ਕੀ ਆਈਵਰੀ ਕੋਸਟ ਗੋਲ-ਮਸ਼ੀਨ ਏਰਲਿੰਗ ਹਾਲੈਂਡ ਨੂੰ ਰੋਕ ਪਾਵੇਗਾ?

ਆਰਲਿੰਗਟਨ, 29 ਜੂਨ (ਇੰਟ.)-ਰਾਊਂਡ ਆਫ਼ 32 ਦੇ ਸਭ ਤੋਂ ਔਖੇ ਮੈਚਾਂ ਵਿੱਚੋਂ ਇੱਕ ਮੰਨੇ ਜਾਣ ਵਾਲੇ ਇਸ ਮੈਚ ’ਚ ਆਈਵਰੀ ਕੋਸਟ ਟੀਮ ਦਾ ਸਾਹਮਣਾ ਨਾਰਵੇ ਦੀ ਟੀਮ ਨਾਲ ਹੋਵੇਗਾ, ਜੋ ਦੁਨੀਆ ਦੇ ਸਭ ਤੋਂ ਵਧੀਆ ਸਟ੍ਰਾਈਕਰਾਂ ਵਿਚੋਂ ਇਕ ਹੈ। ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ਟੈਕਸਾਸ ਦੀ ਗਰਮੀ ’ਚ, ਇਹਨਾਂ ਦੋਵਾਂ ਟੀਮਾਂ ਵਿਚੋਂ ਕਿਹੜੀ ਟੀਮ ਆਖ਼ਰੀ 16 ’ਚ ਆਪਣੀ ਜਗ੍ਹਾ ਪੱਕੀ ਕਰਦੀ ਹੈ। ਜੇਕਰ ਪਿਛਲੇ ਪੜਾਅ ’ਤੇ ਨਜ਼ਰ ਮਾਰੀਏ ਤਾਂ ਆਈਵਰੀ ਕੋਸਟ ਨੇ ਆਪਣੇ ਤਿੰਨੋਂ ਗਰੁੱਪ ਮੈਚਾਂ ’ਚ ਪਹਿਲਾ ਗੋਲ ਕੀਤਾ ਹੈ ਤੇ ਇਸਦੇ ਨਾਲ ਉਹ ਵਿਸ਼ਵ ਕੱਪ ਵਿਚ ਅਜਿਹਾ ਕਰਨ ਵਾਲਾ ਸਿਰਫ਼ ਦੂਜਾ ਅਫਰੀਕੀ ਦੇਸ਼ ਬਣ ਗਿਆ ਹੈ। ਰੱਖਿਆਤਮਕ ਤੌਰ ‘ਤੇ ਮਜ਼ਬੂਤ ਇਕਵਾਡੋਰ ਦੇ ਖਿਲਾਫ ਸ਼ਾਨਦਾਰ ਜਿੱਤ ਤੋਂ ਬਾਅਦ, ਉਨ੍ਹਾਂ ਨੂੰ ਜਰਮਨੀ ਤੋਂ ਸਟਾਪੇਜ ਟਾਇਮ ਦੌਰਾਨ ਕੀਤੇ ਗੋਲ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਉਨ੍ਹਾਂ ਨੇ ਕੁਰਾਸਾਓ ਦੇ ਖਿਲਾਫ 2-0 ਦੀ ਜਿੱਤ ਨਾਲ ਵਾਪਸੀ ਕੀਤੀ, ਜਿਸ ’ਚ ਪਹਿਲਾਂ ਆਲੋਚਨਾ ਝੱਲ ਚੁੱਕੇ ਸਾਬਕਾ ਆਰਸੈਨਲ ਸਟਾਰ ਨਿਕੋਲਸ ਪੇਪੇ ਨੇ ਹੀ ਦੋਵੇਂ ਗੋਲ ਕੀਤੇ ਸਨ। ਇਸ ਦੇ ਨਾਲ ਹੀ 28 ਸਾਲ ਬਾਅਦ ਵਾਪਸੀ ਕਰ ਰਹੀ ਨਾਰਵੇ ਨੇ ਵਿਸ਼ਵ ਕੱਪ ’ਚ ਬਹੁਤ ਸਾਰਾ ਮਨੋਰੰਜਨ ਪ੍ਰਦਾਨ ਕੀਤਾ ਹੈ। ਉਨ੍ਹਾਂ ਦੇ ਹਜ਼ਾਰਾਂ ਸਮਰਥਕਾਂ ਨੇ ਆਪਣੇ ਜੋਸ਼ੀਲੇ ਨਾਅਰੇ ਨਾਲ ਬਹੁਤ ਊਰਜਾ ਤੇ ਜਨੂੰਨ ਪੈਦਾ ਕੀਤਾ ਹੈ। ਮੈਦਾਨ ‘ਤੇ, ਨਾਰਵੇ ਨੇ ਤਿੰਨ ਮੈਚਾਂ ਦੌਰਾਨ ਕੁੱਲ 15 ਗੋਲ ਕੀਤੇ ਹਨ। ਇਹਨਾਂ ਵਿੱਚੋਂ ਆਖਰੀ ਮੈਚਾਂ ਵਿਚ, ਉਹ 4-1 ਨਾਲ ਹਾਰ ਗਏ ਸਨ। ਕੋਚ ਸਟੈਲ ਸੋਲਬਾਕੇਨ ਨੇ ਕਈ ਮੁੱਖ ਖਿਡਾਰੀਆਂ ਨੂੰ ਆਰਾਮ ਦਿੱਤਾ, ਜਿਨ੍ਹਾਂ ’ਚ ਏਰਲਿੰਗ ਹਾਲੈਂਡ, ਕਪਤਾਨ ਮਾਰਟਿਨ ਓਡੇਗਾਰਡ ਤੇ ਸ਼ਾਨਦਾਰ ਸੱਜੇ-ਪੱਖੀ ਹਮਲਾਵਰ ਐਂਟੋਨੀਓ ਨੁਸਾ ਸ਼ਾਮਲ ਸਨ। ਜੂਲੀਅਨ ਰਾਇਰਸਨ ਨੂੰ ਫਰਾਂਸ ਦੇ ਖਿਲਾਫ ਸ਼ਾਮਲ ਨਹੀਂ ਕੀਤਾ ਗਿਆ ਸੀ। ਮੈਨਚੈਸਟਰ ਸਿਟੀ ਦੀ ਗੋਲ-ਮਸ਼ੀਨ ਏਰਲਿੰਗ ਹਾਲੈਂਡ ਹੁਣ ਤੱਕ ਆਪਣੇ ਚਾਰ ਵਿਸ਼ਵ ਕੱਪ ਗੋਲਾਂ ’ਚ ਵਾਧਾ ਕਰਨ ਲਈ ਉਤਸੁਕ ਹੋਣਗੇ।