ਸ੍ਰੀ ਮੁਕਤਸਰ ਸਾਹਿਬ, 23 ਜਨਵਰੀ (ਹਰਮਹਿੰਦਰ ਪਾਲ)-ਬੀਤੀ ਰਾਤ ਮੀਂਹ ਪੈਣ ਤੋਂ ਬਾਅਦ ਅੱਜ ਖਿੜੀ ਧੁੱਪ 'ਚ ਪਤੰਗਬਾਜ਼ੀ ਦੀਆਂ ਰੌਣਕਾਂ ਲੱਗੀਆਂ ਰਹੀਆਂ | ਬਸੰਤ ਪੰਚਮੀ ਦੇ ਮੌਕੇ 'ਤੇ ਬਹੁਤ ਬੱਚਿਆਂ ਨੇ ਖ਼ੂਬ ਪਤੰਗ ਉਡਾਏ | ਕਈ ਦਿਨਾਂ ਦੀ ਧੁੰਦ ਤੇ ਠੰਡ ਤੋਂ ਬਾਅਦ ਅੱਜ ਮੌਸਮ ਵੀ ਖ਼ੁਸ਼ਗਵਾਰ ਸੀ | ਪੰਜਵੀਂ ਦੇ ਵਿਦਿਆਰਥੀ ਪ੍ਰਭਮੀਤ ਸਿੰਘ ਨੇ ਦੱਸਿਆ ਕਿ ਉਹ ਕਈ ਦਿਨਾਂ ਤੋਂ ਬਸੰਤ ਦੀ ਉਡੀਕ ਕਰ ਰਹੇ ਸਨ | ਉਸ ਦੇ ਭਰਾ ਨੇ ਦੱਸਿਆ ਕਿ ਉਨ੍ਹਾਂ ਇੰਡੀਅਨ ਡੋਰ ਦੀ ਵਰਤੋਂ ਕਰਕੇ ਪਤੰਗ ਉਡਾਏ | ਉਨ੍ਹਾਂ ਦੱਸਿਆ ਕਿ ਪਤੰਗ ਉਡਾਉਣ ਨਾਲ ਕਿਸੇ ਨੂੰ ਨੁਕਸਾਨ ਨਾ ਪਹੁੰਚਾਇਆ ਜਾਵੇ, ਤਾਂ ਹੀ ਅਨੰਦ ਆਉਂਦਾ ਹੈ |
