ਫ਼ਰੀਦਕੋਟ, 10 ਜੁਲਾਈ (ਹਰਮਿੰਦਰ ਸਿੰਘ ਮਿੰਦਾ)-ਸੇਵਾ ਮੁਕਤ ਪੁਲਿਸ ਇੰਸਪੈਕਟਰ ਹਰੀਸ਼ ਵਰਮਾ ਆਪਣੇ ਪੁੱਤਰ ਐਡਵੋਕੇਟ ਐਸ.ਪੀ.ਐਸ ਵਰਮਾ ਸਕੱਤਰ ਜ਼ਿਲ੍ਹਾ ਬਾਰ ਐਸੋਸੀਏਸ਼ਨ ਫ਼ਰੀਦਕੋਟ, ਪੁਲਿਸ ਅਫ਼ਸਰ (ਇੰਟੈਲੀਜੈਂਸ) ਮੈਕਸੀਕੋ ਸ਼੍ਰੀ ਕੇ.ਪੀ.ਐਸ.ਵਰਮਾ ਦੇ ਸਹਿਯੋਗ ਨਾਲ ਪਿਛਲੇ ਕਈ ਸਾਲਾਂ ਤੋਂ ‘ਕੋਈ ਭੁੱਖਾ ਨਾ ਸੋਏ’ ਸੰਕਲਪ ਤਹਿਤ ਲੋੜਵੰਦ ਪਰਿਵਾਰਾਂ ਨੂੰ ਹਰ ਮਹੀਨੇ ਮੁਫ਼ਤ ਰਾਸ਼ਨ ਵੰਡਣ ਦੀ ਸੇਵਾ ਕਰ ਰਹੇ ਹਨ। ਉਨ੍ਹਾਂ ਹੁਣ ਜੁਲਾਈ ਮਹੀਨੇ ਲਈ 20 ਪਰਿਵਾਰਾਂ ਨੂੰ ਲੋਂੜੀਦਾ ਸਮਾਨ ਆਪਣੇ ਗ੍ਰਹਿ ਵਿਖੇ ਵੰਡਿਆ।
