'ਤੁੰਬਾਡ-2' ਵਿਚ ਹੋਵੇਗੀ ਆਲੀਆ ਭੱਟ ਦੀ ਅਹਿਮ ਭੂਮਿਕਾ

ਭਾਰਤੀ ਸਿਨੇਮਾ ਨੂੰ  ਇਕ ਨਵੀਂ ਪਛਾਣ ਦੇਣ ਵਾਲੀ ਫ਼ਿਲਮ 'ਤੁੰਬਾਡ' (2018) ਨੇ ਆਪਣੀ ਬਿਹਤਰੀਨ, ਰਹੱਸਮਈ ਅਤੇ ਬੇਜੋੜ ਵਿਜ਼ੂਅਲਸ ਦੀ ਵਜ੍ਹਾ ਨਾਲ ਦਰਸ਼ਕਾਂ ਵਿਚਾਲੇ ਇਕ ਵੱਖਰੀ ਪਛਾਣ ਬਣਾਈ |
ਹੁਣ ਇਸ ਦੇ ਉਡੀਕੇ ਜਾ ਵਿਸਥਾਰ 'ਤੁੰਬਾਡ-2' ਵਿਚ ਨਵਾਜੂਦੀਨ ਸਿਦੀਕੀ ਅਤੇ ਆਪਣੀ ਪੀੜ੍ਹੀ ਦੀਆਂ ਸਭ ਤੋਂ ਪ੍ਰਤਿਭਾਸ਼ਾਲੀ ਅਤੇ ਦਮਦਾਰ ਅਭਿਨੇਤਰੀਆਂ ਵਿਚ ਸ਼ਾਮਿਲ ਆਲੀਆ ਭੱਟ ਇਕੱਠੇ ਵੱਡਾ ਪਰਦਾ ਸਾਂਝਾ ਕਰਦੇ ਹੋਏ ਨਜ਼ਰ ਆਉਣ ਵਾਲੇ ਹਨ | ਫ਼ਿਲਮ ਦੀ ਸ਼ੂਟਿੰਗ ਸ਼ੁਰੂ ਹੋ ਚੁੱਕੀ ਹੈ | ਫ਼ਿਲਮ ਵਿਚ ਆਲੀਆ ਦੀ ਇਕ ਇਸ ਤਰ੍ਹਾਂ ਦੀ ਮਹੱਤਵਪੂਰਨ ਭੂਮਿਕਾ ਹੈ, ਜੋ ਫ਼ਿਲਮ ਦੀ ਪੂਰੀ ਕਹਾਣੀ ਲਈ ਬਹੁਤ ਜ਼ਰੂਰੀ ਹੈ |
ਇਸ ਲੰਮੀ ਉਡੀਕ ਵਾਲੇ ਵਿਸਥਾਰ ਜ਼ਰੀਏ ਅਭਿਨੇਤਾ ਅਤੇ ਨਿਰਮਾਤਾ ਸੋਹਮ ਸ਼ਾਹ ਉਸ ਰਹੱਸਮਈ ਦੁਨੀਆ ਨੂੰ  ਅੱਗੇ ਵਧਾ ਰਹੇ ਹਨ, ਜਿਸ ਨੂੰ  ਉਨ੍ਹਾਂ ਨੇ ਖ਼ੁਦ ਬਣਾਇਆ ਸੀ | ਨਵਾਜੂਦੀਨ ਸਿਦੀਕੀ ਅਤੇ ਆਲੀਆ ਭੱਟ ਆਪਣੀ ਦਮਦਾਰ ਅਦਾਕਾਰੀ ਨਾਲ ਆਪਣੇ ਸਫ਼ਰ ਵਿਚ ਨਵਾਂ ਆਯਾਮ ਜੋੜਨ ਜਾ ਰਹੇ ਹਨ |
ਜੇਕਰ ਖ਼ਬਰਾਂ ਵੱਲ ਦੇਖੀਏ ਤਾਂ 'ਤੁੰਬਾਡ-2' ਵਿਚ ਆਲੀਆ ਦਾ ਕੈਮੀਓ ਇਸ ਤਰ੍ਹਾਂ ਦਾ ਹੈ, ਜੋ 'ਤੁੰਬਾਡ' ਟਿ੍ਲੌਜੀ ਦੇ ਤੀਜੇ ਹਿੱਸੇ ਵਿਚ ਵੀ ਅੱਗੇ ਵਧੇਗਾ | ਇਹ ਖ਼ਬਰ ਵੀ ਪੱਕੀ ਹੈ ਕਿ ਇਸ ਡਰਾਉਣੀ ਫ੍ਰੈਂਚਾਈਜ਼ੀ ਦੇ ਤੀਜੇ ਹਿੱਸੇ ਵਿਚ ਆਲੀਆ ਭੱਟ ਮੁੱਖ ਭੂਮਿਕਾ ਵਿਚ ਦਿਸੇਗੀ |
ਛੋਟੇ ਭਾਵਨਾਤਮਕ ਕਿਰਦਾਰ ਹੋਣ ਜਾਂ ਵੱਡੇ ਕਮਰਸ਼ੀਅਲ ਪ੍ਰਾਜੈਕਟਸ ਆਲੀਆ ਨੇ ਹਰ ਵਾਰ ਆਪਣੀ ਅਭਿਨੈ ਸ਼ਕਤੀ ਨਾਲ ਹਰ ਕਿਸੇ ਨੂੰ  ਹੈਰਾਨ ਕੀਤਾ ਹੈ | ਉਸ ਦੀ ਪਿਛਲੀ ਫ਼ਿਲਮ 'ਅਲਫ਼ਾ' ਤੋਂ ਹਰ ਕਿਸੇ ਨੂੰ  ਕਾਫ਼ੀ ਉਮੀਦਾਂ ਸਨ |