ਅਮਰਗੜ੍ਹ, 25 ਅਪ੍ਰੈਲ (ਜਤਿੰਦਰ ਮੰਨਵੀ, ਪਵਿੱਤਰ ਸਿੰਘ)-ਕਾਂਗਰਸ ਪਾਰਟੀ ਵੱਲੋਂ ਆਪਣੇ ਜਥੇਬੰਦਕ ਢਾਂਚੇ ਦਾ ਵਿਸਥਾਰ ਕਰਦਿਆਂ ਵੱਖ-ਵੱਖ ਆਗੂਆਂ ਨੂੰ ਅਹੁਦੇ ਸੌਂਪੇ ਗਏ ਹਨ | ਇਸ ਲੜੀ ਤਹਿਤ ਸੀਨੀਅਰ ਆਗੂ ਗੁਰਸੇਵਕ ਸਿੰਘ ਗੁਆਰਾ ਨੂੰ ਮਲੇਰਕੋਟਲਾ ਜ਼ਿਲ੍ਹੇ ਦਾ ਜਨਰਲ ਸਕੱਤਰ ਨਿਯੁਕਤ ਕੀਤਾ ਗਿਆ ਹੈ | ਇਸ ਨਿਯੁਕਤੀ 'ਤੇ ਸਾਬਕਾ ਸਰਪੰਚ ਅਮਰੀਕ ਸਿੰਘ ਗੁਆਰਾ, ਜਸਵੰਤ ਸਿੰਘ ਫ਼ੌਜੀ, ਕਰਨ ਸੰਘਾ, ਲਵੀ ਸੰਘਾ, ਸੀਪਾ ਗੁਆਰਾ, ਸਾਬਕਾ ਪੰਚ ਚੰਦ ਸਿੰਘ, ਮੋਹਨ ਗੁਆਰਾ, ਕਰਮਜੀਤ ਸਿੰਘ, ਬਿੱਟੂ ਸਰਪੰਚ ਜਲਾਲਗੜ੍ਹ, ਵਿਸਕੀ ਬਨਭੌਰਾ, ਚੀਨੂ ਕੌਂਸਲ ਅਮਰਗੜ੍ਹ, ਅਸਵਨੀ ਬਿੱਟੂ ਅਮਰਗੜ੍ਹ, ਜ਼ਿਲ੍ਹਾ ਮੀਤ ਪ੍ਰਧਾਨ ਲਾਲ ਸਿੰਘ ਤੋਲੇਵਾਲ ਤੇ ਸਾਬਕਾ ਸਰਪੰਚ ਰਾਣੂ ਮੰਡਿਆਲਾ ਨੇ ਖੁਸ਼ੀ ਦਾ ਪ੍ਰਗਟਾਵਾ ਕਰਦਿਆਂ ਗੁਰਸੇਵਕ ਸਿੰਘ ਗੁਆਰਾ ਨੂੰ ਮੁਬਾਰਕਬਾਦ ਦਿੱਤੀ | ਉੱਧਰ ਨਵ-ਨਿਯੁਕਤ ਜ਼ਿਲ੍ਹਾ ਜਨਰਲ ਸਕੱਤਰ ਗੁਰਸੇਵਕ ਸਿੰਘ ਗੁਆਰਾ ਨੇ ਇਸ ਨਿਯੁਕਤੀ ਲਈ ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਅਤੇ ਚੇਅਰਮੈਨ ਗੁਰਜੋਤ ਸਿੰਘ ਢੀਂਡਸਾ ਆਈ.ਟੀ ਸੈੱਲ ਪੰਜਾਬ ਕਾਂਗਰਸ ਦਾ ਵਿਸ਼ੇਸ਼ ਧੰਨਵਾਦ ਕੀਤਾ | ਉਨ੍ਹਾਂ ਯਕੀਨ ਦਵਾਇਆ ਕਿ ਉਹ ਮਿਲੀ ਜ਼ਿੰਮੇਵਾਰੀ ਨੂੰ ਪੂਰੀ ਇਮਾਨਦਾਰੀ ਅਤੇ ਨਿਸ਼ਠਾ ਨਾਲ ਨਿਭਾਉਣਗੇ |
