ਚੰਡੀਗੜ੍ਹ, 28 ਮਈ (ਕਪਿਲ ਵਧਵਾ)- ਚੰਡੀਗੜ੍ਹ ਪੁਲਿਸ ਨੇ ਹੱਲੋਮਾਜਰਾ ਇਲਾਕੇ ਵਿਚ ਕਾਰਵਾਈ ਕਰਦਿਆਂ ਇਕ ਨੌਜਵਾਨ ਨੂੰ ਨਾਜਾਇਜ਼ ਸ਼ਰਾਬ ਅਤੇ ਗਾਂਜੇ ਸਮੇਤ ਕਾਬੂ ਕੀਤਾ ਹੈ | ਮੁਲਜ਼ਮ ਖ਼ਿਲਾਫ਼ ਥਾਣਾ ਸੈਕਟਰ-31 ਵਿਚ ਮਾਮਲਾ ਦਰਜ ਕੀਤਾ ਗਿਆ ਹੈ | ਪੁਲਿਸ ਅਨੁਸਾਰ ਮੁਲਜ਼ਮ ਦੀ ਪਛਾਣ ਸੋਨੂੰ ਉਰਫ਼ ਹੀਰਾ (27) ਵਾਸੀ ਦੀਪ ਕੰਪਲੈਕਸ ਹੱਲੋਮਾਜਰਾ ਚੰਡੀਗੜ੍ਹ ਵਜੋਂ ਹੋਈ ਹੈ | ਥਾਣਾ ਸੈਕਟਰ-31 ਦੇ ਐਸ. ਐੱਚ. ਓ. ਦੇ ਨਿਗਰਾਨੀ ਹੇਠ ਪੁਲਿਸ ਚੌਂਕੀ ਹੱਲੋਮਾਜਰਾ ਦੀ ਟੀਮ ਨੇ ਉਸ ਨੂੰ 26 ਮਈ ਨੂੰ ਬਾਬਾ ਸਮਾਧਾ ਮੰਦਰ ਨੇੜੇ ਵਾਲੀ ਗਲੀ, ਹੱਲੋਮਾਜਰਾ ਸਥਿਤ ਇਕ ਕਮਰੇ ਤੋਂ ਗਿ੍ਫ਼ਤਾਰ ਕੀਤਾ ਗਿਆ | ਤਲਾਸ਼ੀ ਦੌਰਾਨ ਪੁਲਿਸ ਨੇ ਮੁਲਜ਼ਮ ਦੇ ਕਿਰਾਏ ਵਾਲੇ ਕਮਰੇ 'ਚੋਂ ਵੱਖ-ਵੱਖ ਬ੍ਰਾਂਡਾਂ ਦੀਆਂ 31 ਵੱਡੀਆਂ ਬੋਤਲਾਂ, ਸ਼ਰਾਬ ਦੇ 798 ਪਊਏ, ਕਿੰਗਫ਼ਿਸ਼ਰ ਬੀਅਰ ਦੇ 336 ਕੈਨ, ਇਕ ਫਰਿੱਜ, 900 ਰੁਪਏ ਨਕਦ ਤੇ 57.87 ਗ੍ਰਾਮ ਗਾਂਜਾ ਬਰਾਮਦ ਕੀਤਾ ਹੈ | ਪੁਲਿਸ ਵਲੋਂ ਮੁਲਜ਼ਮ ਖ਼ਿਲਾਫ਼ ਮਾਮਲੇ ਵਿਚ ਜਾਂਚ ਕੀਤੀ ਜਾ ਰਹੀ ਹੈ |
