ਨਿਰਦੇਸ਼ਕ ਐਟਲੀ ਦੀ ਪਸੰਦੀਦਾ ਅਦਾਕਾਰਾ ਹੈ ਪ੍ਰੀਤੀ ਮੁਕੁੰਦਨ

ਨਿਰਦੇਸ਼ਕ ਐਟਲੀ ਦੀ ਅੱਲੂ ਅਰਜਨ ਅਤੇ ਦੀਪਿਕਾ ਪਾਦੂਕੋਨ ਵਰਗੇ ਸਿਤਾਰਿਆਂ ਦੀਆਂ ਮੁੱਖ ਭੂਮਿਕਾਵਾਂ ਵਾਲੀ ਸਾਇੰਸ ਫਿਕਸ਼ਨ ਫ਼ਿਲਮ 'ਰਾਕਾ' ਇਨ੍ਹੀਂ ਦਿਨੀਂ ਬਹੁਤ ਸੁਰਖੀਆਂ ਵਿਚ ਹੈ |
ਨਿਰਦੇਸ਼ਕ ਐਟਲੀ ਫ਼ਿਲਮ ਲਈ ਅੱਲੂ ਅਰਜਨ ਅਤੇ ਦੀਪਿਕਾ ਪਾਦੂਕੋਨ ਦੇ ਨਾਲ ਦੱਖਣ ਦੀ ਮੰਨੀ-ਪ੍ਰਮੰਨੀ ਅਦਾਕਾਰਾ ਪ੍ਰੀਤੀ ਮੁਕੁੰਦਨ ਨੂੰ  ਵੀ ਬੇਹੱਦ ਅਹਿਮ ਭੂਮਿਕਾ ਵਿਚ ਲੈਣਾ ਚਾਹੁੰਦੇ ਸਨ | ਉਨ੍ਹਾਂ ਨੇ ਬਾਕਾਇਦਾ ਭੂਮਿਕਾ ਦੀ ਪੇਸ਼ਕਸ਼ ਨੂੰ  ਉਨ੍ਹਾਂ ਸਾਹਮਣੇ ਰੱਖਿਆ ਵੀ ਸੀ ਪਰ ਪ੍ਰੀਤੀ ਫ਼ਿਲਮ 'ਇਧਾਇਮ ਮੁਰਲੀ' ਵਿਚ ਰੁੱਝੀ ਹੋਣ ਕਾਰਨ ਇਸ ਪੇਸ਼ਕਸ਼ ਨੂੰ  ਸਵੀਕਾਰ ਨਾ ਕਰ ਸਕੀ |
ਬੇਸ਼ੱਕ ਪ੍ਰੀਤੀ ਮੁਕੁੰਦਨ ਨੂੰ  ਫ਼ਿਲਮਾਂ ਵਿਚ ਆਏ ਹਾਲੇ ਜ਼ਿਆਦਾ ਸਮਾਂ ਨਹੀਂ ਹੋਇਆ ਹੈ ਪਰ ਐਟਲੀ ਇਕ ਅਦਾਕਾਰਾ ਦੇ ਤੌਰ 'ਤੇ ਉਸ ਨੂੰ  ਬਹੁਤ ਪਸੰਦ ਕਰਦੇ ਹਨ | ਖ਼ਾਸ ਕਰਕੇ ਉਹ ਪ੍ਰੀਤੀ ਦੇ ਡਾਂਸ ਅਤੇ ਐਕਟਿੰਗ ਦੋਵਾਂ ਤੋਂ ਚੰਗੇ ਪ੍ਰਭਾਵਿਤ ਹਨ |
ਪ੍ਰੀਤੀ ਮੁਕੁੰਦਨ ਨੂੰ  ਅਸਲੀ ਪਹਿਚਾਣ ਸਾਲ 2024 ਵਿਚ ਆਏ ਮਸ਼ਹੂਰ ਸੰਗੀਤਕ ਵੀਡੀਓ 'ਆਸਾ ਕੂੜਾ' ਅਤੇ ਬਾਦਸ਼ਾਹ ਦੇ ਗਾਣੇ 'ਮੋਰਨੀ' ਤੋਂ ਮਿਲੀ | ਇਸ ਤੋਂ ਬਾਅਦ ਉਸ ਨੇ ਤਾਮਿਲ ਅਤੇ ਤੇਲਗੂ ਸਿਨੇਮਾ ਵਿਚ ਕਦਮ ਰੱਖਿਆ | ਉਸ ਨੇ 'ਓਮ ਭੀਮ ਬੁਸ਼' ਅਤੇ 'ਸਟਾਰ' ਵਰਗੀਆਂ ਫ਼ਿਲਮਾਂ ਤੋਂ ਆਪਣੇ ਅਭਿਨੈ ਦੀ ਸ਼ੁਰੂਆਤ ਕੀਤੀ |
ਪਿਛਲੇ ਸਾਲ ਰਿਲੀਜ਼ ਤੇਲਗੂ ਫ਼ਿਲਮ 'ਕੰਨੱਪਾ' ਵਿਚ ਪ੍ਰੀਤੀ ਮੁਕੁੰਦਨ ਨੇ ਰਾਜ ਕੁਮਾਰ ਨੇਮਾਲੀ ਦੇ ਕਿਰਦਾਰ ਵਿਚ ਦਰਸ਼ਕਾਂ ਦਾ ਦਿਲ ਜਿੱਤ ਲਿਆ | ਇਹ ਫ਼ਿਲਮ ਉਸ ਦੇ ਕਰੀਅਰ ਦੀ ਸਭ ਤੋਂ ਵੱਡੀ ਹਿਟ ਸਾਬਿਤ ਹੋਈ |
ਪਿਛਲੇ ਸਾਲ ਪ੍ਰੀਤੀ ਦੋ ਮਲਿਆਲਮ ਫ਼ਿਲਮਾਂ 'ਮੈਨੇ ਪਿਆਰ ਕੀਆ' ਅਤੇ 'ਸਰਵਮ ਮਾਇਆ' ਵਿਚ ਵੀ ਨਜ਼ਰ ਆਈ |
ਪ੍ਰੀਤੀ ਮੁਕੁੰਦਨ ਛੇਤੀ ਹੀ ਤੇਲਗੂ ਫ਼ਿਲਮ 'ਇਮੋ ਇਮੋ ਇਡੀ', ਤਾਮਿਲ ਫ਼ਿਲਮ 'ਦਸ਼ਮਕਨ' ਵਿਚ ਨਜ਼ਰ ਆਵੇਗੀ | ਇਸ ਦੇ ਨਾਲ ਹੀ ਉਹ ਕਾਰਤਿਕ ਆਰੀਅਨ ਦੇ ਨਾਲ ਫ਼ਿਲਮ 'ਨਾਗਜਿਲਾ' ਜ਼ਰੀਏ ਬਾਲੀਵੁੱਡ ਵਿਚ ਵੀ ਅਦਾਕਾਰੀ ਕਰਨ ਜਾ ਰਹੀ ਹੈ |