ਇਹ ਤਸਵੀਰ ਸਿਰਫ਼ ਇਕ ਟੁੱਟੀ ਸੜਕ ਜਾਂ ਪੁਲ ਦੀ ਤਸਵੀਰ ਨਹੀਂ, ਸਗੋਂ ਸਾਡੇ ਪਿੰਡਾਂ ਦੀ ਇਕ ਚੁੱਪ ਕਹਾਣੀ ਹੈ | ਖ਼ਾਸ ਕਰਕੇ ਹੁਸ਼ਿਆਰਪੁਰ ਦੇ ਖ਼ੂਬਸੂਰਤ ਪਹਾੜੀ ਪਿੰਡਾਂ ਦੀ | ਸਾਹਮਣੇ ਪਿਆ ਰਸਤਾ ਕਿਤੇ ਜਾ ਕੇ ਰੁਕ ਗਿਆ ਹੈ, ਪਰ ਕੁਦਰਤ ਨੇ ਆਪਣਾ ਰਾਹ ਨਹੀਂ ਰੋਕਿਆ | ਘਾਹ ਆਪਣੀ ਮਰਜ਼ੀ ਨਾਲ ਉੱਗ ਰਿਹਾ ਹੈ, ਪਾਣੀ ਆਪਣਾ ਰਸਤਾ ਬਣਾ ਰਿਹਾ ਹੈ ਅਤੇ ਦਰੱਖਤ ਬਿਨਾਂ ਕਿਸੇ ਸ਼ਿਕਾਇਤ ਦੇ ਖੜ੍ਹੇ ਹਨ |
ਕਦੇ ਇਸ ਰਸਤੇ ਤੋਂ ਲੋਕ ਲੰਘਦੇ ਹੋਣਗੇ, ਬੱਚੇ ਸਕੂਲ ਜਾਂਦੇ ਹੋਣਗੇ, ਕਿਸਾਨ ਖੇਤਾਂ ਵੱਲ ਜਾਂਦੇ ਹੋਣਗੇ | ਅੱਜ ਰਸਤਾ ਤਾਂ ਹੈ ਪਰ ਮੰਜ਼ਿਲ ਤੱਕ ਪਹੁੰਚਾਉਣ ਵਾਲਾ ਪੁਲ ਟੁੱਟ ਚੁੱਕਾ ਹੈ | ਇਨਸਾਨ ਨੇ ਰਸਤਾ ਬਣਾਇਆ ਸੀ, ਪਰ ਉਸ ਦੀ ਦੇਖਭਾਲ ਕਰਨੀ ਭੁੱਲ ਗਿਆ |
ਇਸ ਤਸਵੀਰ ਦੀ ਖ਼ੂਬਸੂਰਤੀ ਵੀ ਅਜੀਬ ਹੈ— ਟੁੱਟੇ ਹੋਏ ਰਾਹ ਦੇ ਆਲੇ-ਦੁਆਲੇ ਕੁਦਰਤ ਪੂਰੀ ਤਰ੍ਹਾਂ ਜ਼ਿੰਦਾ ਹੈ | ਸ਼ਾਇਦ ਇਹ ਸਾਨੂੰ ਯਾਦ ਕਰਾਉਂਦੀ ਹੈ ਕਿ ਰਸਤੇ ਟੁੱਟ ਸਕਦੇ ਹਨ, ਪਰ ਜ਼ਿੰਦਗੀ ਆਪਣਾ ਰਾਹ ਲੱਭ ਹੀ ਲੈਂਦੀ ਹੈ |
-ਮੋਬਾ: 98159-45018
