ਸੇਕੋ ਧੁੱਪ, ਲਾਭ ਮਿਲੇਗਾ ਬਹੁਤ

ਸਮੇਂ ਦੇ ਨਾਲ ਧੁੱਪ ਤੇਜ਼ ਅਤੇ ਘੱਟ ਹੋ ਜਾਂਦੀ ਹੈ। ਗਰਮੀ ਦੀ ਧੁੱਪ ਤੇਜ਼ ਹੁੰਦੀ ਹੈ। ਬਰਸਾਤਾਂ ਵਿਚ ਧੁੱਪ ਘੱਟ ਨਿਕਲਦੀ ਹੈ, ਫਿਰ ਵੀ ਤੇਜ਼ ਹੁੰਦੀ ਹੈ। ਠੰਢ ਦੀ ਧੁੱਪ ਪਿਆਰੀ ਹੁੰਦੀ ਹੈ। ਸਰਦੀਆਂ ਵਿਚ ਸੂਰਜ ਨਿਕਲਣ ਦੇ ਸ਼ੁਰੂਆਤੀ ਤਿੰਨ ਘੰਟੇ ਦੀ ਧੁੱਪ ਸਰਬੋਤਮ ਹੁੰਦੀ ਹੈ। ਇਸ ਨਾਲ ਸਰੀਰ ਨੂੰ ਬਹੁਤ ਲਾਭ ਮਿਲਦਾ ਹੈ। ਧੁੱਪ ਤੇਜ਼, ਹਲਕੀ ਜਾਂ ਕੋਮਲ ਹੋਵੇ, ਕਦੀ ਵੀ 15-20 ਮਿੰਟ ਤੋਂ ਜ਼ਿਆਦਾ ਧੁੱਪ ਵਿਚ ਨਹੀਂ ਰਹਿਣਾ ਚਾਹੀਦਾ। ਧੁੱਪ ਵਿਚ ਏਨਾ ਸਮਾਂ ਰਹਿਣ ਨਾਲ ਭਰਪੂਰ ਲਾਭ ਮਿਲ ਜਾਂਦਾ ਹੈ। ਇਹ ਵਿਟਾਮਿਨ 'ਡੀ' ਦਾ ਸਰਬੋਤਮ ਅਤੇ ਕੁਦਰਤੀ ਸਰੋਤ ਹੈ। ਇਸ ਨਾਲ ਹੱਡੀਆਂ ਅਤੇ ਮਾਸਪੇਸ਼ੀਆਂ ਮਜ਼ਬੂਤ ਹੁੰਦੀਆਂ ਹਨ। ਇਸ ਨਾਲ ਬਲੱਡ ਪ੍ਰੈੱਸ਼ਰ ਕੰਟਰੋਲ ਵਿਚ ਰਹਿੰਦਾ ਹੈ ਅਤੇ ਹਾਜ਼ਮਾਤੰਤਰ ਸੁਧਰਦਾ ਹੈ। ਜੋੜਾਂ ਦਾ ਦਰਦ ਦੂਰ ਹੁੰਦਾ ਹੈ।
ਧੁੱਪ ਵਿਚ ਬੈਠਣ ਨਾਲ ਸ਼ੂਗਰ ਦਾ ਪੱਧਰ ਵੀ ਕੰਟਰੋਲ ਵਿਚ ਰਹਿੰਦਾ ਹੈ। ਔਰਤ ਮਰਦ ਦੋਵਾਂ ਦੀ ਪ੍ਰਜਣਨ ਤਾਕਤ ਵਿਚ ਵਾਧਾ ਹੁੰਦਾ ਹੈ। ਮਰਦ ਦੇ ਸ਼ੁਕਰਾਣੂਆਂ ਦੀ ਗਿਣਤੀ ਵਧਦੀ ਹੈ, ਜਦ ਕਿ ਔਰਤਾਂ ਦੀ ਗਰਭ ਧਾਰਨ ਕਰਨ ਦੀ ਤਾਕਤ ਵਧ ਜਾਂਦੀ ਹੈ। ਸੂਰਜ ਦੀ ਧੁੱਪ ਤੋਂ ਲਾਭ ਹਾਸਿਲ ਕਰਨ ਦੀ ਇੱਛਾ ਰੱਖਣ ਵਾਲੇ ਧੁੱਪ ਵਿਚ ਅੱਖਾਂ ਬੰਦ ਰੱਖਣ। ਸਰੀਰ ਦੇ ਹਰੇਕ ਅੰਗ 'ਤੇ ਧੁੱਪ ਦਾ ਸੇਕ ਪਵੇ, ਇਸ ਦੀ ਕੋਸ਼ਿਸ਼ ਕਰੋ।
-0-