ਕੋਲਕਾਤਾ, 23 ਮਈ (ਪੀ.ਟੀ.ਆਈ.)-ਕੋਲਕਾਤਾ ਦੇ ਪ੍ਰਸਿੱਧ ਸਾਲਟ ਲੇਕ ਸਟੇਡੀਅਮ ਦੇ ਬਾਹਰ ਵੱਡੀ ਕਾਰਵਾਈ ਦੇਖਣ ਨੂੰ ਮਿਲੀ | ਸਾਲਾਂ ਤੋਂ ਵਿਵਾਦ ਦਾ ਵਿਸ਼ਾ ਬਣਿਆ ਇਕ ਬੁੱਤ ਆਖਰਕਾਰ ਭਾਜਪਾ ਸ਼ਾਸਨ ਦੌਰਾਨ ਢਾਹ ਦਿੱਤਾ ਗਿਆ | ਸਾਲਾਂ ਤੋਂ ਧੜ ਤੋਂ ਕੱਟੀਆਂ ਗਈਆਂ 2 ਲੱਤਾਂ ਤੇ ਇਸਦੇ ਉੱਪਰ ਇਕ ਫੁੱਟਬਾਲ ਨੂੰ ਦਰਸਾਉਂਦੀ ਇਕ ਵਿਵਾਦਪੂਰਨ ਮੂਰਤੀ ਕੋਲਕਾਤਾ ਦੇ ਪ੍ਰਤੀਕ ਸਾਲਟ ਲੇਕ ਸਟੇਡੀਅਮ ਦੀ ਪਛਾਣ ਬਣ ਗਈ ਸੀ | ਖੁਦ ਸਾਬਕਾ ਮੁੱਖ ਮੰਤਰੀ ਮਮਤਾ ਬੈਨਰਜੀ ਵਲੋਂ ਡਿਜ਼ਾਈਨ ਕੀਤੀ ਗਈ, ਇਸ ਮੂਰਤੀ ਨੇ ਜਨਤਾ ਨੂੰ ਵੰਡ ਦਿੱਤਾ ਸੀ, ਕਈਆਂ ਨੇ ਇਸਨੂੰ ਬਦਸੂਰਤ ਤੇ ਇੱਥੋਂ ਤੱਕ ਕਿ ਵਿਗੜਿਆ ਵੀ ਕਿਹਾ ਸੀ | ਸ਼ਨੀਵਾਰ ਨੂੰ , ਭਾਜਪਾ ਸਰਕਾਰ ਨੇ ਮੰਤਰੀ ਨਿਸ਼ੀਥ ਪ੍ਰਮਾਣਿਕ ??ਵਲੋਂ ਇਸਨੂੰ ਹਟਾਉਣ ਦੇ ਵਾਅਦੇ ਤੋਂ ਕੁਝ ਦਿਨ ਬਾਅਦ ਹੀ ਮੂਰਤੀ ਢਾਹ ਦਿੱਤੀ ਗਈ | ਇਹ ਧਿਆਨ ਦੇਣ ਯੋਗ ਹੈ ਕਿ ਫੁੱਟਬਾਲ ਦੇ ਮਹਾਨ ਖਿਡਾਰੀ ਲਿਓਨਲ ਮੇਸੀ ਨੇ ਹਾਲ ਹੀ ਵਿਚ ਇਸ ਸਟੇਡੀਅਮ ਦਾ ਦÏਰਾ ਕੀਤਾ ਸੀ | ਮਮਤਾ ਬੈਨਰਜੀ ਦੇ ਦਿਮਾਗ ਦੀ ਉਪਜ ਮੰਨੀ ਜਾਂਦੀ ਇਹ ਮੂਰਤੀ 2017 ਵਿਚ ਫੀਫਾ ਅੰਡਰ-17 ਵਿਸ਼ਵ ਕੱਪ ਤੋਂ ਪਹਿਲਾਂ ਸਥਾਪਿਤ ਕੀਤੀ ਗਈ ਸੀ | ਇਸ ਵਿਚ ਬਿਸਵਾ ਬੰਗਲਾ ਲੋਗੋ ਵੀ ਸੀ, ਜੋ ਕਿ ਪਿਛਲੀ ਟੀ.ਐਮ.ਸੀ. ਸਰਕਾਰ ਦਾ ਇਕ ਪ੍ਰਮੁੱਖ ਪ੍ਰਤੀਕ ਸੀ |
