ਮਾਨਸਾ ਜ਼ਿਲ੍ਹੇ 'ਚ ਈਦ-ਉਲ-ਅਜ਼ਹਾ ਦਾ ਤਿਉਹਾਰ ਉਤਸ਼ਾਹ ਨਾਲ ਮਨਾਇਆ
Ad Position 21
![repet_subhas-goyals [Copy P29]](/cms_ads/20260901/2548__2535__2535_repet_subhas-goyal.jpg)
ਅਜੀਤ ਡੈਸਕ
29-05-2026
ਬੁਢਲਾਡਾ ਵਿਖੇ ਈਦ ਉਲ ਅਜ਼ਹਾ ਦਾ ਤਿਉਹਾਰ ਮਨਾਇਆ
ਬੁਢਲਾਡਾ ਤੋਂ ਸਵਰਨ ਸਿੰਘ ਰਾਹੀ ਅਨੁਸਾਰ- ਸਥਾਨਕ ਜਾਮੀਆ ਇਸਲਾਮੀਆ ਮਸਜਿਦ ਵਿਖੇ ਈਦ ਉਲ ਅਜ਼ਹਾ (ਬਕਰੀਦ) ਦਾ ਤਿਉਹਾਰ ਸ਼ਰਧਾ ਤੇ ਉਤਸ਼ਾਹ ਨਾਲ ਮਨਾਇਆ ਗਿਆ | ਬਲਾਕ ਭਰ ਤੋਂ ਇਕੱਠੇ ਹੋਏ ਮੁਸਲਮਾਨ ਭਾਈਚਾਰੇ ਦੇ ਲੋਕਾਂ ਨੂੰ ਮੌਲਾਨਾ ਮੁਹੰਮਦ ਸ਼ਾਕਿਰ ਨੇ ਨਮਾਜ਼ ਅਦਾ ਕਰਵਾਈ ਅਤੇ ਕੁਰਬਾਨੀ ਦੀ ਅਹਿਮੀਅਤ ਨੂੰ ਸਮਝਾਇਆ | ਹਲਕਾ ਵਿਧਾਇਕ ਬੁੱਧ ਰਾਮ ਨੇ ਮੁਸਲਮਾਨ ਭਾਈਚਾਰੇ ਨੂੰ ਤਿਉਹਾਰ ਦੀ ਵਧਾਈ ਦਿੰਦਿਆਂ ਕਿਹਾ ਕਿ ਭਾਰਤ ਦੇ ਸਾਰੇ ਧਰਮ ਸਾਂਝੀਵਾਲਤਾ ਦਾ ਸੰਦੇਸ਼ ਦਿੰਦੇ ਹਨ ਅਤੇ ਮੁਸਲਿਮ ਭਾਈਚਾਰੇ ਦੇ ਲੋਕਾਂ ਵਲੋਂ ਮਿਲਵਰਤਨ ਨਾਲ ਰਹਿਣ ਤੇ ਨਫ਼ਰਤ ਨੂੰ ਖ਼ਤਮ ਕਰਨ ਲਈ ਦੁਆ ਮੰਗੀ ਗਈ ਹੈ | ਇਸ ਮੌਕੇ ਇਸਲਾਮੀਆ ਮੁਸਲਿਮ ਕਮੇਟੀ ਦੇ ਪ੍ਰਧਾਨ ਗੁਫਰਾਨ, ਸਕੱਤਰ ਮਾ. ਜ਼ਫ਼ਰ ਅਲੀ ਖ਼ਾਨ, ਵਸੀਮ ਖ਼ਾਨ, ਸੁਬਹਾਨ, ਆਸ਼ੂ ਕਰੈਸ਼ੀ, ਡਾ. ਰਮਜ਼ਾਨ ਖ਼ਾਨ, ਅਬਦੁਲ ਗੁਫਾਰ, ਰਹਿਮਤ ਡਾਈ ਵਾਲਾ ਆਦਿ ਹਾਜ਼ਰ ਸਨ |
