ਦੁਬਈ ਤੋਂ ਮੁੰਬਈ ਜਾ ਰਹੀ ਇੰਡੀਗੋ ਦੀ ਉਡਾਣ ਰਾਜਕੋਟ ਵਿਖੇ ਹੰਗਾਮੀ ਹਾਲਤ ’ਚ ਉਤਾਰੀ

ਰਾਜਕੋਟ, 27 ਜੁਲਾਈ (ਏਜੰਸੀ)-ਦੁਬਈ ਤੋਂ ਮੁੰਬਈ ਜਾ ਰਹੀ ਇੰਡੀਗੋ ਦੀ ਇਕ ਉਡਾਣ ਸੋਮਵਾਰ ਨੂੰ ਗੁਜਰਾਤ ਦੇ ਰਾਜਕੋਟ ਕੌਮਾਂਤਰੀ ਹਵਾਈ ਅੱਡੇ ’ਤੇ ਹੰਗਾਮੀ ਹਾਲਤ ’ਚ ਉਤਾਰਨੀ ਪਈ। ਅਧਿਕਾਰੀਆਂ ਨੇ ਦੱਸਿਆ ਕਿ ਅਜਿਹਾ ਉਦੋਂ ਕਰਨਾ ਪਿਆ ਜਦੋਂ ਜਹਾਜ਼ ਦੇ ਕਾਰਗੋ ਹੋਲਡ ਹਿੱਸੇ ਵਿੱਚ ਧੂੰਆਂ ਨਿਕਲਦਾ ਦੇਖਿਆ ਗਿਆ। ਜਹਾਜ਼ ’ਚ 194 ਯਾਤਰੀ ਅਤੇ ਅਮਲੇ ਦੇ ਮੈਂਬਰ ਸਵਾਰ ਸਨ। ਹਵਾਈ ਅੱਡੇ ਦੇ ਪ੍ਰਬੰਧਕਾਂ ਨੇ ਬਿਆਨ ’ਚ ਕਿਹਾ ਕਿ ਦੁਬਈ ਤੋਂ ਮੁੰਬਈ ਜਾ ਰਹੀ ਉਡਾਣ ਆਈ ਜੀ ਓ 1452, ਜਿਸ ’ਚ 194 ਲੋਕ ਸਵਾਰ ਸਨ, ਨੂੰ ਰਾਜਕੋਟ ਵੱਲ ਮੋੜ ਦਿੱਤਾ ਗਿਆ ਕਿਉਂਕਿ ਜਹਾਜ਼ ਦੇ ਕਾਰਗੋ ਹੋਲਡ ਹਿੱਸੇ ’ਚ ਧੂੰਆਂ ਨਿਕਲਦਾ ਦੇਖਿਆ ਗਿਆ ਸੀ।