-ਹਾਕੀ ਪ੍ਰੋ ਲੀਗ- ਭਾਰਤ ਨੂੰ ਜਰਮਨੀ ਤੋਂ 1-2 ਨਾਲ ਮਿਲੀ ਹਾਰ

ਰੋਟਰਡੈਮ, 18 ਜੂਨ (ਪੀ.ਟੀ.ਆਈ.)-ਭਾਰਤ ਨੂੰ ਆਪਣੀ ਬੁੱਧਵਾਰ ਦੀ ਜਿੱਤ ਤੋਂ ਬਾਅਦ ਇੱਥੇ ਆਪਣੇ ਐਫ਼.ਆਈ.ਐਚ. ਪ੍ਰੋ ਲੀਗ ਮੈਚ ‘ਚ ਜਰਮਨੀ ਤੋਂ 1-2 ਨਾਲ ਹਾਰ ਦਾ ਵੀ ਸਾਹਮਣਾ ਕਰਨਾ ਪਿਆ। ਦੋਵੇਂ ਟੀਮਾਂ ਅੱਧੇ ਸਮੇਂ ਤੱਕ ਗੋਲ ਰਹਿਤ ਸਨ, ਇਸ ਤੋਂ ਪਹਿਲਾਂ ਕਿ ਜੁਗਰਾਜ ਸਿੰਘ ਨੇ 38ਵੇਂ ਮਿੰਟ ਵਿੱਚ ਪੈਨਲਟੀ ਕਾਰਨਰ ਤੋਂ ਗੋਲ ਕਰਕੇ ਭਾਰਤ ਨੂੰ ਲੀਡ ਦਿਵਾਈ। ਅਜਿਹਾ ਲੱਗ ਰਿਹਾ ਸੀ ਕਿ ਭਾਰਤ ਜਰਮਨਾਂ ਵਿਰੁੱਧ ਇਕ ਦੁਰਲੱਭ ਲਗਾਤਾਰ ਜਿੱਤ ਦਰਜ ਕਰੇਗਾ, ਹਾਲਾਂਕਿ, ਜਸਟਸ ਵੇਗੈਂਡ (56ਵੇਂ ਮਿੰਟ) ਦੁਆਰਾ ਪੈਨਲਟੀ ਕਾਰਨਰ ‘ਚ ਕੀਤੇ ਗੋਲ ਨਾਲ ਬਰਾਬਰੀ ਕਰ ਲਈ। ਫਿਰ ਵਿਸ਼ਵ ਚੈਂਪੀਅਨਾਂ ਦੇ ਜੈਕਬ ਬ੍ਰਿਲਾ (60ਵੇਂ) ਨੇ ਮੈਚ ‘ਚ ਕੁਝ ਸਕਿੰਟ ਬਾਕੀ ਰਹਿੰਦੇ ਇਕ ਹੋਰ ਪੈਨਲਟੀ ਕਾਰਨਰ ਤੋਂ ਗੋਲ ਕੀਤਾ। ਭਾਰਤ ਨੇ ਬੁੱਧਵਾਰ ਨੂੰ ਜਰਮਨੀ ਨੂੰ 3-1 ਨਾਲ ਹਰਾ ਕੇ ਇੱਕ ਯਾਦਗਾਰ ਜਿੱਤ ਦਰਜ ਕੀਤੀ ਸੀ ਜਿਸ ਨਾਲ ਮਨਪ੍ਰੀਤ ਸਿੰਘ ਦੇਸ਼ ਦਾ ਸਭ ਤੋਂ ਵੱਧ ਮੈਚ ਖੇਡਣ ਵਾਲਾ ਖਿਡਾਰੀ ਬਣ ਗਿਆ ਸੀ।