ਗੁਰਦੇ ਦੀ ਪੱਥਰੀ ਦੀਆਂ ਤਕਲੀਫ਼ਾਂ ਨੂੰ ਵਧਾ ਸਕਦਾ ਹੈ ਸੋਇਆਬੀਨ

ਅਮਰੀਕਾ ਦੇ ਮਾਹਿਰਾਂ ਦਾ ਮੰਨਣਾ ਹੈ ਕਿ ਸੋਇਆਬੀਨ ਦੇ ਇਕ ਦਰਜਨ ਤੋਂ ਵੀ ਵਧੇਰੇ ਪ੍ਰਜਾਤੀਆਂ 'ਤੇ ਆਕਸੇਲੇਟ ਦਾ ਪਤਾ ਲਗਾਉਣ ਲਈ ਖੋਜ ਕੀਤੀ ਗਈ ਜੋ ਗੁਰਦੇ ਦੀ ਪੱਥਰੀ ਪੈਦਾ ਕਰਨ ਲਈ ਮੁੱਖ ਰੂਪ ਵਿਚ ਜ਼ਿੰਮੇਵਾਰ ਹੁੰਦੀ ਹੈ। ਵਿਗਿਆਨੀਆਂ ਅਨੁਸਾਰ ਸੋਇਆ ਦੀ ਜ਼ਿਆਦਾ ਮਾਤਰਾ ਵਿਚ ਵਰਤੋਂ ਗੁਰਦੇ ਦੀ ਪੱਥਰੀ ਦੇ ਮਰੀਜ਼ਾਂ ਦੀ ਤਕਲੀਫ਼ ਵਧਾ ਸਕਦੀ ਹੈ।
ਇਕ ਖੋਜ ਅਨੁਸਾਰ ਸੋਇਆਬੀਨ ਜਾਂ ਇਸ ਤੋਂ ਬਣੇ ਕਿਸੇ ਵੀ ਪਦਾਰਥ ਦੀ ਜ਼ਿਆਦਾ ਮਾਤਰਾ ਵਿਚ ਵਰਤੋਂ ਦਾ ਸਿੱਧਾ ਸੰਬੰਧ ਪੱਥਰੀ ਨਾਲ ਹੁੰਦਾ ਹੈ। ਵਿਗਿਆਨੀਆਂ ਨੇ ਸੋਇਆਬੀਨ ਦੇ 13 ਪਦਾਰਥਾਂ ਨੂੰ ਵੀ ਆਪਣੇ ਅਧਿਐਨ ਦੇ ਅੰਦਰ ਸ਼ਾਮਿਲ ਕੀਤਾ। ਉਂਝ ਹਾਲੇ ਇਹ ਤੱਥ ਪੂਰੀ ਤਰ੍ਹਾਂ ਸਾਬਿਤ ਨਹੀਂ ਹੋਇਆ ਤੇ ਖੋਜ ਜਾਰੀ ਹੈ।