ਇੰਗਲਵੁੱਡ, 26 ਜੂਨ (ਪੀ.ਟੀ.ਆਈ.)-ਫੀਫਾ ਵਿਸ਼ਵ ਕੱਪ ਦੇ ਗਰੁੱਪ ਪੜਾਅ ਤੋਂ ਪਹਿਲਾਂ ਹੀ ਬਾਹਰ ਹੋਣ ਤੋਂ ਬਾਅਦ, ਤੁਰਕੀ ਨੇ ਆਪਣੇ ਤੀਜੇ ਤੇ ਆਖਰੀ ਗਰੁੱਪ ਮੈਚ ’ਚ ਮੇਜ਼ਬਾਨ ਅਮਰੀਕਾ ਨੂੰ 3-2 ਨਾਲ ਹਰਾ ਕੇ ਹੈਰਾਨ ਕਰ ਦਿੱਤਾ। ਮੈਚ ਅਮਰੀਕਾ ਲਈ ਸ਼ਾਨਦਾਰ ਸ਼ੁਰੂਆਤ ਨਾਲ ਸ਼ੁਰੂ ਹੋਇਆ। ਸਿਰਫ਼ 2 ਮਿੰਟ ਤੇ 13 ਸਕਿੰਟ ’ਚ, ਆਸਟਨ ਟਰੱਸਟੀ ਨੇ ਸੇਬੇਸਟੀਅਨ ਬਰਹਾਲਟਰ ਦੇ ਕਾਰਨਰ ਕਿੱਕ ‘ਤੇ ਇੱਕ ਸ਼ਾਨਦਾਰ ਗੋਲ ਕੀਤਾ, ਜਿਸ ਨਾਲ ਅਮਰੀਕਾ ਨੇ 1-0 ਦੀ ਬੜ੍ਹਤ ਬਣਾਈ। ਇਹ ਅਮਰੀਕੀ ਵਿਸ਼ਵ ਕੱਪ ਇਤਿਹਾਸ ਦਾ ਦੂਜਾ ਸਭ ਤੋਂ ਤੇਜ਼ ਗੋਲ ਸੀ। 7 ਮਿੰਟ ਬਾਅਦ ਤੁਰਕੀ ਨੇ ਸ਼ਾਨਦਾਰ ਵਾਪਸੀ ਕੀਤੀ। ਨੌਜਵਾਨ ਸਟਾਰ ਅਰਦਾ ਗੁਲਰ ਨੇ ਬਾਰਿਸ ਯਿਲਮਾਜ਼ ਨਾਲ ਮਿਲ ਕੇ ਗੋਲ ਕੀਤਾ ਤੇ ਮੈਚ 1-1 ਨਾਲ ਬਰਾਬਰ ਕਰ ਦਿੱਤਾ। ਇਸ ਗੋਲ ਨਾਲ, ਗੁਲਰ ਵਿਸ਼ਵ ਕੱਪ ਵਿੱਚ ਤੁਰਕੀ ਲਈ ਗੋਲ ਕਰਨ ਵਾਲਾ ਸਭ ਤੋਂ ਘੱਟ ਉਮਰ ਦਾ ਖਿਡਾਰੀ ਬਣ ਗਿਆ। ਪਹਿਲੇ ਹਾਫ ਦੇ 30 ਮਿੰਟ ਬਾਅਦ, ਤੁਰਕੀ ਨੇ ਫਿਰ ਗੋਲ ਕਰਕੇ ਲੀਡ ਹਾਸਲ ਕੀਤੀ; ਬਾਰਿਸ ਯਿਲਮਾਜ਼ ਨੇ ਏਰੇਨ ਐਲਮਾਲੀ ਦੇ ਸ਼ਾਨਦਾਰ ਪਾਸ ਨੂੰ ਗੋਲ ’ਚ ਬਦਲ ਦਿੱਤਾ, ਜਿਸ ਨਾਲ ਸਕੋਰ 2-1 ਹੋ ਗਿਆ। ਦੂਜੇ ਅੱਧ ਦੌਰਾਨ 48ਵੇਂ ਮਿੰਟ ’ਚ ਅਮਰੀਕਾ ਦੇ ਸੇਬੇਸਟੀਅਨ ਬਰਹਾਲਟਰ ਨੇ ਇਕ ਸ਼ਾਨਦਾਰ ਲੰਬੀ ਦੂਰੀ ਤੋਂ ਗੋਲ ਕੀਤਾ ਤੇ ਸਕੋਰ 2-2 ਨਾਲ ਬਰਾਬਰ ਕਰ ਦਿੱਤਾ। ਮੈਚ ਜਿਵੇਂ ਹੀ ਮੈਚ ਡਰਾਅ ਵੱਲ ਵਧ ਰਿਹਾ ਸੀ, ਕਾਨ ਅਯਹਾਨ ਨੇ ਸਟਾਪੇਜ ਟਾਈਮ ਦੇ 8ਵੇਂ ਮਿੰਟ ’ਚ ਫੈਸਲਾਕੁੰਨ ਗੋਲ ਕੀਤਾ, ਜਿਸ ਨਾਲ ਤੁਰਕੀ ਲਈ ਇਕ ਯਾਦਗਾਰ ਜਿੱਤ ਦਰਜ ਕੀਤੀ ਗਈ।
