ਹੋਰ ਉੱਚਾ ਹੋਰ ਉੱਚਾ
ਝੁੱਲ ਵੇ ਤਿਰੰਗਿਆ
ਪੂਜਦੀ ਲੋਕਾਈ ਤੈਨੂੰ
ਕੁੱਲ ਵੇ ਤਿਰੰਗਿਆ
ਤੂੰ ਹੀ ਸਾਡੀ ਸ਼ਾਨ
ਤੂੰ ਹੀ ਸਾਡਾ ਮਾਣ ਏ
ਤੇਰੇ ਨਾਲ ਜੁੜੀ ਹੋਈ
ਸਾਡੀ ਪਹਿਚਾਣ ਏ
ਮਾਣਦੇ ਆਜ਼ਾਦੀ ਪੂਰੀ
ਖੁੱਲ੍ਹ ਵੇ ਤਿਰੰਗਿਆ
ਕੇਸਰੀ ਹੈ ਰੰਗ ਤੇਰਾ
ਸਾਧੂਆਂ ਫ਼ਕੀਰਾਂ ਦਾ
ਜਾਨਾਂ ਵਾਰ ਗਏ ਲੱਖਾਂ
ਯੋਧੇ ਸੂਰਬੀਰਾਂ ਦਾ
ਜਿਨ੍ਹਾ ਨੇ ਚੁਕਾਇਆ ਤੇਰਾ
ਮੁੱਲ ਵੇ ਤਿਰੰਗਿਆ
ਹਰਾ ਰੰਗ ਤੇਰਾ ਖੇਤੀਂ
ਖਿੜੀ ਹਰਿਆਲੀ ਦਾ
ਕਣਕਾਂ ਦੇ ਦਾਣਿਆਂ 'ਚ
ਸਾਂਭੀ ਖੁਸ਼ਹਾਲੀ ਦਾ
ਸਰ੍ਹੋਂਆਂ ਦਾ ਰੂਪ ਪੈਂਦਾ
ਡੁੱਲ੍ਹ ਵੇ ਤਿਰੰਗਿਆ
ਚਿੱਟਾ ਰੰਗ ਤੇਰਾ ਸੱਚ
ਅਮਨ ਅਮਾਨ ਦਾ
ਕਹਿਣੀ ਤੇ ਕਥਨੀ ਨੂੰ
ਸਾਰਾ ਜੱਗ ਜਾਣਦਾ
ਰੀਝਾਂ ਸਾਡੀਆਂ ਨੂੰ ਪੈਗੇ
ਫੁੱਲ ਵੇ ਤਿਰੰਗਿਆ
ਤੇਰੇ ਸਾਰੇ ਰੰਗਾਂ ਵਿਚ
ਕੋਈ ਹੇਰ ਫੇਰ ਨਾ
ਗਤੀਸ਼ੀਲ ਪਹੀਆ ਸਾਨੂੰ
ਦਿੰਦਾ ਏ ਪ੍ਰੇਰਨਾ
ਗਤੀ ਦੇ ਤਰੱਕੀ ਹੁੰਦੀ
ਤੁੱਲ ਵੇ ਤਿਰੰਗਿਆ।
-ਮੋਬਾ. 97806-67686
