ਇੰਗਲੈਂਡ ਨੇ ਕ੍ਰੋਏਸ਼ੀਆ ਨੂੰ 4-2 ਨਾਲ ਹਰਾਇਆ

ਹੈਰੀ ਕੇਨ ਨੇ ਕੀਤੇ 2 ਗੋਲ
ਆਰਿਲੰਗਟਨ, 18 ਜੂਨ (ਏਜੰਸੀ)-ਫੀਫਾ ਵਿਸ਼ਵ ਕੱਪ 2026 ‘ਚ ਇੰਗਲੈਂਡ ਨੇ ਕ੍ਰੋਏਸ਼ੀਆ ਨੂੰ 3-2 ਨਾਲ ਹਰਾਇਆ| ਦੋਵਾਂ ਟੀਮਾਂ ਵਿਚਾਲੇ ਇਹ ਮੈਚ ਪਹਿਲੇ ਅੱਧ ਤੱਕ ਬਹੁਤ ਹੀ ਰੋਮਾਂਚਕ ਸੀ| ਪਹਿਲੇ ਅੱਧ ਦੇ ਅੰਤ ਵਿਚ, ਦੋਵੇਂ ਟੀਮਾਂ 2-2 ਨਾਲ ਬਰਾਬਰ ਰਹੀਆਂ| ਇੰਗਲੈਂਡ ਨੇ ਮੈਚ ਦੀ ਸ਼ੁਰੂਆਤ ਹਮਲਾਵਰ ਢੰਗ ਨਾਲ ਕੀਤੀ ਤੇ 12ਵੇਂ ਮਿੰਟ ‘ਚ, ਕਪਤਾਨ ਹੈਰੀ ਕੇਨ ਨੇ ਪੈਨਲਟੀ ਨੂੰ ਬਦਲ ਕੇ ਟੀਮ ਨੂੰ 1-0 ਦੀ ਲੀਡ ਦਿਵਾਈ| ਸ਼ੁਰੂਆਤੀ ਲੀਡ ਤੋਂ ਬਾਅਦ, ਇੰਗਲੈਂਡ ਨੇ ਕੰਟਰੋਲ ਬਣਾਈ ਰੱਖਿਆ ਤੇ 22ਵੇਂ ਮਿੰਟ ਤੱਕ 1-0 ਦੀ ਲੀਡ ਬਣਾਈ ਰੱਖੀ| ਹਾਲਾਂਕਿ, ਕ੍ਰੋਏਸ਼ੀਆ ਨੇ 36ਵੇਂ ਮਿੰਟ ‘ਚ ਜ਼ਬਰਦਸਤ ਵਾਪਸੀ ਕੀਤੀ| ਮਾਰਟਿਨ ਬਟੂਰੀਨਾ ਨੇ ਸ਼ਾਨਦਾਰ ਗੋਲ ਕਰਕੇ ਸਕੋਰ 1-1 ਨਾਲ ਬਰਾਬਰ ਕਰ ਦਿੱਤਾ| ਜਵਾਬ ਵਿੱਚ, ਇੰਗਲੈਂਡ ਨੇ ਸਿਰਫ਼ 6 ਮਿੰਟ ਬਾਅਦ ਲੀਡ ਮੁੜ ਹਾਸਲ ਕਰ ਲਈ| 42ਵੇਂ ਮਿੰਟ ‘ਚ ਕਪਤਾਨ ਹੈਰੀ ਕੇਨ ਨੇ ਆਪਣਾ ਦੂਜਾ ਗੋਲ ਕਰਕੇ ਇੰਗਲੈਂਡ ਨੂੰ 2-1 ਦੀ ਲੀਡ ਦਿਵਾਈ| ਜਦੋਂ ਅਜਿਹਾ ਲੱਗ ਰਿਹਾ ਸੀ ਕਿ ਇੰਗਲੈਂਡ ਲੀਡ ਨਾਲ ਬ੍ਰੇਕ ਵਿੱਚ ਜਾਵੇਗਾ, ਤਾਂ ਕ੍ਰੋਏਸ਼ੀਆ ਨੇ ਵਾਧੂ ਸਮੇਂ ‘ਚ ਵਾਪਸੀ ਕੀਤੀ ਤੇ ਪੀਟਰ ਮੂਸਾ ਨੇ ਗੋਲ ਕਰਕੇ ਇੰਗਲੈਂਡ ਦੀ ਲੀਡ ਮਿਟਾ ਦਿੱਤੀ ਤੇ ਮੈਚ ਬਰਾਬਰ ਕਰ ਦਿੱਤਾ| ਇਸ ਤੋਂ ਬਾਅਦ ਜੂਡ ਬੇਲੰਿਘਮ ਨੇ 47ਵੇਂ ਮਿੰਟ ‘ਚ ਸ਼ਾਨਦਾਰ ਗੋਲ ਕਰਕੇ ਇੰਗਲੈਂਡ ਨੂੰ ਕ੍ਰੋਏਸ਼ੀਆ ਵਿਰੁੱਧ 3-2 ਦੀ ਬੜ੍ਹਤ ਦਿਵਾਈ| ਇਸ ਤੋਂ ਬਾਅਦ ਮਾਰਕਸ ਰਾਸ਼ਫੋਰਡ ਨੇ 85ਵੇਂ ਮਿੰਟ ਵਿਚ ਇੰਗਲੈਂਡ ਲਈ ਚੌਥਾ ਗੋਲ ਕਰਕੇ ਟੀਮ ਨੂੰ ਕ੍ਰੋਏਸ਼ੀਆ ਵਿਰੁੱਧ 4-2 ਦੀ ਬੜ੍ਹਤ ਦਿਵਾਉਂਦੇ ਹੋਏ ਜਿੱਤ ਯਕੀਨੀ ਬਣਾ ਦਿੱਤੀ।