ਸ਼ਹਿਰ ਤੋਂ ਪਾਪਾ ਅੰਬ ਲਿਆਏ।
ਮੰਮੀ ਜੀ ਨੂੰ ਆਣ ਫੜਾਏ।
ਵੇਖ ਲਿਫ਼ਾਫ਼ਾ ਅੰਬਾਂ ਵਾਲਾ।
ਵੀਰੇ ਨੂੰ ਚਾਅ ਚੜ੍ਹਿਆ ਬਾਹਲਾ।
ਖ਼ੂਬ ਨੇ ਸੋਹਣੇ ਪੀਲੇ-ਪੀਲੇ।
ਰਸ ਨਾਲ ਭਰਕੇ ਬਣੇ ਰਸੀਲੇ।
ਅੰਬ ਖਾਣ ਦੀ ਹੋਈ ਕਾਹਲੀ।
ਭੁੱਖ ਨਾ ਸਾਥੋਂ ਜਾਏ ਸੰਭਾਲੀ।
ਮੰਮੀ ਧੋ ਕੇ ਅੰਬ ਲਿਆਈ।
ਸਾਰਿਆਂ ਨੂੰ ਝੱਟ ਆਵਾਜ਼ ਲਗਾਈ।
ਧਿਆਨ ਨਾਲ ਹੁਣ ਇਸ ਨੂੰ ਖਾਇਓ।
ਕੱਪੜੇ ਲਿਬੜਣ ਤੋਂ ਬਚਾਇਓ।
ਮੰਨ ਕੇ ਗੱਲ ਮੰਮੀ ਦੀ ਸਿਆਣੀ।
ਚੁੱਕ ਕੇ ਅੰਬ ਲਿਆਈ ਰਾਣੀ।
ਸਾਰਿਆਂ ਨੇ ਅੰਬ ਰਲ-ਮਿਲ ਖਾਏ।
ਖਾ ਕੇ ਖ਼ੂਬ ਦੁੜੰਗੇ ਲਾਏ।
-ਮਨਜੀਤ ਸਿੰਘ ਘੜੈਲੀ
ਪਿੰਡ : ਘੜੈਲੀ (ਬਠਿੰਡਾ)।
ਮੋਬਾਈਲ : 79860-63165
