ਬਾਬਾ ਬਕਾਲਾ ਸਾਹਿਬ, 4 ਜੁਲਾਈ (ਸ਼ੇਲਿੰਦਰਜੀਤ ਸਿੰਘ ਰਾਜਨ)-ਇੱਥੇ ਜਸ਼ਨਜੀਤ ਸਿੰਘ ਪੀ.ਸੀ.ਐੱਸ. (ਐਸ.ਡੀ.ਐਮ.) ਬਾਬਾ ਬਕਾਲਾ ਸਾਹਿਬ ਨੇ ਦੱਸਿਆ ਕਿ ਮੁੱਖ ਚੋਣ ਅਫਸਰ ਪੰਜਾਬ ਵਲੋਂ ਪੰਜਾਬ ‘ਚ ਚੱਲ ਰਹੀ ਵੋਟਰਾਂ ਦੀ ਵਿਸ਼ੇਸ਼ ਗਹਿਰੀ ਸੁਧਾਈ (ਐੱਸ.ਆਈ.ਆਰ.) ਦੇ ਸਬੰਧ ਵਿਚ ਵੋਟਰਾਂ ਪਾਸੋਂ ਇਲੂਮਿਨੇਟਰ ਫਾਰਮ ਪ੍ਰਾਪਤ ਕਰਕੇ ਉਨ੍ਹਾਂ ਨੂੰ ਪੋਰਟਲ ਉੱਪਰ ਅਪਲੋਡ ਕਰਨ ਲਈ 13 ਜੁਲਾਈ 2026 ਦੀ ਮਿਤੀ ਨਿਰਧਾਰਤ ਕੀਤੀ ਗਈ ਹੈ । ਸੋ ਵਿਧਾਨ ਸਭਾ ਹਲਕਾ ਬਾਬਾ ਬਕਾਲਾ ਸਾਹਿਬ ਦੇ ਸਮੂਹ ਵੋਟਰ ਇਸ ਅਹਿਮ ਕਾਰਜ ਪ੍ਰਤੀ ਜਾਗਰੂਕ ਹੋ ਕੇ ਪਹਿਲ ਦੇ ਅਧਾਰ ‘ਤੇ ਆਪਣੇ ਬੀ.ਐੱਲ.ਓ. ਦਾ ਪੂਰਨ ਸਹਿਯੋਗ ਕਰਨ ਤਾਂ ਜੋ ਕਿਸੇ ਵੀ ਯੋਗ ਵੋਟਰ ਦੀ ਵੋਟ ਇਸ ਸੁਧਾਈ ਦੌਰਾਨ ਕੱਟੀ ਨਾ ਜਾਵੇ । ਨਾਲ ਹੀ ਉਨ੍ਹਾਂ ਨੇ ਹਲਕਾ ਬਾਬਾ ਬਕਾਲਾ ਦੇ ਸਮੂਹ ਵੋਟਰਾਂ ਨੂੰ ਅਪੀਲ ਕੀਤੀ ਹੈ ਕਿ ਸੰਬੰਧਿਤ ਬੂਥ ਲੈਵਲ ਅਫਸਰ ਸਾਹਿਬਾਨ ਉਨ੍ਹਾਂ ਦੇ ਕੋਲ ਪਹੁੰਚਦੇ ਹਨ ਅਤੇ ਉਹ ਆਪਣੀਆਂ ਨਵੀਆਂ ਦੋ ਫੋਟੋਆਂ ਅਤੇ ਆਪਣੇ ਦੋ ਦਸਤਾਵੇਜਾਂ ਦੀ ਫੋਟੋ ਕਾਪੀ ਆਪਣੇ ਕੋਲ ਮੌਜੂਦ ਰੱਖਣ ਤਾਂ ਜੋ ਉਸ ਸਮੇਂ ਸਿਰ ਈ.ਐੱਫ. ਡਿਜੀਟਲਲਾਈਜੇਸ਼ਨ ਦਾ ਕੰਮ ਮੁਕੰਮਲ ਹੋ ਸਕੇ । ਇਸ ਤੋਂ ਇਲਾਵਾ ਉਨ੍ਹਾਂ ਦੱਸਿਆ ਕਿ ਵੋਟਾਂ ਦੇ ਜ਼ਰੂਰੀ ਕੰਮ ਵਿਚ ਰੋਕ ਪਾਉਣ ਅਤੇ ਡਿਊਟੀ ਦੌਰਾਨ ਬੀ.ਐੱਲ.ਓਜ਼. ਨਾਲ ਬਦਸਲੂਕੀ ਕਰਨ ਕਾਰਨ ਪੁਲਿਸ ਵਿਭਾਗ ਨੂੰ ਸਬੰਧਿਤ ਖਿਲਾਫ ਉਚਿਤ ਐਕਸ਼ਨ ਲੈਣ ਲਈ ਐੱਫ.ਆਈ.ਆਰ. ਦਰਜ ਕਰਵਾਉਣਗੇ ।
