ਡੇਹਲੋਂ, 3 ਅਪ੍ਰੈਲ (ਅੰਮਿ੍ਤਪਾਲ ਸਿੰਘ ਕੈਲੇ)-ਜ਼ਿਲ੍ਹਾ ਹੋਮਿਓਪੈਥਿਕ ਅਫ਼ਸਰ ਦੇ ਦਿਸ਼ਾ ਨਿਰਦੇਸ਼ਾਂ ਹੇਠ ਹੈਲਥ ਕਮਿਊਨਿਟੀ ਸੈਂਟਰ ਡੇਹਲੋਂ ਵਿਖੇ ਹੋਮਿਓਪੈਥਿਕ ਮੈਡੀਕਲ ਅਫ਼ਸਰ ਡਾਕਟਰ ਗੀਤਿਕਾ ਢੰਡ ਦੀ ਅਗਵਾਈ ਵਿਚ ਸਰ ਹੈਨਿਮਨ ਦੇ 271ਵੇਂ ਜਨਮ ਦਿਨ ਦੀ ਯਾਦ ਵਿਚ ਹੋਮਿਉਪੈਥੀ ਸਪਤਾਹ ਮਨਾਇਆ ਗਿਆ | ਡਾ. ਗੀਤਿਕਾ ਢੰਡ ਨੇ ਲੋਕਾਂ ਨੂੰ ਹੋਮਿਉਪੈਥੀ ਇਲਾਜ ਪ੍ਰਣਾਲੀ ਬਾਰੇ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਇਸ ਇਲਾਜ ਨਾਲ ਮਰੀਜ਼ਾਂ ਨੂੰ ਭਾਵੇਂ ਥੋੜਾ ਲੰਮਾ ਸਮਾਂ ਦਵਾਈ ਖਾਣੀ ਪਵੇ, ਪਰ ਬਿਮਾਰੀ ਜੜ੍ਹ ਤੋਂ ਖ਼ਤਮ ਹੋ ਜਾਂਦੀ ਹੈ | ਉਨ੍ਹਾਂ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਹੋਮਿਉਪੈਥੀ ਦਵਾਈਆਂ ਲੈਣ ਵੱਲ ਵੀ ਧਿਆਨ ਦੇਣ | ਇਸ ਸਮੇਂ ਹੋਮਿਓਪੈਥਿਕ ਡਿਸਪੈਂਸਰ ਗੁਰਬਖ਼ਸ਼ ਸਿੰਘ, ਐੱਸ. ਆਈ. ਕੁਲਪ੍ਰੀਤ ਸਿੰਘ ਸਮਰਾ, ਸ਼ਬੀਰ ਮੁਹੰਮਦ ਸਮੇਤ ਸਮੂਹ ਸਟਾਫ਼ ਮੈਂਬਰ ਹਾਜ਼ਰ ਸਨ |
