ਗੁਰਦਾਸਪੁਰ, 30 ਜਨਵਰੀ (ਅਸ਼ੋਕ ਸ਼ਰਮਾ)-ਗੁਰਦਾਸਪੁਰ ਤੋਂ ਪੰਡੋਰੀ ਰੋਡ 'ਤੇ ਪਿੰਡ ਭੰਗਵਾਂ ਨੇੜੇ ਕਣਕ ਨਾਲ ਭਰੇ ਟਰੱਕ ਦਾ ਸੰਤੁਲਨ ਵਿਗੜਨ ਕਾਰਨ ਟਰੱਕ ਖੇਤਾਂ ਵਿਚ ਪਲਟ ਗਿਆ | ਜਿਸ ਨੇ ਬਿਜਲੀ ਬੋਰਡ ਦੇ ਟਰਾਂਸਫ਼ਾਰਮਰ ਨੰੂ ਵੀ ਆਪਣੀ ਲਪੇਟ ਵਿਚ ਲੇ ਕੇ ਵੱਡਾ ਨੁਕਸਾਲ ਕੀਤਾ ਹੈ | ਇਸ ਹਾਦਸੇ 'ਚ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ | ਪਰ ਮਾਲੀ ਨੁਕਸਾਨ ਕਾਫ਼ੀ ਹੋਇਆ ਹੈ | ਪਿੰਡਾਂ ਦੇ ਲੋਕਾਂ ਨੇ ਦੱਸਿਆ ਕਿ ਟਰੱਕ ਜੋ ਐਫ.ਸੀ.ਆਈ ਗੁਰਦਾਸਪੁਰ ਦੇ ਗੁਦਾਮਾਂ ਤੋਂ ਕਣਕ ਭਰ ਕੇ ਜੰਮੂ ਲਈ ਰਵਾਨਾ ਹੋਣਾ ਸੀ | ਪਰ ਡਰਾਈਵਰ ਰਾਤ ਵੇਲੇ ਟਰੱਕ ਨੰੂ ਪਿੰਡ ਭੰਗਵਾਂ ਨੂੰ ਲਿਜਾ ਰਿਹਾ ਸੀ ਕਿ ਟਰੱਕ ਬੇਕਾਬੂ ਹੋ ਗਿਆ, ਜਿਸ ਕਾਰਨ ਉਹ ਪਲਟ ਗਿਆ | ਉਨ੍ਹਾਂ ਦੱਸਿਆ ਕਿ ਟਰੱਕ ਪਲਟਣ 'ਤੇ ਬਿਜਲੀ ਦਾ ਟਰਾਂਸਫ਼ਾਰਮਰ ਟੁੱਟ ਭੱਜ ਜਾਣ ਨਾਲ ਇਲਾਕੇ ਦੀ ਬਿਜਲੀ ਵੀ ਬੰਦ ਹੋ ਗਈ ਹੈ, ਉਥੇ ਹੀ ਸਥਿਤ ਇਕ ਰਿਜ਼ਾਰਟ ਦਾ ਕੰਮਕਾਜ ਵੀ ਪ੍ਰਭਾਵਿਤ ਹੋਇਆ ਹੈ ਜਿਸ ਕਰਕੇ ਲੋਕਾਂ ਨੂੰ ਕਾਫ਼ੀ ਮੁਸ਼ਕਿਲ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ |
