ਕਾਠਗੜ੍ਹ, 21 ਫਰਵਰੀ (ਹਰਸਿਮਰਨ ਜੋਤ ਸਿੰਘ ਕਲੇਰ)-ਹਲਕਾ ਬਲਾਚੌਰ ਦੇ ਪਿੰਡ ਥਾਨਵਾਲਾ ਤੋਂ ਕਾਂਗਰਸੀ ਸਾਬਕਾ ਸਰਪੰਚ ਚੌਧਰੀ ਹਰਮੇਸ਼ ਲਾਲ ਥਾਨਵਾਲਾ ਜੋ ਕਿ ਬੀਤੇ ਦਿਨੀਂ ਆਪਣੀ ਸੰਸਾਰਕ ਯਾਤਰਾ ਪੂਰੀ ਕਰ ਪ੍ਰਭੂ ਚਰਨਾਂ 'ਚ ਲੀਨ ਹੋ ਗਏ ਸਨ | ਅਜੇ ਮੰਗੂਪੁਰ ਜ਼ਿਲ੍ਹਾ ਪ੍ਰਧਾਨ ਨੇ ਦੱਸਿਆ ਕਿ ਹਰਮੇਸ਼ ਲਾਲ ਇੱਕ ਨੇਕ ਰੂਹ ਸਨ, ਪੂਰੇ ਪਿੰਡ ਨੂੰ ਆਪਣਾ ਪਰਿਵਾਰ ਮੰਨਦੇ ਸਨ, ਨਗਰ ਨਿਵਾਸੀਆਂ ਦੇ ਹਰ ਦੁੱਖ-ਸੁੱਖ ਵਿੱਚ ਸਭ ਤੋਂ ਅੱਗੇ ਹੋ ਸ਼ਾਮਿਲ ਰਹਿੰਦੇ ਸਨ | ਉਨ੍ਹਾਂ ਦਾ ਜਾਣਾ ਕਾਂਗਰਸ ਪਾਰਟੀ ਅਤੇ ਸਾਥੀਆਂ ਨੂੰ ਕਦੇ ਨਾ ਪੂਰਾ ਹੋਣ ਵਾਲਾ ਘਾਟਾ ਹੈ |
