ਸੀ.ਸੀ.ਆਰ.ਟੀ. ਵਲੋਂ ਪੰਜਾਬ ਦੇ ਲੋਕ ਵਿਰਸੇ ’ਤੇ ਲਗਾਈ ਵਰਕਸ਼ਾਪ
ਨਵੀਂ ਦਿੱਲੀ, 18 ਅਕਤੂਬਰ (ਡਾ. ਬਲਵਿੰਦਰ ਸਿੰਘ ਸੋਢੀ)- ਸੈਂਟਰ ਫਾਰ ਕਲਚਰਲ ਰੀਸੋਰਸਿਸ ਐਂਡ ਟਰੇਨਿੰਗ (ਸੀ.
ਨਵੀਂ ਦਿੱਲੀ, 18 ਅਕਤੂਬਰ (ਡਾ. ਬਲਵਿੰਦਰ ਸਿੰਘ ਸੋਢੀ)- ਸੈਂਟਰ ਫਾਰ ਕਲਚਰਲ ਰੀਸੋਰਸਿਸ ਐਂਡ ਟਰੇਨਿੰਗ (ਸੀ.ਸੀ.ਆਰ.ਟੀ.) ਅਦਾਰਾ ਮਨਿਸਟਰੀ ਆਫ ਕਲਚਰ ਭਾਰਤ ਸਰਕਾਰ ਵਲੋਂ ਸਰਕਾਰੀ ਸਰਵੋਦਿਆ (ਬਾਲ) ਝੰਡੇਵਾਲਾ ਦਿੱਲੀ ਵਿਖੇ ਪੰਜਾਬ ਦੇ ਲੋਕ ਵਿਰਸੇ ’ਤੇ ਆਧਾਰਿਤ ਵਰਕਸ਼ਾਪ ਲਗਾਈ ਗਈ, ਜਿਸ ਵਿਚ ਵਿਦਿਆਰਥੀਆਂ ਨੂੰ ਪੰਜਾਬ ਦੇ ਰਵਾਇਤੀ ਲੋਕ ਸੱਭਿਆਚਾਰ ਨਾਲ ਜੁੜੇ ਲੋਕ ਨਾਚ, ਲੋਕ ਗੀਤ, ਲੋਕ ਪਹਿਰਾਵਾ, ਲੋਕ ਕਲਾਵਾਂ, ਲੋਕ ਖੁਰਾਕਾਂ ਤੇ ਲੋਕ ਧੰਦੇ ਆਦਿ ਬਾਰੇ ਜਾਣੂ ਕਰਵਾਇਆ ਗਿਆ। ਅੰਤਰਰਾਸ਼ਟਰੀ ‘ਲੋਕ ਨਾਚਾਂ’ ਦੇ ਕੋਚ ਰਾਜਿੰਦਰ ਟਾਂਕ ਨੇ ਵਿਦਿਆਰਥੀਆਂ ਨੂੰ ਭੰਗੜੇ ਦੀਆਂ ਰਵਾਇਤਾਂ, ਤਾਲਾਂ ਅਤੇ ਚਾਲਾਂ ਨੂੰ ਢੋਲ ’ਤੇ ਵਜਾ ਕੇ ਸੁਣਾਇਆ। ਇਨ੍ਹਾਂ ਲੋਕ ਨਾਚਾਂ ਦੀਆਂ ਚਾਲਾਂ ਜਿਵੇਂ ਭੰਗੜਾ, ਝੂੰਮਰ, ਲੁੱਡੀ, ਮਲਵਈ ਗਿੱਧਾ ਆਦਿ ਦੀ ਵਿਦਿਆਰਥੀਆਂ ਨੂੰ ਟਰੇਨਿੰਗ ਦਿੱਤੀ ਅਤੇ ਨਾਲ ਹੀ ਵਿਦਿਆਰਥੀਆਂ ਨੂੰ ਢੋਲ, ਬੁਘਦੂ, ਚਿਮਟਾ, ਅਲਗੋਜੇ, ਢੱਡ, ਤੂੰਬੀ ਆਦਿ ਬਾਰੇ ਵੀ ਜਾਣਕਾਰੀ ਦਿੱਤੀ ਗਈ। ਅਮਿਤ ਢੋਲੀ ਨੇ ਲੋਕ ਨਾਚਾਂ ਦੀਆਂ ਚਾਲਾਂ ਨੂੰ ਢੋਲ ’ਤੇ ਵਜਾ ਕੇ ਵਿਖਾਇਆ। ਸਕੂਲ ਦੇ ਪ੍ਰਿੰਸੀਪਲ ਅਜੇ ਕੁਮਾਰ ਨੇ ਸੀ.ਸੀ.ਆਰ.ਟੀ., ਰਾਜਿੰਦਰ ਟਾਂਕ, ਅਮਿਤ ਢੋਲੀ, ਕੋਆਰਡੀਨੇਟਰ ਸੁਖਵਿੰਦਰ ਸਿੰਘ ਦਾ ਧੰਨਵਾਦ ਕੀਤਾ ਅਤੇ ਇਹ ਵੀ ਕਿਹਾ ਕਿ ਅਜਿਹੇ ਪ੍ਰੋਗਰਾਮ ਸਮੇਂ-ਸਮੇਂ ’ਤੇ ਹੋਣੇ ਚਾਹੀਦੇ ਹਨ।
