ਸੈਕਰਾਮੈਂਟੋ, 30 ਦਸੰਬਰ (ਹੁਸਨ ਲੜੋਆ ਬੰਗਾ)-ਨਵੇਂ ਸਾਲ 'ਚ ਪ੍ਰੀਮੀਅਮ ਸਬਸਿਡੀ ਖਤਮ ਹੋ ਜਾਣ ਕਾਰਨ ਉਬਾਮਾ ਕੇਅਰ ਪਲੈਨ ਅਮਰੀਕੀਆਂ ਦੀ ਪਹੁੰਚ ਤੋਂ ਬਾਹਰ ਹੋ ਜਾਵੇਗੀ, ਜਿਸ ਕਾਰਨ ਅਮਰੀਕੀਆਂ ਨੂੰ ਸਿਹਤ ਸੰਬੰਧੀ ਫਿਕਰਮੰਦੀ ਸਤਾਉਣ ਲੱਗ ਪਈ ਹੈ | ਉਬਾਮਾ ਕੇਅਰ ਪਾਲਸੀ, ਜੋ ਇਸ ਸਾਲ ਪ੍ਰਤੀ ਮਹੀਨਾ 340 ਡਾਲਰ ਹੈ, ਅਗਲੇ ਸਾਲ ਵਧ ਕੇ 1928 ਡਾਲਰ ਪ੍ਰਤੀ ਮਹੀਨਾ ਹੋ ਜਾਵੇਗੀ, ਅਮਰੀਕੀਆਂ ਲਈ ਸਹਿਣਯੋਗ ਨਹੀਂ ਹੋਵੇਗੀ | ਪਹਿਲਾਂ ਲੋਕ 340 ਡਾਲਰ ਦੇ ਕੇ ਚਿੰਤਾ ਮੁਕਤ ਹੋ ਜਾਂਦੇ ਸਨ ਕਿਉਂਕਿ ਉਬਾਮਾ ਕੇਅਰ ਪਾਲਸੀ ਤਹਿਤ ਕਿਸੇ ਵੀ ਗੰਭੀਰ ਬਿਮਾਰੀ ਦਾ ਇਲਾਜ ਬਿਨਾਂ ਕਿਸੇ ਹੋਰ ਖਰਚ ਦੇ ਮੁਫਤ 'ਚ ਹੋ ਜਾਂਦਾ ਸੀ ਪਰੰਤੂ ਨਵੇਂ ਸਾਲ 'ਚ ਅਜਿਹਾ ਨਹੀਂ ਹੋਵੇਗਾ |
