ਸਿਸੋਦੀਆ ਤੇ ਜੈਨ ਨੇ ਵੀ ਚੰਡੀਗੜ੍ਹ 'ਚ ਆਲੀਸ਼ਾਨ ਸਰਕਾਰੀ ਕੋਠੀਆਂ 'ਚ ਬਣਾਇਆ ਟਿਕਾਣਾ-ਸਵਾਤੀ ਮਾਲੀਵਾਲ

ਅ

ਅਜੀਤ ਡੈਸਕ 02-11-2025

ਨਵੀਂ ਦਿੱਲੀ, 1 ਨਵੰਬਰ (ਜਗਤਾਰ ਸਿੰਘ)-ਆਮ ਆਦਮੀ ਪਾਰਟੀ (ਆਪ) ਤੋਂ ਰਾਜ ਸਭਾ ਮੈਂਬਰ ਸਵਾਤੀ ਮਾਲੀਵਾਲ ਨੇ ਇਕ ਵਾਰ ਫਿਰ ਆਪਣੀ ਹੀ ਪਾਰਟੀ ਨੂੰ ਨਿਸ਼ਾਨਾ ਬਣਾਇਆ ਹੈ | ਚੰਡੀਗੜ੍ਹ 'ਚ ਅਰਵਿੰਦ ਕੇਜਰੀਵਾਲ ਦੇ ਕਥਿਤ 'ਸ਼ੀਸ਼ਮਹਿਲ' ਨੂੰ ਲੈ ਕੇ ਭਾਜਪਾ ਦੇ ਦਾਅਵਿਆਂ ਦੇ ਵਿਚਕਾਰ ਮਾਲੀਵਾਲ ਨੇ ਖ਼ੁਲਾਸਾ ਕੀਤਾ ਕਿ ਇਹ ਰਾਜਸੀ ਠਾਠ ਸਿਰਫ਼ ਕੇਜਰੀਵਾਲ ਤੱਕ ਹੀ ਸੀਮਤ ਨਹੀਂ ਬਲਕਿ ਦਿੱਲੀ ਦੇ ਸਾਬਕਾ ਉਪ ਮੁੱਖ ਮੰਤਰੀ ਮਨੀਸ਼ ਸਿਸੋਦੀਆ ਅਤੇ ਸਾਬਕਾ ਮੰਤਰੀ ਸਤਿੰਦਰ ਜੈਨ ਵੀ ਚੰਡੀਗੜ੍ਹ ਦੇ ਸੈਕਟਰ 39 'ਚ ਆਲੀਸ਼ਾਨ ਸਰਕਾਰੀ ਬੰਗਲਿਆਂ 'ਚ ਕਬਜ਼ਾ ਜਮਾਈ ਬੈਠੇ ਹਨ | ਸਵਾਤੀ ਮਾਲੀਵਾਲ ਨੇ ਸੋਸ਼ਲ ਮੀਡੀਆ 'ਤੇ ਤਨਜ਼ ਕੱਸਦਿਆਂ ਕਿਹਾ ਕਿ ਚੰਡੀਗੜ੍ਹ 'ਚ ਸ਼ੀਸ਼ਮਹਿਲ ਸਿਰਫ਼ ਕੇਜਰੀਵਾਲ ਦਾ ਨਹੀਂ ਹੈ | ਮਨੀਸ਼ ਸਿਸੋਦੀਆ ਸੈਕਟਰ 39 ਦੇ ਬੰਗਲਾ ਨੰਬਰ 960 ਅਤੇ ਸਤਿੰਦਰ ਜੈਨ ਬੰਗਲਾ ਨੰਬਰ 926 'ਚ ਰਹਿ ਰਹੇ ਹਨ |