ਭਾਰਤ ਨੂੰ ਜਲਦ ਮਿਲਣਗੀਆਂ 40 ਹਜ਼ਾਰ ਲਾਈਟ ਮਸ਼ੀਨ ਗੰਨਾਂ

ਅ

ਅਜੀਤ ਡੈਸਕ 07-12-2025

ਯੇਰੂਸ਼ਲਮ, 6 ਦਸੰਬਰ (ਪੀ. ਟੀ. ਆਈ.)-ਇਜ਼ਰਾਈਲ ਦੀ ਪ੍ਰਮੁੱਖ ਰੱਖਿਆ ਫਰਮ ਨੇ ਕਿਹਾ ਹੈ ਕਿ ਉਹ ਅਗਲੇ ਸਾਲ ਦੇ ਸ਼ੁਰੂ ਵਿੱਚ ਭਾਰਤ ਨੂੰ 40,000 ਲਾਈਟ ਮਸ਼ੀਨ ਗਨ (ਐੱਲ ਐੱਮ ਜੀ) ਦੀ ਪਹਿਲੀ ਖੇਪ ਸਪਲਾਈ ਕਰਨ 'ਤੇ ਵਿਚਾਰ ਕਰ ਰਹੀ ਹੈ, ਜਦੋਂ ਕਿ ਇਹ ਲਗਭਗ 170,000 ਆਧੁਨਿਕ ਕਾਰਬਾਈਨਾਂ ਦੀ ਸਪਲਾਈ ਕਰਨ ਲਈ ਇੱਕ ਇਕਰਾਰਨਾਮੇ 'ਤੇ ਦਸਤਖਤ ਕਰਨ ਦੇ ਅੰਤਿਮ ਪੜਾਅ ਵਿਚ ਹੈ¢ ਇਜ਼ਰਾਈਲ ਵੈਪਨ ਇੰਡਸਟਰੀਜ਼ (ਆਈ ਡਬਲਿਊ ਆਈ) ਦੇ ਸੀ.ਈ.ਓ ਸ਼ੁਕੀ ਸ਼ਵਾਰਟਜ਼ ਨੇ ਇਹ ਵੀ ਕਿਹਾ ਕਿ ਉਨ੍ਹਾਂ ਦੀ ਫਰਮ ਇਸ ਸਮੇਂ ਭਾਰਤੀ ਗ੍ਰਹਿ ਮੰਤਰਾਲੇ ਦੀਆਂ ਵੱਖ-ਵੱਖ ਏਜੰਸੀਆਂ ਨਾਲ ਆਪਣੇ ਉਤਪਾਦਾਂ ਦੀ ਮਾਰਕੀਟਿੰਗ ਲਈ ਕੰਮ ਕਰ ਰਹੀ ਹੈ, ਜਿਸ ਵਿਚ ਪਿਸਤÏਲ, ਰਾਈਫਲਾਂ ਅਤੇ ਮਸ਼ੀਨ ਗਨ ਸ਼ਾਮਿਲ ਹਨ¢ ਸ਼ਵਾਰਟਜ਼ ਨੇ ਦੱਸਿਆ ਕਿ ਉਹ ਇਸ ਸਮੇਂ ਤਿੰਨ ਮਹੱਤਵਪੂਰਨ ਪ੍ਰੋਗਰਾਮਾਂ ਵਿਚ ਰੁੱਝੇ ਹੋਏ ਹਨ¢ ਪਹਿਲਾ 40,000 ਲਾਈਟ ਮਸ਼ੀਨ ਗਨ ਲਈ ਇਕਰਾਰਨਾਮਾ ਹੈ, ਜਿਸ 'ਤੇ ਪਿਛਲੇ ਸਾਲ ਦਸਤਖਤ ਕੀਤੇ ਗਏ ਸਨ¢ ਸਾਰੇ ਟੈਸਟ, ਟ੍ਰਾਇਲ ਅਤੇ ਸਰਕਾਰੀ ਨਿਰੀਖਣ ਪੂਰੇ ਕਰ ਲਏ ਗਏ ਹਨ ਅਤੇ ਉਤਪਾਦਨ ਲਾਇਸੈਂਸ ਮਿਲ ਗਿਆ ਹੈ¢ ਇਸ ਸਾਲ ਦੇ ਸ਼ੁਰੂ ਵਿੱਚ ਪਹਿਲੇ ਬੈਚ ਦੀ ਸਪਲਾਈ ਕਰਨ ਦਾ ਇਰਾਦਾ ਹੈ¢ ਜਦੋਂ ਸਪਲਾਈ ਟਾਈਮਲਾਈਨ ਬਾਰੇ ਪੁੱਛਿਆ ਗਿਆ ਤਾਂ ਉਨ੍ਹਾਂ ਨੇ ਕਿਹਾ ਕਿ ਐੱਲ.ਐੱਮ.ਜੀ ਸਪਲਾਈ ਪੰਜ ਸਾਲਾਂ ਲਈ ਹੈ¢ ਇਸਨੂੰ ਤੇਜ਼ ਕੀਤਾ ਜਾ ਸਕਦਾ ਹੈ, ਪਰ ਪਹਿਲੀ ਡਿਲੀਵਰੀ ਇਸ ਸਾਲ ਦੇ ਸ਼ੁਰੂ ਵਿੱਚ ਹੋਵੇਗੀ¢