ਮਾਈਨਿੰਗ ਵਿਭਾਗ ਦੀ ਅੰਤਰਰਾਜੀ ਚੌਕੀ ਰਾਹਗੀਰਾਂ ਲਈ ਪ੍ਰੇਸ਼ਾਨੀ ਦਾ ਸਬੱਬ ਬਣੀ <br/>

ਹੰਡੇਸਰਾ ਨੇੜੇ ਤਬਦੀਲ ਕੀਤੀ ਗਈ ਅੰਤਰਰਾਜੀ ਚੌਕੀ ਰਾਹੀਂ ਲੰਘਦੇ ਹੋਏ ਵਾਹਨ | ਤਸਵੀਰ : ਰਾਜਬੀਰ ਸਿੰਘ <br/> 26-04-2026

ਲਾਲੜੂ, 25 ਅਪ੍ਰੈਲ (ਰਾਜਬੀਰ ਸਿੰਘ)-ਪੰਜਾਬ ਮਾਈਨਿੰਗ ਵਿਭਾਗ ਵਲੋਂ ਅੰਬਾਲਾ-ਨਰਾਇਣਗੜ੍ਹ ਰੋਡ 'ਤੇ ਹੰਡੇਸਰਾ ਨੇੜੇ ਤਬਦੀਲ ਕੀਤੀ ਗਈ ਅੰਤਰਰਾਜੀ ਚੌਕੀ ਰਾਹਗੀਰਾਂ ਅਤੇ ਸਥਾਨਕ ਨਿਵਾਸੀਆਂ ਲਈ ਮੁਸ਼ਕਿਲਾਂ ਖੜ੍ਹੀ ਕਰ ਰਹੀ ਹੈ | ਇਹ ਸਿੰਗਲ-ਟ੍ਰੈਕ ਚੌਕੀ ਪੰਜਾਬ ਆਉਣ ਵਾਲੇ ਲੋਕਾਂ ਦੇ ਬਜਾਏ ਟਿੱਪਰ ਟਰੱਕਾਂ ਦੀਆਂ ਲੰਬੀਆਂ ਕਤਾਰਾਂ ਨਾਲ ਭਰੀ ਹੋਈ ਹੈ ਅਤੇ ਚੌਕੀ 'ਤੇ ਲਗਾਤਾਰ ਹਾਦਸਿਆਂ ਦਾ ਖਤਰਾ ਬਣਿਆ ਹੋਇਆ ਹੈ | ਇਥੇ ਕਈਆਂ ਨੇ ਆਪਣੀਆਂ ਜਾਨਾਂ ਗੁਆ ਦਿੱਤੀਆਂ ਹਨ ਅਤੇ ਕਈ ਜ਼ਖਮੀ ਹੋ ਰਹੇ ਹਨ | ਸਥਾਨਕ ਵਸਨੀਕਾਂ ਨੇ ਮੰਗ ਕੀਤੀ ਹੈ ਕਿ ਇਸ ਨੂੰ ਇਸਦੇ ਪੁਰਾਣੇ ਸਥਾਨ ਹੰਡੇਸਰਾ ਦੇ ਲਾਲੜੂ ਰੋਡ 'ਤੇ ਤਬਦੀਲ ਕੀਤਾ ਜਾਵੇ | ਉਨ੍ਹਾਂ ਦੱਸਿਆ ਕਿ ਅੰਬਾਲਾ-ਨਰਾਇਣਗੜ੍ਹ ਰਾਜ ਮਾਰਗ 'ਤੇ ਸਿਰਫ ਦੋ ਵਾਹਨ ਸਮਾਨਾਂਤਰ ਜਾ ਸਕਦੇ ਹਨ | ਮਾਈਨਿੰਗ ਵਿਭਾਗ ਨੇ ਇਸੇ ਸੜਕ 'ਤੇ ਹੰਡੇਸਰਾ ਅਤੇ ਬੋੜਾ-ਖੇੜਾ ਮੋੜ 'ਤੇ ਹਰਿਆਣਾ ਤੋਂ ਪੰਜਾਬ ਵਿਚ ਦਾਖ਼ਲ ਹੋਣ ਵਾਲਿਆਂ ਲਈ ਆਪਣੀ ਅੰਤਰਰਾਜੀ ਚੌਕੀ ਸਥਾਪਿਤ ਕੀਤੀ ਹੈ | ਇੱਥੇ ਰੇਤ, ਬਜਰੀ ਤੇ ਹੋਰ ਸਮੱਗਰੀ ਲੈ ਕੇ ਜਾਣ ਵਾਲੇ ਟਿੱਪਰ ਟਰੱਕਾਂ ਦੀ ਜਾਂਚ ਕੀਤੀ ਜਾਂਦੀ ਹੈ | ਵਸਨੀਕਾਂ ਦਾ ਕਹਿਣਾ ਹੈ ਕਿ ਇਸ ਸੜਕ 'ਤੇ 90 ਫੀਸਦੀ ਆਵਾਜਾਈ ਹਰਿਆਣਾ ਤੋਂ ਹਰਿਆਣਾ ਹੈ | ਹੰਡੇਸਰਾ ਤੋਂ ਸਿਰਫ 10 ਫੀਸਦੀ ਮਾਲਵਾਹਕ ਵਾਹਨ ਪੰਜਾਬ ਵਿਚ ਦਾਖ਼ਲ ਹੁੰਦੇ ਹਨ, ਪਰ ਬਾਹਰੀ ਟਰੱਕ-ਟਿੱਪਰਾਂ ਕਾਰਨ ਚੌਕੀ 'ਤੇ ਲਗਾਤਾਰ ਵਾਹਨਾਂ ਦੀਆਂ ਲੰਬੀਆਂ ਕਤਾਰਾਂ ਲੱਗੀਆਂ ਰਹਿੰਦੀਆਂ ਹਨ | ਇਸ ਨਾਲ ਦਿਨ-ਰਾਤ ਇਸ ਤੰਗ ਸੜਕ 'ਤੇ ਟ੍ਰੈਫਿਕ ਜਾਮ ਰਹਿੰਦਾ ਹੈ | ਸਥਾਨਕ ਲੋਕਾਂ ਦੀ ਮੰਗ ਹੈ ਕਿ ਜਾਨਾਂ, ਸਮਾਂ ਅਤੇ ਪਰੇਸ਼ਾਨੀ ਨੂੰ ਬਚਾਉਣ ਲਈ ਚੌਕੀ ਨੂੰ ਇਸਦੀ ਪੁਰਾਣੀ ਜਗ੍ਹਾ 'ਤੇ ਤਬਦੀਲ ਕੀਤਾ ਜਾਵੇ |

ਪਿਛਲੀ ਖ਼ਬਰ ਪਿਛਲੇ 6 ਸਾਲਾਂ ਦੌਰਾਨ ਸ਼ਹਿਰ 'ਚ ਦਰੱਖ਼ਤਾਂ ਦੀ ਗਿਣਤੀ 'ਚ ਵੱਡਾ ਵਾਧਾ ਹੋਇਆ <br/> ਅਗਲੀ ਖ਼ਬਰ ਚੰਡੀਗੜ੍ਹ 'ਚ ਕੂੜਾ ਨਹੀਂ, ਭਿ੍ਸ਼ਟਾਚਾਰ ਪੋ੍ਰਸੈੱਸ ਕਰ ਰਹੀ ਭਾਜਪਾ- ਵਿਕਰਾਂਤ ਤੰਵਰ <br/>

ਮਾਈਨਿੰਗ ਵਿਭਾਗ ਦੀ ਅੰਤਰਰਾਜੀ ਚੌਕੀ ਰਾਹਗੀਰਾਂ ਲਈ ਪ੍ਰੇਸ਼ਾਨੀ ਦਾ ਸਬੱਬ ਬਣੀ <br/>

ਸੰਬੰਧਿਤ ਖ਼ਬਰਾਂ