ਜ਼ੀਰਾ, 8 ਜੁਲਾਈ (ਪ੍ਰਤਾਪ ਸਿੰਘ ਹੀਰਾ)-ਜ਼ੀਰਾ ਨਜਦੀਕ ਪਿੰਡ ਝੱਤਰਾਂ ਤੋਂ ਇਕ 46 ਸਾਲਾ ਅਪਾਹਜ ਵਿਅਕਤੀ ਦੇ ਭੇਦਭਰੇ ਹਾਲਾਤਾਂ ਵਿਚ ਲਾਪਤਾ ਹੋਣ ਦਾ ਸਮਾਚਾਰ ਹੈ। ਇਸ ਸਬੰਧੀ ਥਾਣਾ ਸਦਰ ਪੁਲਿਸ ਜੀਰਾ ਨੂੰ ਲਿਖਤੀ ਦਰਖਾਸਤ ਦਿੰਦਿਆਂ ਲਾਪਤਾ ਵਿਅਕਤੀ ਪਰਮਜੀਤ ਸਿੰਘ ਦੇ ਭਰਾ ਅਮਰਜੀਤ ਪੁੱਤਰ ਅਜੈਬ ਸਿੰਘ ਵਾਸੀ ਝੱਤਰਾ ਨੇ ਦੱਸਿਆ ਕਿ ਉਸ ਦਾ ਸਕਾ ਭਰਾ ਜਿਸ ਦੀ ਉਮਰ 46 ਸਾਲ ਹੈ। ਜਿਸਦਾ ਰੰਗ ਗੋਰਾ ਅਤੇ ਕੱਦ 6 ਫੁੱਟ, ਬੀਤੀ 2 ਜੁਲਾਈ ਵੀਰਵਾਰ ਨੂੰ ਸ਼ਾਮ ਦੇ ਕਰੀਬ 4 ਵਜੇ ਘਰੋਂ ਬਿਨਾਂ ਦੱਸੇ ਕਿਧਰੇ ਚਲਾ ਗਿ਼ਆ ਸੀ, ਜੋ ਦੇਰ ਰਾਤ ਤੱਕ ਵਾਪਸ ਨਹੀਂ ਮੁੜਿਆ। ਜਦੋਂ ਪਰਮਜੀਤ ਸਿੰਘ ਰਾਤ ਤੱਕ ਘਰ ਨਾ ਪਰਤਿਆ, ਤਾਂ ਪਰਿਵਾਰ ਵਲੋਂ ਆਪਣੇ ਪੱਧਰ ‘ਤੇ ਉਸਦੀ ਭਾਲ ਸ਼ੁਰੂ ਕੀਤੀ ਗਈ। ਭਾਲ ਦੌਰਾਨ ਪਿੰਡ ਝੱਤਰਾਂ ਅਤੇ ਤਲਵੰਡੀ ਜੱਲ੍ਹੇ ਦੇ ਵਿਚਕਾਰ ਲੰਘਦੀ ਨਹਿਰ ਦੇ ਪੁਲ ਕੋਲੋਂ ਉਸ ਦੀ ਟ੍ਰਾਈਸਾਈਕਲ ਮਿਲੀ ਹੈ। ਪਰਿਵਾਰ ਨੇ ਖ਼ਦਸ਼ਾ ਪ੍ਰਗਟਾਇਆ ਹੈ ਕਿ ਨਸ਼ੇ ਦੀ ਹਾਲਤ ਵਿਚ ਹੋਣ ਕਾਰਨ ਉਹ ਅਚਾਨਕ ਨਹਿਰ ਵਿਚ ਨਾ ਡਿੱਗ ਪਿਆ ਹੋਵੇ। ਕਿਉਂਕਿ ਕਰਮਜੀਤ ਸਿੰਘ ਦੀ ਦਿਮਾਗੀ ਹਾਲਤ ਵੀ ਠੀਕ ਨਹੀਂ ਰਹਿੰਦੀ ਅਤੇ ਉਹ ਸ਼ਰਾਬ ਪੀਣ ਦਾ ਵੀ ਆਦੀ ਹੈ। ਉਨ੍ਹਾਂ ਮੰਗ ਕੀਤੀ ਅਤੇ ਉਸ ਦੇ ਭਰਾ ਨੂੰ ਲੱਭ ਕੇ ਉਨ੍ਹਾਂ ਦੇ ਹਵਾਲੇ ਕੀਤਾ।
