ਫ਼ਿਰੋਜ਼ਪੁਰ, 31 ਜਨਵਰੀ (ਰਾਕੇਸ਼ ਚਾਵਲਾ)-ਜ਼ਿਲ੍ਹਾ ਬਾਰ ਐਸੋਸੀਏਸ਼ਨ ਫ਼ਿਰੋਜ਼ਪੁਰ ਦੇ ਵਕੀਲ ਤੇ ਸੀਨੀਅਰ ਭਾਜਪਾ ਆਗੂ ਅਵਿਨਾਸ਼ ਗੁਪਤਾ ਦੀ ਕਾਰ ਹਾਦਸਾਗ੍ਰਸਤ ਹੋ ਕੇ ਨੁਕਸਾਨੀ ਗਈ | ਇਸ ਭਿਆਨਕ ਹਾਦਸੇ ਵਿਚ ਵਕੀਲ ਗੁਪਤਾ ਨੂੰ ਮਾਮੂਲੀ ਸੱਟਾਂ ਲੱਗੀਆਂ ਹਨ | ਮਿਲੀ ਜਾਣਕਾਰੀ ਅਨੁਸਾਰ ਵਕੀਲ ਅਵਿਨਾਸ਼ ਗੁਪਤਾ ਆਪਣੀ ਕਾਰ 'ਤੇ ਕਪੂਰਥਲਾ ਤੋਂ ਸੁਲਤਾਨਪੁਰ ਲੋਧੀ ਵਿਚਕਾਰ ਜਾ ਰਹੇ ਸੀ ਕਿ ਗਿੜਵਿੰਢੀ ਪਿੰਡ ਨੇੜੇ ਸੜਕ ਖ਼ਰਾਬ ਹੋਣ ਕਰਕੇ ਕਾਰ ਦਾ ਨਿਯੰਤਰਨ ਵਿਗੜ ਤੇ ਕਾਰ ਪਲਟੀਆਂ ਖਾ ਕੇ ਖੇਤਾਂ 'ਚ ਜਾ ਡਿੱਗੀ | ਹਾਦਸੇ 'ਚ ਕਾਰ ਤਬਾਹ ਹੋ ਗਈ | ਮੌਕੇ 'ਤੇ ਲੋਕਾਂ ਵਲੋਂ ਮਦਦ ਕਰਦੇ ਹੋਏ ਵਕੀਲ ਅਵਿਨਾਸ਼ ਗੁਪਤਾ ਨੂੰ ਕਾਰ 'ਚੋਂ ਬਾਹਰ ਕੱਢਿਆ ਗਿਆ |
