ਵਿਜੇਵਾੜਾ, 24 ਦਸੰਬਰ (ਪੀ.ਟੀ.ਆਈ.)-ਬੈਡਮਿੰਟਨ ਖਿਡਾਰੀ ਉੱਨਤੀ ਹੁੱਡਾ, ਤਨਵੀ ਸ਼ਰਮਾ, ਰੌਣਕ ਚÏਹਾਨ ਤੇ ਸੰਸਕਾਰ ਸਾਰਸਵਤ ਨੇ ਇੱਥੇ 87ਵੀਂ ਸੀਨੀਅਰ ਰਾਸ਼ਟਰੀ ਬੈਡਮਿੰਟਨ ਚੈਂਪੀਅਨਸ਼ਿਪ 'ਚ ਆਪਣੀ ਜੇਤੂ ਸ਼ੁਰੂਆਤ ਕੀਤੀ | ਪਹਿਲੇ ਦÏਰ 'ਚ ਬਾਈ ਪ੍ਰਾਪਤ ਕਰਨ ਵਾਲੀ ਚੋਟੀ ਦੀ ਦਰਜਾ ਪ੍ਰਾਪਤ ਉੱਨਤੀ ਨੇ ਵਾਈਲਡਕਾਰਡ ਪ੍ਰਵੇਸ਼ਕ ਅਕਾਂਕਸ਼ਾ ਮੇਟ ਨੂੰ 21-8, 21-18 ਨਾਲ ਹਰਾਇਆ, ਜਦੋਂ ਕਿ ਵਿਸ਼ਵ ਜੂਨੀਅਰ ਚੈਂਪੀਅਨਸ਼ਿਪ ਦੀ ਚਾਂਦੀ ਦਾ ਤਗਮਾ ਜੇਤੂ ਤਨਵੀ ਨੇ ਸ਼ਾਇਨਾ ਮਨੀਮੁਥੂ ਨੂੰ 21-10, 21-14 ਨਾਲ ਹਰਾਇਆ | ਗੁਹਾਟੀ ਮਾਸਟਰਜ਼ ਸੁਪਰ 100 ਚੈਂਪੀਅਨ ਸੰਸਕਾਰ ਨੇ ਵੀ ਪੁਰਸ਼ ਸਿੰਗਲਜ਼ 'ਚ ਸ਼ਿਖਰ ਰਾਲਨ 'ਤੇ 21-11, 21-13 ਦੀ ਜਿੱਤ ਨਾਲ ਆਪਣੀ ਮੁਹਿੰਮ ਦੀ ਸ਼ੁਰੂਆਤ ਕੀਤੀ | ਪੁਰਸ਼ ਸਿੰਗਲਜ਼ 'ਚ, 11ਵਾਂ ਦਰਜਾ ਪ੍ਰਾਪਤ ਚੌਹਾਨ ਨੇ ਰਣਵੀਰ ਸਿੰਘ ਨੂੰ 21-9, 21-13 ਨਾਲ ਹਰਾਇਆ, ਜਦੋਂ ਕਿ 12ਵਾਂ ਦਰਜਾ ਪ੍ਰਾਪਤ ਡੀ.ਐਸ. ਸਨੀਥ ਨੇ ਅੰਕਿਤ ਮੰਡਲ ਨੂੰ 21-7, 21-11 ਨਾਲ ਹਰਾ ਕੇ ਅਗਲੇ ਦੌਰ 'ਚ ਪ੍ਰਵੇਸ਼ ਕੀਤਾ |
