ਨਿਊਯਾਰਕ, 30 ਜੂਨ (ਰਾਜੂ ਸਹਿਬਾਜ਼ਪੁਰਾ )-ਆਈ-95 ਹਾਈਵੇਅ ਨੇੜੇ ਵੱਖ-ਵੱਖ ਰੈਸਟ ਸਟਾਪਾਂ ਅਤੇ ਥਾਵਾਂ ’ਤੇ ਏ.ਟੀ.ਐਮ. ਮਸ਼ੀਨਾਂ ਨਾਲ ਛੇੜਛਾੜ ਕਰਕੇ 5 ਲੱਖ ਡਾਲਰ ਤੋਂ ਵੱਧ ਦੀ ਚੋਰੀ ਕਰਨ ਦੇ ਦੋਸ਼ਾਂ ਹੇਠ 4 ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਅਧਿਕਾਰੀਆਂ ਮੁਤਾਬਕ ਇਹ ਗਿਰੋਹ ਖ਼ਾਸ ਹਾਰਡਵੇਅਰ ਅਤੇ ਮਾਲਵੇਅਰ ਦੀ ਮਦਦ ਨਾਲ ਏ.ਟੀ.ਐਮ. ਮਸ਼ੀਨਾਂ ਨੂੰ ਇਸ ਤਰ੍ਹਾਂ ਕੰਟਰੋਲ ਕਰਦਾ ਸੀ ਕਿ ਮਸ਼ੀਨ ਲਗਾਤਾਰ ਨਕਦੀ ਬਾਹਰ ਕੱਢਣ ਲੱਗਦੀ ਸੀ।ਅਧਿਕਾਰੀਆਂ ਅਨੁਸਾਰ ਦੋ ਹਫ਼ਤਿਆਂ ਦੇ ਸਮੇਂ ਦੌਰਾਨ ਇਹ ਚੋਰੀਆਂ ਕਨੈਕਟੀਕਟ ਦੇ ਡੇਰੀਅਨ ਤੋਂ ਨਿਊ ਹੈਵਨ ਤੱਕ 8 ਵੱਖ-ਵੱਖ ਏ.ਟੀ.ਐਮ. ਸਥਾਨਾਂ ’ਤੇ ਹੋਈਆਂ। ਫੇਅਰਫੀਲਡ ਦੇ ਇਕ ਰੈਸਟ ਸਟਾਪ ਤੋਂ ਹੀ ਦੋਸ਼ੀਆਂ ਨੇ ਕਰੀਬ 1 ਲੱਖ 36 ਹਜ਼ਾਰ ਡਾਲਰ ਕੱਢ ਲਏ ਸਨ।ਗ੍ਰਿਫ਼ਤਾਰ ਕੀਤੇ ਗਏ ਵਿਅਕਤੀਆਂ ਵਿਚ ਬ੍ਰੌਂਕਸ ਦਾ 49 ਸਾਲਾ ਵਿਲੀਅਨ ਫਲੋਰੇਸ, ਕਵੀਨਜ਼ ਦਾ 41 ਸਾਲਾ ਅਲਬਰਟੋ ਅਰਵਿਲਾ, ਮੈਸਾਚੂਸੇਟਸ ਦਾ 38 ਸਾਲਾ ਲੁਈਸ ਅਰਵਿਲਾ ਅਤੇ ਨੌਰਥ ਕੈਰੋਲੀਨਾ ਦਾ 28 ਸਾਲਾ ਯੂਕਲਾਈਡਸ ਇਟਾਨਾਰੇ ਸ਼ਾਮਲ ਹਨ। ਅਧਿਕਾਰੀਆਂ ਨੇ ਦੱਸਿਆ ਕਿ ਚਾਰਾਂ ’ਤੇ ਚੋਰੀ ਕੀਤੀ ਸੰਪਤੀ ਨੂੰ ਇੱਕ ਰਾਜ ਤੋਂ ਦੂਜੇ ਰਾਜ ਵਿੱਚ ਲਿਜਾਣ ਅਤੇ ਸਾਜ਼ਿਸ਼ ਦੇ ਦੋਸ਼ ਲਗਾਏ ਗਏ ਹਨ।ਜਾਂਚ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਨਿਗਰਾਨੀ ਕੈਮਰਿਆਂ ਦੀਆਂ ਤਸਵੀਰਾਂ, ਮੋਬਾਈਲ ਲੋਕੇਸ਼ਨ ਡਾਟਾ ਅਤੇ ਗੱਡੀ ਵਿੱਚੋਂ ਮਿਲੀ ਨਕਦੀ ਨਾਲ ਜੁੜੀਆਂ ਤਸਵੀਰਾਂ ਨੇ ਦੋਸ਼ੀਆਂ ਨੂੰ ਇਨ੍ਹਾਂ ਘਟਨਾਵਾਂ ਨਾਲ ਜੋੜਿਆ ਹੈ। ਚਾਰਾਂ ਨੂੰ ਬਿਨਾਂ ਜ਼ਮਾਨਤ ਹਿਰਾਸਤ ਵਿੱਚ ਰੱਖਿਆ ਗਿਆ ਹੈ। ਦੋਸ਼ ਸਾਬਤ ਹੋਣ ’ਤੇ ਹਰ ਇੱਕ ਨੂੰ 10 ਸਾਲ ਤੱਕ ਦੀ ਫੈਡਰਲ ਕੈਦ ਹੋ ਸਕਦੀ ਹੈ।ਅਧਿਕਾਰੀਆਂ ਮੁਤਾਬਕ ਜਾਂਚ ਅਜੇ ਵੀ ਜਾਰੀ ਹੈ ਅਤੇ ਇਹ ਵੇਖਿਆ ਜਾ ਰਿਹਾ ਹੈ ਕਿ ਕੀ ਇਹ ਗਿਰੋਹ ਪਿਛਲੀਆਂ ਹੋਰ ਏ.ਟੀ.ਐਮ. ਚੋਰੀਆਂ ਨਾਲ ਵੀ ਜੁੜਿਆ ਹੋ ਸਕਦਾ
