ਖੰਨਾ, 23 ਅਪ੍ਰੈਲ (ਹਰਜਿੰਦਰ ਸਿੰਘ ਲਾਲ)-ਏ. ਐਸ. ਗਰੁੱਪ ਆਫ਼ ਇੰਸਟੀਚਿਊਸ਼ਨਜ਼, ਖੰਨਾ ਵਿੱਚ ਫਾਈਨਲ ਸਾਲ ਦੇ ਵਿਦਿਆਰਥੀਆਂ ਲਈ ਵਿਦਾਇਗੀ ਸਮਾਰੋਹ ਕਰਵਾਇਆ ਗਿਆ | ਇਸ ਮੌਕੇ ਕਾਲਜ ਦੇ ਐਮਬੀਏ, ਬੀਬੀਏ ਅਤੇ ਬੀ.ਕਾਮ ਆਖ਼ਰੀ ਸਾਲ ਦੇ ਵਿਦਿਆਰਥੀਆਂ ਨੂੰ ਵਿਦਾਇਗੀ ਪਾਰਟੀ ਦਾ ਫੇਅਰਵੈੱਲ ਫਿਸਟਾ-2026 ਦਿੱਤੀ ਗਈ | ਇਸ ਮੌਕੇ ਕਾਲਜ ਡਾਇਰੈਕਟਰ ਡਾ. ਹਰਪ੍ਰੀਤ ਸਿੰਘ ਨੇ ਵਿਦਿਆਰਥੀਆਂ ਨੂੰ ਸੰਦੇਸ਼ ਦਿੰਦਿਆਂ ਕਿਹਾ ਕਿ ਤੁਹਾਨੂੰ ਚੁਨੌਤੀਆਂ ਦਾ ਸਾਹਮਣਾ ਕਰਦੇ ਹੋਏ ਬੁਲੰਦੀਆਂ ਨੂੰ ਛੂਹਣਾ ਹੈ ਅਤੇ ਆਪਣੇ ਮਾਤਾ-ਪਿਤਾ ਦਾ ਨਾਮ ਰੌਸ਼ਨ ਕਰਨਾ ਹੈ | ਇਸ ਦੌਰਾਨ ਦੂਜੇ ਸਾਲ ਦੇ ਵਿਦਿਆਰਥੀਆਂ ਨੇ ਕੰਪਲੀਮੈਂਟਸ ਦੇ ਕੇ ਅੰਤਿਮ ਸਾਲ ਦੇ ਵਿਦਿਆਰਥੀਆਂ ਨੂੰ ਕਾਲਜ ਵਿੱਚ ਬਿਤਾਏ ਸੁਹਾਵਨੇ ਪਲਾਂ ਦੀ ਯਾਦ ਦਿਵਾਈ | ਪ੍ਰੋਗਰਾਮ ਦੌਰਾਨ ਵੱਖ-ਵੱਖ ਟਾਈਟਲ ਵੀ ਦਿੱਤੇ ਗਏ | ਮਿਸ ਫੇਅਰਵੈੱਲ ਦਾ ਖ਼ਿਤਾਬ ਹਰਦੀਪ ਨੂੰ ਮਿਲਿਆ, ਜਦਕਿ ਮਿਸਟਰ ਫੇਅਰਵੈੱਲ ਦਾ ਖ਼ਿਤਾਬ ਜਸਕੀਰਤ ਗੁਰੂ ਨੂੰ ਦਿੱਤਾ ਗਿਆ | ਮਿਸਟਰ ਸਿੰਪਲਿਸਿਟੀ ਦਾ ਖ਼ਿਤਾਬ ਮਾਨਿਕ ਸਹਿਗਲ, ਮਿਸਟਰ ਫ਼ੈਸ਼ਨ ਆਈਕਾਨ ਸਾਹਿਬ ਪੁਰੀ, ਮਿਸਟਰ ਟੈਲੇਂਟਡ ਏਕਮਜੋਤ ਸਿੰਘ ਰਾਏ, ਮਿਸਟਰ ਬੈਸਟ ਆਉਟਫਿਟ ਮਨਜੋਤ ਸਿੰਘ, ਮਿਸਟਰ ਐਲੀਗੈਂਟ ਸਾਹਿਲ ਮਤਾਨੀਆ ਅਤੇ ਮਿਸਟਰ ਬੈਸਟ ਡਰੈੱਸ ਜਤਿਨ ਗੁਪਤਾ ਨੂੰ ਪ੍ਰਦਾਨ ਕੀਤੇ ਗਏ | ਇਸੇ ਤਰ੍ਹਾਂ ਮਿਸ ਚਾਰਮਿੰਗ ਕੀਰਤਜੋਤ ਕੌਰ, ਮਿਸ ਹੇਅਰ ਸਟਾਈਲ ਅਮਨਦੀਪ ਕੌਰ, ਮਿਸ ਬੈੱਸਟ ਡਰੈੱਸ ਦਲਜੀਤ ਕੌਰ, ਮਿਸ ਪਰਫਾਰਮਰ ਗੁਰਜੋਤ ਕੌਰ ਅਤੇ ਸੋਹਣੀ ਮੁਟਿਆਰ ਮਨਵੀਰ ਕੌਰ ਅਤੇ ਮਿਸ ਮੋਸਟ ਕਾਨਫੀਡੈਂਟ ਪ੍ਰੀਆ ਨੂੰ ਚੁਣਿਆ ਗਿਆ | ਅੰਤਿਮ ਸਾਲ ਦੇ ਵਿਦਿਆਰਥੀਆਂ ਨੇ ਕਾਲਜ ਵਿੱਚ ਬਿਤਾਏ ਦਿਨਾਂ ਨੂੰ ਯਾਦ ਕਰਦਿਆਂ ਕਾਲਜ ਡਾਇਰੈਕਟਰ ਅਤੇ ਅਧਿਆਪਕਾਂ ਦਾ ਪੜ੍ਹਾਈ ਦੇ ਸਫ਼ਰ ਦੌਰਾਨ ਪ੍ਰੇਰਿਤ ਕਰਨ ਲਈ ਧੰਨਵਾਦ ਕੀਤਾ |
