ਐਬਟਸਫੋਰਡ (ਕੈਨੇਡਾ), 9 ਮਈ (ਪੀ.ਟੀ.ਆਈ.)-ਕੈਨੇਡਾ ਦੀ ਇਕ ਅਦਾਲਤ ਨੇ ਐਬਟਸਫੋਰਡ ਵਿਚ ਪਤੀ-ਪਤਨੀ ਦੇ ਕਤਲ ਮਾਮਲੇ 'ਚ ਤਿੰਨ ਪੰਜਾਬੀਆਂ ਨੂੰ ਦੋਸ਼ੀ ਠਹਿਰਾਇਆ ਹੈ | ਅਰਨੋਲਡ ਤੇ ਜੋਐਨ ਡੀ ਜੋਂਗ ਮਈ 2022 'ਚ ਆਪਣੇ ਐਬਟਸਫੋਰਡ ਰਿਹਾਇਸ਼ 'ਤੇ ਮਿ੍ਤਕ ਪਾਏ ਗਏ ਸਨ | ਬਿ੍ਟਿਸ਼ ਕੋਲੰਬੀਆ ਦੀ ਸੁਪਰੀਮ ਕੋਰਟ ਦੀ ਜਸਟਿਸ ਬ੍ਰੈਂਡਾ ਬ੍ਰਾਊਨ ਨੇ ਗੁਰਕਰਨ ਸਿੰਘ, ਅਭਿਜੀਤ ਸਿੰਘ ਅਤੇ ਖੁਸ਼ਵੀਰ ਤੂਰ ਨੂੰ ਕਤਲ ਦਾ ਦੋਸ਼ੀ ਪਾਇਆ | ਵਕੀਲਾਂ ਨੇ ਅਦਾਲਤ ਨੂੰ ਦੱਸਿਆ ਕਿ ਤਿੰਨ ਦੋਸ਼ੀਆਂ ਨੇ ਜੋੜੇ ਨੂੰ ਲੁੱਟਣ ਤੇ ਕਤਲ ਕਰਨ ਦੀ ਸਾਜ਼ਿਸ਼ ਰਚੀ ਸੀ ਤੇ ਡੀ ਜੋਂਗਸ ਦੇ ਘਰ ਤੋਂ ਕ੍ਰੈਡਿਟ ਕਾਰਡ, ਚੈੱਕ ਅਤੇ ਪਾਵਰ ਵਾੱਸ਼ਰ ਚੋਰੀ ਕੀਤਾ ਸੀ | ਅਦਾਲਤ 28 ਮਈ ਨੂੰ ਦੋਸ਼ੀਆਂ ਨੂੰ ਸਜ਼ਾ ਸੁਣਾਉਣ ਵਾਲੀ ਹੈ |
