ਜੰਡਿਆਲਾ ਮੰਜਕੀ, 30 ਜਨਵਰੀ (ਸੁਰਜੀਤ ਸਿੰਘ ਜੰਡਿਆਲਾ)- ਸਮਾਜ ਸੇਵਕ ਬਾਲ ਕਿ੍ਸ਼ਨ ਬਾਲੀ ਨੇ ਮੰਗ ਕਰਦਿਆਂ ਕਿਹਾ ਕਿ ਕਸਬਾ ਨੂਰਮਹਿਲ ਨੂੰ ਮੁੜ ਹਲਕੇ ਦਾ ਦਰਜਾ ਦਿੱਤਾ ਜਾਵੇ ਤੇ ਨੂਰਮਹਿਲ ਨੂੰ ਸਬ-ਡਵੀਜ਼ਨ ਬਣਾਇਆ ਜਾਵੇ ਅਤੇ ਕਸਬਾ ਬਿਲਗਾ ਜਾਂ ਜੰਡਿਆਲਾ ਮੰਜਕੀ ਨੂੰ ਸਬ ਤਹਿਸੀਲ ਬਣਾ ਕੇ ਹਲਕਾ ਨੂਰਮਹਿਲ ਨਾਲ ਜੋੜਿਆ ਜਾਵੇ | ਬਾਲੀ ਨੇ ਕਿਹਾ ਕਿ 2012 ਵਿੱਚ ਨੂਰਮਹਿਲ ਦੇ ਵਿਧਾਨ ਸਭਾ ਹਲਕੇ ਨੂੰ ਖਤਮ ਕਰ ਦਿੱਤਾ ਗਿਆ ਸੀ ਜਿਸ ਕਰਕੇ ਨੂਰਮਹਿਲ ਬਾਕੀ ਸ਼ਹਿਰਾਂ ਨਾਲੋਂ ਬਹੁਤ ਪਿੱਛੇ ਰਹਿ ਗਿਆ ਹੈ | ਉਨ੍ਹਾਂ ਮੁੱਖ ਮੰਤਰੀ ਪੰਜਾਬ ਭਗਵੰਤ ਮਾਨ ਨੂੰ ਕਿਹਾ ਕਿ ਲੋਕਾਂ ਦੀਆਂ ਮੁਸ਼ਕਿਲਾਂ ਨੂੰ ਦੇਖਦਿਆਂ ਨੂਰਮਹਿਲ ਨੂੰ ਸਬ-ਡਵੀਜ਼ਨ ਤੇ ਵਿਧਾਨ ਸਭਾ ਹਲਕੇ ਵਜੋਂ ਜਲਦ ਮਾਨਤਾ ਦਿੱਤੀ ਜਾਵੇ |
