ਤੇਲ ਕੀਮਤਾਂ ਕਰਕੇ ਬਰੈੱਡ ਵੀ ਹੋਈ ਮਹਿੰਗੀ

ਅ

ਅਜੀਤ ਡੈਸਕ 28-05-2026

ਜਲੰਧਰ, 27 ਮਈ (ਸ਼ਿਵ)-ਤੇਲ ਕੀਮਤਾਂ ਵਿਚ ਲਗਾਤਾਰ ਵਾਧੇ ਕਾਰਨ ਲੋਕਾਂ ਨੂੰ ਲਗਾਤਾਰ ਮਹਿੰਗਾਈ ਦੇ ਝਟਕੇ ਲੱਗ ਰਹੇ ਹਨ | ਤੇਲ ਮਹਿੰਗਾ ਹੋਣ ਕਰਕੇ ਗੱਡੀਆਂ ਦੇ ਕਿਰਾਏ ਵਿਚ ਵਾਧਾ ਹੋਇਆ ਹੈ ਤਾਂ ਇਸ ਕਰਕੇ ਹੁਣ ਇਸਦਾ ਅਸਰ ਲੋਕਾਂ ਦੇ ਰੋਜ਼ਾਨਾ ਕੰਮ ਵਿਚ ਆਉਣ ਵਾਲੀਆਂ ਚੀਜ਼ਾਂ 'ਤੇ ਵੀ ਪਿਆ ਹੈ ਤੇ ਤੇਲ ਕੀਮਤਾਂ ਵਾਧੇ ਕਾਰਨ ਬਰੈੱਡ ਵੀ ਮਹਿੰਗੀ ਹੋ ਗਈ ਹੈ | 400 ਗਰਾਮ ਵਾਲੀ ਬਰੈੱਡ ਦੀ ਕੀਮਤ ਵਿਚ ਹੀ 5 ਰੁਪਏ ਦਾ ਵਾਧਾ ਹੋ ਗਿਆ ਹੈ ਤੇ ਆਉਣ ਵਾਲੇ ਦਿਨਾਂ ਵਿਚ ਹੋਰਾਂ ਵਲੋਂ ਵੀ ਇਸ ਦੀਆਂ ਕੀਮਤਾਂ ਵਿਚ ਵਾਧਾ ਹੋਣ ਦੀ ਸੰਭਾਵਨਾ ਹੈ | ਸਥਾਨਕ ਪੱਧਰ 'ਤੇ ਬੇਕਰੀਆਂ ਵਿਚ ਤਿਆਰ ਹੋਣ ਵਾਲੀਆਂ ਬਰੈੱਡਾਂ ਦੀ ਕੀਮਤ ਕੁੱਝ ਜ਼ਿਆਦਾ ਹੁੰਦੀ ਹੈ ਕਿਉਂਕਿ ਉਨ੍ਹਾਂ ਵਲੋਂ ਘੱਟ ਗਿਣਤੀ ਵਿਚ ਬਰੈੱਡਾਂ ਤਿਆਰ ਹੁੰਦੀਆਂ ਹਨ ਤਾਂ ਇਸ ਕਰਕੇ ਉਨ੍ਹਾਂ ਦਾ ਖਰਚਾ ਜ਼ਿਆਦਾ ਹੁੰਦਾ ਹੈ | ਅੱਜ ਕਈ ਲੋਕਾਂ ਨੇ ਜਦੋਂ ਬਰੈੱਡ ਖ਼ਰੀਦੀ ਤਾਂ 400 ਗਰਾਮ ਦੀ ਬਰੈੱਡ ਪਹਿਲਾਂ ਨਾਲੋਂ 4 ਰੁਪਏ ਮਹਿੰਗੀ ਸੀ |