ਔਰਤਾਂ ਅਤੇ ਬੱਚਿਆਂ ਨੇ ਕੋਲਡ ਡਰਿੰਕਸ ਅਤੇ ਜਲਜੀਰਾ ਦੀ ਛਬੀਲ ਲਗਾਈ

ਕਾਲਾਂਵਾਲੀ/ਸਿਰਸਾ, 30 ਜੂਨ (ਭੁਪਿੰਦਰ ਪੰਨੀਵਾਲੀਆ)- ਜਦੋਂ ਕਿ ਭਿਆਨਕ ਗਰਮੀ ਨੇ ਲੋਕਾਂ ਲਈ ਆਪਣੇ ਘਰਾਂ ਤੋਂ ਬਾਹਰ ਨਿਕਲਣਾ ਮੁਸ਼ਕਲ ਬਣਾ ਦਿੱਤਾ ਹੈ, ਉੱਥੇ ਹੀ ਸਮਰ ਫੀਲਡ ਸਕੂਲ ਵਾਲੀ ਗਲੀ ਦੀਆਂ ਔਰਤਾਂ ਅਤੇ ਬੱਚਿਆਂ ਨੇ ਡਾ. ਕਸ਼ਮੀਰ ਸਿੰਘ ਤੋਂ ਪ੍ਰੇਰਿਤ ਹੋ ਕੇ ਗਰਮੀ ਤੋਂ ਰਾਹਤ ਪ੍ਰਦਾਨ ਕਰਨ ਲਈ ਕੋਲਡ ਡਰਿੰਕਸ ਅਤੇ ਜਲਜੀਰੇ ਦੀ ਛਬੀਲ ਲਗਾਈ। ਗਲੀ ਦੀਆਂ ਔਰਤਾਂ ਅਤੇ ਬੱਚਿਆਂ ਨੇ ਮਿਲ ਕੇ ਰਾਹਗੀਰਾਂ ਲਈ ਲਾਈ ਛਬੀਲ ਨਾਲ ਲੋਕਾਂ ਨੂੰ ਬਹੁਤ ਰਾਹਤ ਮਿਲੀ। ਇਸ ਨੇਕ ਕੰਮ ਵਿੱਚ ਹਰਪ੍ਰੀਤ ਕੌਰ, ਪੂਜਾ ਰਾਣੀ, ਵਨੀਤਾ ਰਾਣੀ, ਸੰਦੀਪ ਕੌਰ ਅਤੇ ਬੱਚਿਆਂ ਨੇ ਤੇਜ਼ ਗਰਮੀ ਵਿੱਚ ਰਾਹਗੀਰਾਂ ਨੂੰ ਕੋਲਡ ਡਰਿੰਕਸ ਅਤੇ ਜਲਜੀਰੇ ਪਿਲਾ ਕੇ ਗਰਮੀ ਤੋਂ ਰਾਹਤ ਦਿਵਾਈ। ਸਾਰੇ ਰਾਹਗੀਰਾਂ ਨੇ ਇਸ ਦੀ ਪ੍ਰਸ਼ੰਸਾ ਕੀਤੀ ਅਤੇ ਕਿਹਾ ਕਿ ਸਾਰਿਆਂ ਨੂੰ ਇਸ ਨੇਕ ਕੰਮ ਤੋਂ ਪ੍ਰੇਰਨਾ ਲੈਣੀ ਚਾਹੀਦੀ ਹੈ।