ਬਠਿੰਡਾ

ਨਗਰ ਕੌਂਸਲ ਚੋਣਾਂ ਲਈ ਗਿਣਤੀ ਦੇ ਸਾਰੇ ਪ੍ਰਬੰਧ ਮੁਕੰਮਲ

ਅ

ਅਜੀਤ ਡੈਸਕ 29-05-2026

ਬੁਢਲਾਡਾ, 28 ਮਈ (ਸਵਰਨ ਸਿੰਘ ਰਾਹੀ)- ਜਿਵੇਂ-ਜਿਵੇਂ ਨਗਰ ਕੌਂਸਲ ਚੋਣਾਂ ਦੀ ਗਿਣਤੀ ਦਾ ਸਮਾਂ ਨੇੜੇ ਆਉਂਦਾ ਜਾ ਰਿਹਾ ਹੈ ਉਵੇਂ-ਉਵੇਂ ਉਮੀਦਵਾਰਾਂ ਤੇ ਸਮਰਥਕਾਂ ਦੀਆਂ ਧੜਕਣਾਂ ਵੀ ਤੇਜ਼ ਹੁੰਦੀਆਂ ਜਾ ਰਹੀਆਂ ਹਨ | ਸਥਾਨਕ ਸ਼ਹਿਰ ਦੇ 19 ਵਾਰਡਾਂ 'ਚੋਂ ਚੋਣ ਲੜ ਰਹੇ ਕੁੱਲ 70 ਉਮੀਦਵਾਰਾਂ ਦੀ ਕਿਸਮਤ ਬੈਲਟ ਬਕਸਿਆਂ 'ਚ ਬੰਦ ਹੈ | ਸਿਆਸੀ ਪਾਰਟੀਆਂ ਦੇ ਆਗੂ ਆਪੋ-ਆਪਣੇ ਉਮੀਦਵਾਰਾਂ ਦੀ ਜਿੱਤ ਦੇ ਦਾਅਵੇ ਕਰ ਰਹੇ ਹਨ | ਆਮ ਆਦਮੀ ਪਾਰਟੀ, ਸ਼ੋ੍ਰਮਣੀ ਅਕਾਲੀ ਦਲ ਅਤੇ ਕਾਂਗਰਸ ਵਲੋਂ ਇੱਕੋ ਪਰਿਵਾਰ ਦੇ 2-2 ਜੀਆਂ ਨੂੰ ਵੀ ਟਿਕਟਾਂ ਦਿੱਤੀਆਂ ਹੋਈਆਂ ਹਨ | ਜ਼ਿਕਰਯੋਗ ਹੈ ਕਿ ਸ਼ਹਿਰ ਦੇ ਕੁੱਲ 19 ਵਾਰਡ ਦੇ 36 ਪੋਲਿੰਗ ਬੂਥਾਂ 'ਤੇ ਬਣੀਆਂ ਹੋਈਆਂ 30 ਹਜ਼ਾਰ 320 ਵੋਟਾਂ 'ਚ 15 ਹਜ਼ਾਰ 811 ਮਰਦ ਵੋਟਰ, 14 ਹਜ਼ਾਰ 507 ਵੋਟਰ ਅਤੇ 2 ਟਰਾਂਸਜੈਂਡਰ ਸ਼ਾਮਲ ਹਨ, 'ਚੋਂ ਕੁੱਲ 74.17 ਫ਼ੀਸਦੀ ਵੋਟਰਾਂ ਨੇ ਆਪਣੇ ਮਤ ਦਾ ਇਸਤੇਮਾਲ ਕੀਤਾ ਸੀ | ਵੋਟਾਂ ਦੀ ਗਿਣਤੀ ਸੰਬੰਧੀ ਜਾਣਕਾਰੀ ਦਿੰਦਿਆਂ ਰਿਟਰਨਿੰਗ ਅਫ਼ਸਰ ਨਗਰ ਕੌਂਸਲ ਕਮ ਉਪ ਮੰਡਲ ਮੈਜਿਸਟਰੇਟ ਗਗਨਦੀਪ ਸਿੰਘ ਨੇ ਦੱਸਿਆ ਕਿ ਗਿਣਤੀ ਦਾ ਕੰਮ ਸਵੇਰੇ 8 ਵਜੇ ਤੋਂ ਸ਼ੁਰੂ ਹੋਵੇਗਾ, ਜਿਸ ਲਈ ਪਹਿਲੇ 10 ਵਾਰਡਾਂ ਦੇ ਉਮੀਦਵਾਰ ਅਤੇ ਉਨ੍ਹਾਂ ਦੇ ਪੋਲਿੰਗ ਏਜੰਟਾਂ ਨੂੰ ਸਵੇਰੇ 7 ਵਜੇ ਕਿ੍ਸ਼ਨਾ ਕਾਲਜ ਰੱਲੀ ਵਿਖੇ ਆਪਣੀ ਰਿਪੋਰਟ ਕਰਨੀ ਹੋਵੇਗੀ ਜਦਕਿ ਅਗਲੇ 9 ਵਾਰਡਾਂ ਦੇ ਉਮੀਦਵਾਰ ਅਤੇ ਉਨ੍ਹਾਂ ਦੇ ਪੋਲਿੰਗ ਏਜੰਟ ਸਵੇਰੇ 10 ਵਜੇ ਤੱਕ ਸਬੰਧਿਤ ਕਰਮਚਾਰੀਆਂ ਨਾਲ ਸੰਪਰਕ ਕਰਨਗੇ | ਉਨ੍ਹਾਂ ਦੱਸਿਆ ਕਿ ਵੋਟਾਂ ਦੀ ਗਿਣਤੀ ਲਈ 10 ਗਿਣਤੀ ਮੇਜ਼ ਲਗਾਏ ਗਏ ਹਨ, ਗਿਣਤੀ ਪੂਰੀ ਹੋਣ ਉਪਰੰਤ ਨਤੀਜੇ ਵੀ ਨਾਲੋ-ਨਾਲ ਐਲਾਨੇ ਜਾਣਗੇ | ਇਸ ਦੌਰਾਨ ਡੀ.ਐਸ.ਪੀ. ਬੁਢਲਾਡਾ ਸਿਕੰਦਰ ਸਿੰਘ ਚੀਮਾ ਨੇ ਦੱਸਿਆ ਕਿ ਰੱਲੀ ਕਾਲਜ ਵਿਖੇ ਚੋਣ ਬੈਲਟ ਬਕਸਿਆਂ ਲਈ ਸਟਰਾਂਗ ਰੂਮ ਦੀ ਸਖ਼ਤ ਨਿਗਰਾਨੀ ਲਈ ਪੁਲਿਸ ਤਾਇਨਾਤ ਕੀਤੀ ਗਈ ਹੈ |

ਪਿਛਲੀ ਖ਼ਬਰ ਨਗਰ ਕੌਂਸਲ ਮਾਨਸਾ ਦੇ ਸਾਰੇ 27 ਵਾਰਡਾਂ 'ਚ ਹੋਣਗੇ ਸਿੱਧੇ ਤੇ ਗਹਿਗੱਚ ਮੁਕਾਬਲੇ ਅਗਲੀ ਖ਼ਬਰ ਸਾਬਕਾ ਡਾਕ ਅਤੇ ਰੇਲ ਡਾਕ ਸੇਵਾ ਕਰਮਚਾਰੀ ਵੈੱਲਫੇਅਰ ਐਸੋਸੀਏਸ਼ਨ ਦੀ ਮੀਟਿੰਗ <br/>

ਨਗਰ ਕੌਂਸਲ ਚੋਣਾਂ ਲਈ ਗਿਣਤੀ ਦੇ ਸਾਰੇ ਪ੍ਰਬੰਧ ਮੁਕੰਮਲ

ਸੰਬੰਧਿਤ ਖ਼ਬਰਾਂ