ਮਾਛੀਵਾੜਾ ਸਾਹਿਬ, 10 ਜੁਲਾਈ (ਮਨੋਜ ਕੁਮਾਰ)-ਸਥਾਨਕ ਸ਼ਹਿਰ ਵਿਚ ਅੱਜ ਕੱਲ੍ਹ ਸ਼ਰਾਰਤੀ ਅਨਸਰਾਂ ਨੇ ਤੇਜ਼ੀ ਨਾਲ ਪੈਰ ਪਸਾਰਨੇ ਸ਼ੁਰੂ ਕਰ ਦਿੱਤੇ ਹਨ। ਇੱਕ ਤਾਜ਼ਾ ਘਟਨਾ ਵਿਚ ਸ਼ਹਿਰ ਦੇ ਵਸਨੀਕ ਨਾਮੀ ਰਾਜਨੀਤਿਕ ਆਗੂ ਦਵਿੰਦਰ ਸਿੰਘ ਬਵੇਜਾ ਜਦੋਂ ਕਰੀਬ ਦੋ ਦਿਨ ਪਹਿਲਾਂ ਸ਼ਾਮ 6.30 ਵਜੇ ਦੁਰਗਾ ਸ਼ਕਤੀ ਮੰਦਿਰ ਕੋਲ ਕਿਸੇ ਨੂੰ ਮਿਲਣ ਗਏ ਤਾਂ ਮਹਿਜ਼ ਕੁੱਝ ਮਿੰਟਾਂ ਬਾਦ ਆ ਕੇ ਦੇਖਦੇ ਹਨ ਕਿ ਉਨ੍ਹਾਂ ਦੀ ਨਵੀਂ ਸਕੂਟਰੀ ਜਿਸ ਦਾ ਨੰਬਰ ਪੀ.ਬੀ.-43.ਜੀ-9042 ਉੱਥੋਂ ਗ਼ਾਇਬ ਸੀ। ਮੌਕੇ ‘ਤੇ ਜਦੋਂ ਸੀ. ਸੀ. ਟੀ. ਵੀ. ਕੈਮਰੇ ਖੰਗਾਲੇ ਗਏ ਤਾਂ ਨਜ਼ਰ ਆਇਆ ਕਿ ਇੱਕ ਔਰਤ ਤੇ ਉਸ ਦਾ ਇੱਕ ਹੋਰ ਸਾਥੀ ਪਹਿਲਾਂ ਮੰਦਿਰ ਕੋਲ ਆਏ ਤੇ ਬੜੀ ਫੁਰਤੀ ਨਾਲ ਬੇਖ਼ੌਫ ਉੱਥੇ ਪਈ ਸਕੂਟਰੀ ਨੂੰ ਸਟਾਰਟ ਕਰ ਕੇ ਲੈ ਗਏ। ਹਾਲਾਂਕਿ ਸਕੂਟਰੀ ਚੋਰੀ ਕਰਨ ਵਾਲੇ ਇਨ੍ਹਾਂ ਚੋਰਾਂ ਦੀ ਪਹਿਚਾਣ ਵੀ ਹੋ ਗਈ, ਪਰ ਅਜੇ ਤੱਕ ਇਹ ਸ਼ਾਤਿਰ ਪੁਲਿਸ ਦੀ ਗ੍ਰਿਫਤ ਤੋਂ ਬਾਹਰ ਹਨ। ਹਾਲਾਂਕਿ ਇਸ ਘਟਨਾ ਦੀ ਜਾਣਕਾਰੀ ਸਥਾਨਕ ਪੁਲਿਸ ਸਟੇਸ਼ਨ ਵਿਚ ਦਰਜ ਕਰਵਾ ਦਿੱਤੀ ਗਈ ਹੈ ਤੇ ਪੁਲਿਸ ਦਾ ਦਾਅਵਾ ਹੈ ਕਿ ਉਹ ਜਲਦ ਇਨ੍ਹਾਂ ਚੋਰਾਂ ਨੂੰ ਕਾਬੂ ਕਰ ਲਵੇਗੀ।
