ਲੰਡਨ, 1 ਜਨਵਰੀ (ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ/ ਸੁਖਜਿੰਦਰ ਸਿੰਘ ਢੱਡੇ)-ਬਰਤਾਨੀਆ ਦੇ ਪ੍ਰਧਾਨ ਮੰਤਰੀ ਸਰ ਕੀਰ ਸਟਾਰਮਰ ਨੇ ਆਪਣੇ ਨਵੇਂ ਸਾਲ ਦੇ ਸੰਦੇਸ਼ 'ਚ ਦੇਸ਼ ਵਾਸੀਆਂ ਨੂੰ ਸ਼ੁਭਕਾਮਨਾਵਾਂ ਦਿੰਦਿਆਂ 'ਦੂਜਿਆਂ ਵਲੋਂ ਪੈਦਾ ਕੀਤੀ ਡਾਵਾਂਡੋਲ ਸਥਿਤੀ ਨੂੰ ਸੁਧਾਰਨ ਤੇ ਵੰਡ ਪਾਉਣ ਦੇ ਮਨਸੂਬਿਆਂ ਨੂੰ ਹਰਾਉਣ' ਦਾ ਵਾਅਦਾ ਕੀਤਾ ਹੈ | ਉਨ੍ਹਾਂ ਜ਼ੋਰ ਦੇ ਕੇ ਕਿਹਾ ਕਿ 2026 'ਚ ਲੋਕ ਆਪਣੇ ਜੀਵਨ 'ਚ 'ਸਕਾਰਾਤਮਕ ਤਬਦੀਲੀ' ਮਹਿਸੂਸ ਕਰਨਗੇ | ਉਨ੍ਹਾਂ ਨੇ ਸਵੀਕਾਰ ਕੀਤਾ ਕਿ ਬਿ੍ਟੇਨ 'ਚ ਪਿਛਲਾ ਸਮਾਂ ਚਣੌਤੀਆਂ ਭਰਪੂਰ ਰਿਹਾ, ਪਰ ਲੋਕਾਂ ਨੂੰ ਹੁਣ ਘੱਟ ਬਿੱਲ, ਸੜਕਾਂ 'ਤੇ ਵਧੇਰੇ ਪੁਲਿਸ ਤੇ ਨਵੇਂ ਸਿਹਤ ਕੇਂਦਰ ਸੁਧਾਰਾਂ ਸਮੇਤ ਵਿਖਾਈ ਦੇਣਗੇ | ਜ਼ਿਕਰਯੋਗ ਹੈ ਕਿ ਪ੍ਰਧਾਨ ਮੰਤਰੀ ਲਈ ਇਹ ਇਕ ਮੁਸ਼ਕਿਲ ਸਾਲ ਰਿਹਾ ਹੈ, ਜੋ ਦੇਸ਼ ਦੀ ਧੀਮੀ ਆਰਥਿਕਤਾ, ਮਾੜੇ ਸਰਵੇਖਣ ਮੁਕਾਬਲੇ ਤੇ ਹੋਰ ਅਟਕਲਾਂ ਨਾਲ ਜੂਝਦਿਆਂ ਲੀਡਰਸ਼ਿਪ ਚੁਣੌਤੀ ਦਾ ਸਾਹਮਣਾ ਕਰਦੇ ਰਹੇ | ਸਰ ਕੀਰ ਨੇ ਇਹ ਵੀ ਕਿਹਾ ਕਿ ਸਾਡੇ ਸਾਹਮਣੇ ਆਉਣ ਵਾਲੀਆਂ ਚੁਣੌਤੀਆਂ ਦਹਾਕਿਆਂ ਤੋਂ ਚੱਲੀਆਂ ਆ ਰਹੀਆਂ ਸਨ ਤੇ ਨਵੀਨੀਕਰਨ ਰਾਤੋ-ਰਾਤ ਦਾ ਕੰਮ ਨਹੀਂ ਹੈ | ਪਰ ਹੁਣ ਬਹੁਤ ਕੁਝ ਬਦਲੇਗਾ¢
