ਵੈਨਕੂਵਰ, 8 ਜੁਲਾਈ (ਏਜੰਸੀ/ਮਲਕੀਤ ਸਿੰਘ)-ਸਵਿਟਜ਼ਰਲੈਂਡ ਨੇ ਫੀਫਾ ਵਿਸ਼ਵ ਕੱਪ 2026 ਦੇ ਕੁਆਰਟਰ ਫਾਈਨਲ ’ਚ ਜਗ੍ਹਾ ਪੱਕੀ ਕਰ ਲਈ ਹੈ। ਸਵਿਟਜ਼ਰਲੈਂਡ ਨੇ ਰਾਊਂਡ ਆਫ਼ 16 ਵਿਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਤੇ ਪੈਨਲਟੀ ਸ਼ੂਟਆਊਟ ’ਚ ਕੋਲੰਬੀਆ ਨੂੰ 4-3 ਨਾਲ ਹਰਾਇਆ। ਇਹ 1954 ਤੋਂ ਬਾਅਦ ਪਹਿਲੀ ਵਾਰ ਹੈ ਜਦੋਂ ਸਵਿਟਜ਼ਰਲੈਂਡ ਵਿਸ਼ਵ ਕੱਪ ਕੁਆਰਟਰ ਫਾਈਨਲ ਵਿਚ ਪਹੁੰਚਿਆ। ਰੂਬੇਨ ਵਰਗਸ ਨੇ ਸੱਤ ਦਹਾਕਿਆਂ ’ਚ ਪਹਿਲੀ ਵਾਰ ਸਵਿਟਜ਼ਰਲੈਂਡ ਨੂੰ ਕੁਆਰਟਰ ਫਾਈਨਲ ਵਿਚ ਭੇਜਣ ਲਈ ਜੇਤੂ ਕਿੱਕ ਮਾਰੀ। ਫੀਫਾ ਵਿਸ਼ਵ ਕੱਪ 2026 ਦੇ ਆਖਰੀ ਅੱਠ ਵਿਚ ਸਵਿਟਜ਼ਰਲੈਂਡ ਦਾ ਸਾਹਮਣਾ ਅਰਜਨਟੀਨਾ ਨਾਲ ਹੋਵੇਗਾ। ਵੈਨਕੂਵਰ ’ਚ ਖੇਡੇ ਗਏ ਇਸ ਮੈਚ ’ਚ, ਦੋਵੇਂ ਟੀਮਾਂ ਨਿਰਧਾਰਤ 90 ਮਿੰਟ ਤੇ ਵਾਧੂ ਸਮੇਂ ’ਚ ਗੋਲ ਕਰਨ ਵਿਚ ਅਸਫਲ ਰਹੀਆਂ। ਦੋਵਾਂ ਟੀਮਾਂ ਨੇ ਮੈਚ ਦੌਰਾਨ ਕਈ ਮੌਕੇ ਬਣਾਏ, ਪਰ ਕੋਈ ਵੀ ਖਿਡਾਰੀ ਉਨ੍ਹਾਂ ਨੂੰ ਗੋਲ ਵਿੱਚ ਨਹੀਂ ਬਦਲ ਸਕਿਆ। ਫਿਰ ਮੈਚ ਦਾ ਫੈਸਲਾ ਪੈਨਲਟੀ ਸ਼ੂਟਆਊਟ ਦੁਆਰਾ ਕੀਤਾ ਗਿਆ, ਜਿਸ ਵਿਚ ਸਵਿਟਜ਼ਰਲੈਂਡ ਨੇ ਸ਼ਾਨਦਾਰ ਪ੍ਰਦਰਸ਼ਨ ਨਾਲ ਜਿੱਤ ਪ੍ਰਾਪਤ ਕੀਤੀ। ਰੂਬੇਨ ਵਰਗਸ ਨੇ ਸਵਿਟਜ਼ਰਲੈਂਡ ਲਈ ਮਹੱਤਵਪੂਰਨ ਪੈਨਲਟੀ ਨੂੰ ਗੋਲ ਵਿਚ ਬਦਲਿਆ, ਜਿਸ ਨਾਲ ਟੀਮ ਦੀ ਜਿੱਤ ਯਕੀਨੀ ਹੋ ਗਈ। ਮੈਚ ਤੋਂ ਬਾਅਦ, ਉਸਨੇ ਕਿਹਾ ਕਿ ਉਸਨੂੰ ਇਹ ਵੀ ਯਕੀਨ ਨਹੀਂ ਸੀ ਕਿ ਉਹ ਖੇਡ ਸਕੇਗਾ, ਪਰ ਆਪਣੀ ਟੀਮ ਦੀ ਮਦਦ ਕਰਨ ਦੇ ਯੋਗ ਹੋਣਾ ਇਕ ਬਹੁਤ ਹੀ ਖਾਸ ਪਲ ਸੀ। ਉਸਨੇ ਸਮਝਾਇਆ ਕਿ ਪੈਨਲਟੀ ਲੈਣ ਤੋਂ ਪਹਿਲਾਂ ਉਹ ਆਤਮਵਿਸ਼ਵਾਸੀ ਸੀ ਤੇ ਆਪਣੀ ਟੀਮ ਨੂੰ ਜਿੱਤਣ ਵਿੱਚ ਮਦਦ ਕਰਨ ਦੇ ਯੋਗ ਹੋਣ ‘ਤੇ ਖੁਸ਼ ਹੈ। ਮੈਚ ਸ਼ੁਰੂ ਹੋਣ ਤੋਂ ਪਹਿਲਾਂ ਸਵਿਟਜ਼ਰਲੈਂਡ ਨੂੰ ਇਕ ਵੱਡਾ ਝਟਕਾ ਲੱਗਾ ਜਦੋਂ ਸਟਾਰ ਖਿਡਾਰੀ ਜੋਹਾਨ ਮਜ਼ਾਂਬੀ ਗੋਡੇ ਦੀ ਸੱਟ ਕਾਰਨ ਬਾਹਰ ਹੋ ਗਿਆ। ਉਸਦੀ ਗੈਰਹਾਜ਼ਰੀ ਵਿਚ, ਸਵਿਟਜ਼ਰਲੈਂਡ ਨੂੰ ਪਹਿਲੇ ਅੱਧ ’ਚ ਹਮਲਾ ਕਰਨ ਵਿੱਚ ਮੁਸ਼ਕਲ ਆਈ। ਦੂਜੇ ਪਾਸੇ, ਕੋਲੰਬੀਆ ਨੇ ਗੇਂਦ ’ਤੇ ਵਧੇਰੇ ਕੰਟਰੋਲ ਬਣਾਈ ਰੱਖਿਆ, ਪਰ ਕੋਈ ਵੀ ਗੋਲ ਕਰਨ ਦੇ ਮੌਕੇ ਬਣਾਉਣ ’ਚ ਅਸਫਲ ਰਿਹਾ। ਮੈਚ ਦਾ ਉਤਸ਼ਾਹ ਵਾਧੂ ਸਮੇਂ ਵਿਚ ਆਪਣੇ ਸਿਖਰ ‘ਤੇ ਪਹੁੰਚ ਗਿਆ। ਅਖੀਰ ਪੈਨਲਟੀ ਸ਼ੂਟਆਊਟ ਵਿਚ ਸਵਿਟਜ਼ਰਲੈਂਡ ਦੇ ਗੋਲਕੀਪਰ ਗ੍ਰੇਗਰ ਕੋਬੇਲ ਨੇ ਕੋਲੰਬੀਆ ਦੇ ਕੁਚੋ ਹਰਨਾਂਦੇਜ਼ ਦੀ ਪੈਨਲਟੀ ਰੋਕ ਕੇ ਆਪਣੀ ਟੀਮ ਨੂੰ ਵੱਡਾ ਫ਼ਾਇਦਾ ਦਿਵਾਇਆ, ਜਦਕਿ ਕੋਲੰਬੀਆ ਦੇ ਡੇਵਿਨਸਨ ਸਾਂਚੇਜ਼ ਦੀ ਵਲੋਂ ਲਗਾਈ ਸ਼ਾਟ ਕਰਾਸਬਾਰ ਨਾਲ ਟਕਰਾ ਗਈ। ਆਖ਼ਰ ਵਿਚ ਰੂਬੇਨ ਵਰਗਾਸ ਨੇ ਨਿਰਣਾਇਕ ਪੈਨਲਟੀ ਗੋਲ ’ਚ ਬਦਲ ਕੇ ਸਵਿਟਜ਼ਰਲੈਂਡ ਨੂੰ 4-3 ਨਾਲ ਜਿੱਤ ਦਿਵਾਈ।
