ਨਿਊਯਾਰਕ ਦੇ ਵਿਅਕਤੀ 'ਤੇ ਚੀਨ ਦਾ ਏਜੰਟ ਹੋਣ ਦੇ ਦੋਸ਼
ਅਜੀਤ ਡੈਸਕ
15-05-2026
ਨਿਊਯਾਰਕ, 14 ਮਈ (ਇੰਟ.)-ਨਿਊਯਾਰਕ ਦੀ ਇਕ ਸੰਘੀ ਅਦਾਲਤ ਨੇ ਅਮਰੀਕੀ ਨਾਗਰਿਕ ਲੂ ਜਿਆਨਵਾਂਗ ਨੂੰ ਅਮਰੀਕਾ ਦੇ ਅੰਦਰ ਚੀਨ ਲਈ ਇਕ 'ਗੁਪਤ ਦਫ਼ਤਰ' ਜਿਸਨੂੰ ਪੁਲਿਸ ਸਟੇਸ਼ਨ ਵੀ ਕਿਹਾ ਜਾ ਰਿਹਾ ਹੈ, ਦੇ ਕਥਿਤ ਸੰਚਾਲਨ ਨਾਲ ਸਬੰਧਤ ਇਕ ਮਾਮਲੇ 'ਚ ਦੋਸ਼ੀ ਪਾਇਆ ਹੈ | ਮੈਨਹਟਨ ਦੇ ਚਾਈਨਾਟਾਊਨ ਜ਼ਿਲ੍ਹੇ ਤੋਂ ਬਾਹਰ ਚੱਲਣ ਵਾਲੀ ਇਸ ਕਥਿਤ ਸਹੂਲਤ ਦੀ ਜਾਂਚ ਕਾਫ਼ੀ ਸਮੇਂ ਤੋਂ ਚੱਲ ਰਹੀ ਸੀ | 64 ਸਾਲਾ ਲੂ ਜਿਆਨਵਾਂਗ, ਜਿਸਨੂੰ ਹੈਰੀ ਲੂ ਵੀ ਕਿਹਾ ਜਾਂਦਾ ਹੈ, 'ਤੇ ਚੀਨ ਦੇ ਜਨਤਕ ਸੁਰੱਖਿਆ ਮੰਤਰਾਲੇ ਦੇ ਇਸ਼ਾਰੇ 'ਤੇ ਕੰਮ ਕਰਨ ਦਾ ਦੋਸ਼ ਲਗਾਇਆ ਗਿਆ ਸੀ | ਇਸਤਗਾਸਾ ਪੱਖ ਨੇ ਅਦਾਲਤ 'ਚ ਦਲੀਲ ਦਿੱਤੀ ਕਿ, ਅਮਰੀਕਾ ਵਿਚ ਰਹਿੰਦਿਆਂ, ਉਹ ਚੀਨੀ ਸਰਕਾਰ ਵੱਲੋਂ ਕਾਰਵਾਈਆਂ ਕਰ ਰਿਹਾ ਸੀ | ਜਾਂਚ ਏਜੰਸੀਆਂ ਦੇ ਅਨੁਸਾਰ, ਇਸ ਕਥਿਤ 'ਗੁਪਤ ਦਫ਼ਤਰ' ਦੀ ਵਰਤੋਂ ਚੀਨੀ ਸਰਕਾਰ ਦੇ ਹਿੱਤਾਂ ਦੀ ਪੂਰਤੀ ਲਈ ਕੀਤੀ ਜਾ ਰਹੀ ਸੀ | ਮੁਕੱਦਮੇ ਤੋਂ ਬਾਅਦ, ਜਿਊਰੀ ਨੇ ਲੂ ਨੂੰ ਦੋਸ਼ੀ ਪਾਇਆ, ਉਸਨੂੰ ਚੀਨ ਦਾ ਗੈਰ-ਕਾਨੂੰਨੀ ਏਜੰਟ ਮੰਨਿਆ | ਉਸਨੂੰ ਜਾਂਚ ਨੂੰ ਪ੍ਰਭਾਵਿਤ ਕਰਨ ਦੀ ਕੋਸ਼ਿਸ਼ ਕਰਨ ਤੇ ਸਬੂਤਾਂ ਵਿਚ ਰੁਕਾਵਟ ਪਾਉਣ ਦੇ ਦੋਸ਼ਾਂ ਦਾ ਵੀ ਦੋਸ਼ੀ ਪਾਇਆ ਗਿਆ | ਇਸ ਮਾਮਲੇ ਨੇ ਅਮਰੀਕਾ ਤੇ ਚੀਨ ਵਿਚਕਾਰ ਪਹਿਲਾਂ ਤੋਂ ਮÏਜੂਦ ਤਣਾਅ ਨੂੰ ਹੋਰ ਵਧਾ ਦਿੱਤਾ ਹੈ |
