯਸ਼ੂਮਤੀ, ਸ਼੍ਰੀਮਤੀ ਸੁਮਨ ਬਾਲਾ, ਪਵਿੱਤਰ ਸਿੰਘ ਅਤੇ ਸਿਹਤ ਟੀਮ ਨੇ ਕੀਤੀ ਜਿਨ੍ਹਾਂ ਨੇ ਮੁੱਖ ਮਹਿਮਾਨਾਂ ਡਾ. ਸੰਗੀਤ ਜੈਨ (ਸਿਵਲ ਸਰਜਨ, ਮੋਹਾਲੀ), ਡਾ. ਅਲਕਜੋਤ ਕੌਰ (ਐਸ.ਐਮ.ਓ., ਪੀ.ਐਚ.ਸੀ. ਬੂਥਗੜ੍ਹ), ਡਾ. ਅਰੁਣ ਬਾਂਸਲ ਤੇ ਡਾ. ਅਨਾਮਿਕਾ ਦਾ ਸਵਾਗਤ ਕੀਤਾ | ਡਾ. ਕਿਰਨਦੀਪ ਕੌਰ (ਆਰ.ਐਮ.ਓ.) ਨੇ ਮੱਛਰਾਂ ਦੇ ਕੱਟਣ ਵਿਰੁੱਧ ਨਿੱਜੀ ਸੁਰੱਖਿਆ ਉਪਾਅ ਅਪਣਾਉਣ ਦੀ ਮਹੱਤਤਾ 'ਤੇ ਚਾਨਣਾ ਪਾਇਆ | ਸਮਾਗਮ ਵਿੱਚ ਡਿਸਪੈਂਸਰੀ ਸਟਾਫ਼ ਜਿਸ ਵਿੱਚ ਸੀ.ਐਚ.ਓ. ਡਾ. ਜੋਤੀ, ਐਮ.ਪੀ.ਐਚ.ਡਬਲਿਯੂ (ਐਫ) ਕੰਵਲ, ਬਲਜੀਤ ਕੌਰ, ਬਲਵਿੰਦਰ ਕੌਰ ਤੇ ਆਸ਼ਾ ਵਰਕਰ ਸ਼ਾਮਲ ਸਨ |
