ਮੁੰਬਈ, 5 ਦਸੰਬਰ (ਏਜੰਸੀ)-ਸ਼ੁੱਕਰਵਾਰ ਨੂੰ ਹਵਾਈ ਕਿਰਾਏ ਪਹਿਲਾਂ ਕਦੇ ਨਾ ਵੇਖੇ ਗਏ ਪੱਧਰ 'ਤੇ ਪਹੁੰਚ ਗਏ | ਏਅਰਲਾਈਨਜ਼ ਦੀਆਂ ਵੈੱਬਸਾਈਟਾਂ ਅਨੁਸਾਰ 6 ਦਸੰਬਰ ਲਈ ਸਪਾਈਸਜੈੱਟ ਕੋਲਕਾਤਾ-ਮੁੰਬਈ ਉਡਾਣ ਦੀ ਇਕ-ਪਾਸੜ ਇਕ-ਸਟਾਪ ਇਕਾਨਮੀ-ਕਲਾਸ ਟਿਕਟ 90,000 ਰੁਪਏ ਤੱਕ ਅਤੇ ਏਅਰ ਇੰਡੀਆ ਦੀ ਮੁੰਬਈ-ਭੁਬਨੇਸ਼ਵਰ ਲਈ ਇਸੇ ਤਰ੍ਹਾਂ ਦੀ ਟਿਕਟ 84,485 ਰੁਪਏ ਤੱਕ ਪਹੁੰਚ ਗਈ | ਕਈ ਹੋਰ ਉੱਚ-ਟ੍ਰੈਫ਼ਿਕ ਰੂਟਾਂ 'ਤੇ ਵੀ ਅਜਿਹਾ ਹੀ ਰੁਝਾਨ ਦੇਖਿਆ ਗਿਆ | ਇਕ ਟਰੈਵਲ ਇੰਡਸਟਰੀ ਦੇ ਕਾਰਜਕਾਰੀ ਨੇ ਕਿਹਾ ਕਿ ਸਥਿਤੀ ਅਜਿਹੀ ਹੈ ਕਿ ਤੁਸੀਂ ਅੰਦਾਜ਼ਾ ਨਹੀਂ ਲਗਾ ਸਕਦੇ ਕਿ ਜਦੋਂ ਤੁਸੀਂ ਉਡਾਣ ਬੁੱਕ ਕਰਦੇ ਹੋ ਤਾਂ ਟਿਕਟ ਦੀਆਂ ਕੀਮਤਾਂ ਕੀ ਹੋਣਗੀਆਂ | ਇਹ ਆਮ ਕਿਰਾਏ ਦੀ ਹੱਦ ਤੋਂ ਦੋ ਗੁਣਾ, ਤਿੰਨ ਗੁਣਾ ਜਾਂ ਇਸ ਤੋਂ ਵੀ ਵੱਧ ਹੋ ਸਕਦੀਆਂ ਹਨ |
