ਅੰਮਿ੍ਤਸਰ, 1 ਮਈ (ਰੇਸ਼ਮ ਸਿੰਘ)-ਕਮਿਸ਼ਨਰੇਟ ਪੁਲਿਸ ਵਲੋਂ ਅੱਜ ਨਸ਼ੀਲੇ ਪਦਾਰਥਾਂ ਦੇ 702 ਮੁਕੱਦਮਿਆਂ ਵਿਚ ਬਰਾਮਦ ਮਾਲ ਸਾੜ ਕੇ ਨਸ਼ਟ ਕੀਤਾ ਗਿਆ, ਜਿਸ 'ਚ 7 ਕਿਲੋਗ੍ਰਾਮ ਹੈਰੋਇਨ ਤੇ ਹੋਰ ਪਦਾਰਥ ਸ਼ਾਮਿਲ ਸਨ | ਪੁਲਿਸ ਕਮਿਸ਼ਨੇਰਟ ਗੁਰਪ੍ਰੀਤ ਸਿੰਘ ਭੁੱਲਰ ਵਲੋਂ ਨਸ਼ੀਲੇ ਮਾਲ ਨੂੰ ਨਸ਼ਟ ਕਰਨ ਲਈ ਡਰੱਗ ਡਿਸਪੋਜ਼ਲ ਕਮੇਟੀ ਬਣਾਈ ਗਈ, ਜਿਸ ਦੇ ਚੇਅਰਮੈਨ ਰਵਿੰਦਰ ਪਾਲ ਸਿੰਘ ਸੰਧੂ ਡੀ.ਸੀ.ਪੀ., ਜਗਬਿੰਦਰ ਸਿੰਘ ਏ.ਡੀ.ਸੀ.ਪੀ ਤੇ ਏ.ਸੀ.ਪੀ. ਹਰਮਿੰਦਰ ਸਿੰਘ ਸ਼ਾਮਿਲ ਸਨ, ਜਿਨ੍ਹਾਂ ਵਲੋਂ ਇਥੇ ਖੰਨਾ ਪੇਪਰ ਮਿੱਲ ਵਿੱਖੇ ਪੁੱਜ਼ ਕੇ 7 ਕਿਲੋ, 218 ਗ੍ਰਾਮ ਹੈਰੋਇਨ, 90 ਹਜ਼ਾਰ ਤੋਂ ਵਧੇਰੇ ਨਸ਼ੀਲੇ ਕੇਪਸੂਲ, 1 ਲੱਖ 18 ਹਜ਼ਾਰ ਤੋਂ ਵਧੇਰੇ ਨਸ਼ੀਲੀਆਂ ਗੋਲੀਆਂ, 29 ਕਿਲੋਗ੍ਰਾਮ ਨਸ਼ੀਲਾ ਪਾਊਡਰ, 75 ਕਿਲੋ ਤੋਂ ਵਧੇਰੇ ਚਰਸ, 27 ਕਿਲੋਗ੍ਰਾਮ ਭੁੱਕੀ, 21 ਕਿਲੋਗ੍ਰਾਮ ਸਮੈਕ, ਗਾਂਜਾ, ਟੀਕੇ, ਭੰਗ ਆਦਿ ਸਾੜ ਕੇ ਸੁਆਹ ਕੀਤੇ ਗਏ |
