ਪਟਿਆਲਾ, 4 ਜੁਲਾਈ (ਧਰਮਿੰਦਰ ਸਿੰਘ ਸਿੱਧੂ)- ਕਾਂਗਰਸ ਹਾਈ ਕਮਾਂਡ ਵਲੋਂ ਸੰਸਦ ਮੈਂਬਰ ਡਾ. ਧਰਮਵੀਰ ਗਾਂਧੀ ਨੂੰ ਕੰਪੇਨ ਕਮੇਟੀ ਦੇ ਕੋ ਚੇਅਰਮੈਨ ਲਗਾਉਣ ’ਤੇ ਕਾਂਗਰਸੀ ਯੂਥ ਆਗੂ ਗੌਰਵ ਸੰਧੂ ਵਲੋਂ ਸਨਮਾਨ ਕੀਤਾ ਗਿਆ। ਉਨ੍ਹਾਂ ਕਿਹਾ ਕਿ ਡਾ. ਗਾਂਧੀ ਨੂੰ ਜਿੰਮੇਵਾਰੀ ਮਿਲਣਾ ਮਤਲਬ ਆਮ ਵਰਕਰ ਦੀ ਸੁਣਵਾਈ ਹੈ ਕਿਉਂਕਿ ਡਾ. ਗਾਂਧੀ ਵਲੋਂ ਹਮੇਸ਼ਾ ਨੋਜਵਾਨਾਂ ਨੂੰ ਚੰਗੀ ਸੇਧ ਦਿੱਤੀ ਗਈ ਹੈ ਅਤੇ ਪਾਰਟੀ ਲਈ ਕੰਮ ਕਰਦੇ ਆ ਰਹੇ ਆਗੂਆਂ ਅਤੇ ਯੂਥ ਵਰਕਰਾਂ ਲਈ ਹਮੇਸ਼ਾ ਹਾਈ ਕਮਾਂਡ ਕੋਲ ਆਵਾਜ਼ ਬੁਲੰਦ ਕੀਤੀ ਗਈ ਹੈ। ਗੌਰਵ ਸੰਧੂ ਨੇ ਜਿੱਥੇ ਕਾਂਗਰਸ ਹਾਈ ਕਮਾਂਡ ਵਲੋਂ ਡਾ. ਗਾਂਧੀ ਨੂੰ ਕੰਪੇਨ ਕਮੇਟੀ ਦੇ ਕੋ ਚੇਅਰਮੈਨ ਲਗਾਉਣ ਲਈ ਧੰਨਵਾਦ ਕੀਤਾ, ਉੱਥੇ ਹੀ ਇਹ ਵੀ ਸਪੱਸ਼ਟ ਕੀਤਾ ਕਿ ਇਸ ਨਾਲ ਡਾ. ਗਾਂਧੀ ਲਈ ਲੋਕਾਂ ਦਾ ਪਿਆਰ ਹੋਰ ਉਮੜ ਕੇ ਸਾਹਮਣੇ ਆਵੇਗਾ ਅਤੇ ਕਾਂਗਰਸ ਲਈ ਕੰਮ ਕਰਨ ਵਾਲੇ ਯੂਥ ਆਗੂਆਂ ਨੂੰ ਭਵਿੱਖ ਵਿਚ ਵੱਡੇ ਅਹੁਦੇ ਮਿਲਣ ਦੀ ਸੰਭਾਵਨਾ ਵਧੇਗੀ।
