ਖਰੜ, 9 ਅਗਸਤ (ਜੰਡਪੁਰੀ)-ਬੀਤੀ ਰਾਤ ਚੋਰਾਂ ਨੇ ਨਿੱਝਰ ਚੌਾਕ ਤੋਂ ਛੱਜੂਮਾਜਰਾ ਨੂੰ ਜਾਂਦੇ ਮਾਰਗ 'ਤੇ ਸਥਿਤ ਚਾਰ ਸ਼ੋਅਰੂਮਾਂ 'ਚੋਂ ਨਕਦੀ ਅਤੇ ਹੋਰ ਸਾਮਾਨ ਚੋਰੀ ਕਰ ਲਿਆ ਹੈ | ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਬਾਂਸਲ ਬ੍ਰਦਰਜ਼ ਹਾਰਡੇਵਅਰ ਨਾਮਕ ਸ਼ੋਅਰੂਮ ਦੇ ਮਾਲਕ ਸੁਦਰਸ਼ਨ ਬਾਂਸਲ ਨੇ ਦੱਸਿਆ ਕਿ ਉਹ ਹਰ ਰੋਜ਼ ਦੀ ਤਰ੍ਹਾਂ ਆਪਣਾ ਹਾਰਡਵੇਅਰ ਦਾ ਸਟੋਰ ਬੰਦ ਕਰਕੇ ਘਰ ਗਏ ਸਨ ਅਤੇ ਅੱਜ ਉਨ੍ਹਾਂ ਦੇ ਗੁਆਂਢੀਆਂ ਨੇ ਫ਼ੋਨ 'ਤੇ ਉਨ੍ਹਾਂ ਨੂੰ ਦੱ ਸਿਆ ਕਿ ਉਨ੍ਹਾਂ ਦੇ ਸ਼ੋਅਰੂਮ ਦੇ ਤਾਲੇ ਟੁੱਟੇ ਪਏ ਹਨ | ਜਦੋਂ ਉਨ੍ਹਾਂ ਮੌਕੇ 'ਤੇ ਜਾ ਕੇ ਦੇਖਿਆ ਚੋਰਾਂ ਨੇ ਸਟੋਰ ਦਾ ਸ਼ਟਰ ਤੋੜਿਆ ਹੋਇਆ ਸੀ ਅਤੇ ਅੰਦਰੋਂ ਕਾਊਾਟਰ 'ਚ ਪਈ 40 ਹਜ਼ਾਰ ਰੁਪਏ ਦੀ ਨਕਦੀ ਗਾਇਬ ਸੀ, ਜਦਕਿ ਬਾਕੀ ਸਾਮਾਨ ਸਹੀ ਸਲਾਮਤ ਸੀ | ਉਨ੍ਹਾਂ ਦੱਸਿਆ ਕਿ ਚੋਰ ਐਕਟਿਵਾ 'ਤੇ ਸਵਾਰ ਹੋ ਕੇ ਆਇਆ ਸੀ, ਜਿਸ ਨੇ ਇਸ ਘਟਨਾ ਨੂੰ ਅੰਜਾਮ ਦਿੱਤਾ | ਉਨ੍ਹਾਂ ਦੱਸਿਆ ਕਿ ਚੋਰੀ ਦੀ ਇਹ ਵਾਰਦਾਤ ਸ਼ੋਅਰੂਮ 'ਚ ਲੱਗੇ ਸੀ. ਸੀ. ਟੀ. ਵੀ. ਕੈਮਰਿਆਂ ਵਿਚ ਕੈਦ ਹੋ ਗਈ ਹੈ | ਇਸੇ ਤਰ੍ਹਾਂ ਪਿ੍ੰਸ ਬੂਟ ਸਟੋਰ ਨਾਮਕ ਸ਼ੋਅਰੂਮ ਦੀ ਮਾਲਕ ਭੁਪਿੰਦਰ ਕੌਰ ਨੇ ਦੱਸਿਆ ਕਿ ਚੋਰਾਂ ਨੇ ਬੀਤੀ ਰਾਤ ਉਨ੍ਹਾਂ ਦੀ ਦੁਕਾਨ ਦੇ ਤਾਲੇ ਤੋੜ ਕੇ ਦੁਕਾਨ ਵਿਚੋਂ ਬ੍ਰਾਂਡਡ ਬੂਟ, ਲੇਡੀਜ਼ ਪਰਸ, ਬੈਲਟਾਂ ਆਦਿ ਸਾਮਾਨ ਚੋਰੀ ਕਰ ਲਿਆ, ਜਿਸ ਕਾਰਨ ਉਨ੍ਹਾਂ ਦਾ 1.25 ਲੱਖ ਰੁ: ਦੇ ਕਰੀਬ ਦਾ ਨੁਕਸਾਨ ਹੋਇਆ ਹੈ | ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਦੀ ਦੁਕਾਨ ਦੇ ਸਾਹਮਣੇ ਪੂਨੀਆ ਨਾਂਅ ਦਾ ਨਵਾਂ ਸ਼ੋਅਰੂਮ ਖੁੱਲਿ੍ਹਆ ਹੈ, ਜਿਸ ਦਾ ਕਿ ਅੱਜ ਉਦਘਾਟਨ ਹੋਣਾ ਸੀ ਅਤੇ ਚੋਰਾਂ ਵਲੋਂ ਇਸ ਸ਼ੋਅਰੂਮ ਨੂੰ ਵੀ ਆਪਣਾ ਨਿਸ਼ਾਨਾ ਬਣਾਇਆ ਗਿਆ, ਪਰ ਸ਼ੋਅਰੂਮ ਵਿਚ ਕੋਈ ਸਾਮਾਨ ਨਾ ਹੋਣ ਕਰਕੇ ਉਨ੍ਹਾਂ ਦਾ ਬਚਾਓ ਹੋ ਗਿਆ | ਇਸੇ ਤਰ੍ਹਾਂ ਐੱਸ. ਐੱਸ. ਟਰੇਡਰਜ਼ ਦੇ ਮਾਲਕ ਪ੍ਰਭਾਤ ਨੇ ਦੱਸਿਆ ਕਿ ਉਹ ਕਰੋਕਰੀ ਅਤੇ ਗਿਫ਼ਟ ਆਈਟਮਜ਼ ਵੇਚਣ ਦਾ ਕੰਮ ਕਰਦੇ ਹਨ ਅਤੇ ਬੀਤੀ ਰਾਤ ਚੋਰਾਂ ਨੇ ਉਨ੍ਹਾਂ ਦੀ ਦੁਕਾਨ ਵਿਚਲੇ ਗੱਲੇ ਵਿਚ ਪਈ ਕਰੀਬ 2500 ਰੁਪਏ ਦੀ ਨਕਦੀ ਚੋਰੀ ਕਰ ਲਈ, ਪਰ ਉਨ੍ਹਾਂ ਦੇ ਹੋਰ ਸਾਮਾਨ ਦਾ ਬਚਾਅ ਹੋ ਗਿਆ | ਇਨ੍ਹਾਂ ਵਾਰਦਾਤਾਂ ਸਬੰਧੀ ਪੀੜਤਾਂ ਵਲੋਂ ਇਕੱਠੇ ਹੋ ਕੇ ਪੁਲਿਸ ਨੂੰ ਸੂਚਿਤ ਕੀਤਾ ਗਿਆ, ਜਿਸ ਤੋਂ ਬਾਅਦ ਪੁਲਿਸ ਨੇ ਮੌਕੇ ਦਾ ਜਾਇਜ਼ਾ ਲੈਣ ਉਪਰੰਤ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ |
