ਭਾਂਖਰਪੁਰ ਕਤਲ ਕਾਂਡ ਦੋਵੇਂ ਮੁਲਜ਼ਮ ਪਿਓ-ਪੁੱਤਰ ਭੇਜੇ ਜੇਲ੍ਹ <br/>
Ad Position 21
![repet_subhas-goyals [Copy P29]](/cms_ads/20260901/2548__2535__2535_repet_subhas-goyal.jpg)
ਅਜੀਤ ਡੈਸਕ
10-05-2026
ਰੰਜਿਸ਼ ਭਤੀਜੇ ਨਾਲ ਤੇ ਸ਼ਿਕਾਰ ਬਣਿਆ ਚਾਚਾ
ਜਾਂਚ ਦੌਰਾਨ ਇਹ ਤੱਥ ਸਾਹਮਣੇ ਆਇਆ ਹੈ ਕਿ ਮਿ੍ਤਕ ਤਰਸੇਮ ਸਿੰਘ (52) ਦਾ ਮੁਲਜ਼ਮਾਂ ਨਾਲ ਕੋਈ ਸਿੱਧਾ ਝਗੜਾ ਨਹੀਂ ਸੀ | ਡੇਰਾਬੱਸੀ ਦੇ ਥਾਣਾ ਮੁਖੀ ਇੰਸਪੈਕਟਰ ਸੁਮਿਤ ਮੋਰ ਨੇ ਦੱਸਿਆ ਕਿ ਅਸਲ 'ਚ ਝਗੜਾ ਕਰੀਬ ਪੌਣੇ ਦੋ ਲੱਖ ਰੁ. ਦੇ ਲੈਣ-ਦੇਣ ਨੂੰ ਲੈ ਕੇ ਸੀ, ਜੋ ਪੈਸੇ ਮਿ੍ਤਕ ਦੇ ਭਤੀਜੇ ਨੇ ਦੇਣੇ ਸਨ | ਬੁੱਧਵਾਰ ਸ਼ਾਮ ਨੂੰ ਜਦੋਂ ਤਰਸੇਮ ਸਿੰਘ ਬੱਸ ਸਟੈਂਡ ਨੇੜੇ ਆਪਣੇ ਮੋਟਰਸਾਈਕਲ ਦੀ ਸਰਵਿਸ ਕਰਵਾਉਣ ਗਿਆ ਤਾਂ ਉਥੇ ਮੌਜੂਦ ਇਲੈਕਟ੍ਰੀਸ਼ੀਅਨ ਦੀ ਦੁਕਾਨ ਕਰਨ ਵਾਲੇ ਮੋਹਨ ਸਿੰਘ ਤੇ ਉਸ ਦੇ ਬੇਟੇ ਬਲਜੀਤ ਸਿੰਘ ਨਾਲ ਉਸ ਦੀ ਬਹਿਸ ਹੋ ਗਈ |
ਪਿਓ ਨੇ ਚਲਾਇਆ ਚਾਕੂ, ਪੁੱਤਰ ਰਿਹਾ ਨਾਲ
ਪੁਲਿਸ ਅਨੁਸਾਰ ਤਕਰਾਰ ਇੰਨੀ ਹਿੰਸਕ ਹੋ ਗਈ ਕਿ ਮੁਲਜ਼ਮਾਂ ਨੇ ਗੁੱਸੇ 'ਚ ਆ ਕੇ ਕੋਲ ਹੀ ਪਿਆ ਚਾਕੂ ਚੁੱਕ ਲਿਆ | ਪੁਲਿਸ ਪੜਤਾਲ 'ਚ ਇਹ ਵੀ ਸਪੱਸ਼ਟ ਹੋਇਆ ਹੈ ਕਿ ਤਰਸੇਮ ਸਿੰਘ 'ਤੇ ਘਾਤਕ ਵਾਰ ਬੇਟੇ ਨੇ ਨਹੀਂ ਬਲਕਿ ਪਿਓ ਮੋਹਨ ਸਿੰਘ ਨੇ ਕੀਤੇ ਸਨ | ਜ਼ਖ਼ਮੀ ਹਾਲਤ 'ਚ ਤਰਸੇਮ ਸਿੰਘ ਨੇ ਦਮ ਤੋੜ ਦਿੱਤਾ ਸੀ | ਸਨਿਚਰਵਾਰ ਨੂੰ ਦੋ ਦਿਨਾਂ ਦਾ ਪੁਲਿਸ ਰਿਮਾਂਡ ਖ਼ਤਮ ਹੋਣ 'ਤੇ ਦੋਵਾਂ ਨੂੰ ਸਖ਼ਤ ਸੁਰੱਖਿਆ ਹੇਠ ਡੇਰਾਬੱਸੀ ਅਦਾਲਤ ਲਿਆਂਦਾ ਗਿਆ ਜਿਥੋਂ ਉਨ੍ਹਾਂ ਨੂੰ ਜੇਲ੍ਹ ਭੇਜ ਦਿੱਤਾ ਗਿਆ |
