ਅੱਡਾ ਰਾਏਪੁਰ 'ਤੇ ਮੌਤ ਦਾ ਨਾਜਾਇਜ਼ ਕੱਟ : ਤੇਜ਼ ਰਫ਼ਤਾਰ ਇਨੋਵਾ ਦੀ ਟੱਕਰ ਨਾਲ ਆਟੋ ਪਲਟਿਆ, 2 ਵਿਦਿਆਰਥੀਆਂ ਦੀ ਮੌਤ, 5 ਗੰਭੀਰ ਜ਼ਖ਼ਮੀ
ਅਜੀਤ ਡੈਸਕ
01-01-2026
aਸੜਕ ਸੁਰੱਖਿਆ ਫੋਰਸ ਦੇ ਏ.ਐੱਸ.ਆਈ. ਸਤਨਾਮ ਸਿੰਘ ਮੌਕੇ 'ਤੇ ਪਹੁੰਚੇ ਅਤੇ ਐਂਬੂਲੈਂਸ ਦੀ ਮਦਦ ਨਾਲ ਜ਼ਖ਼ਮੀਆਂ ਨੂੰ ਪਠਾਨਕੋਟ ਬਾਈਪਾਸ ਨੇੜੇ ਨਿੱਜੀ ਹਸਪਤਾਲ 'ਚ ਦਾਖ਼ਲ ਕਰਵਾਇਆ ਗਿਆ | ਹਾਦਸੇ ਦੌਰਾਨ 2 ਵਿਦਿਆਰਥੀਆਂ ਨੇ ਮੌਕੇ 'ਤੇ ਹੀ ਦਮ ਤੋੜ ਦਿੱਤਾ | ਮੌਕੇ 'ਤੇ ਪਹੁੰਚੇ ਥਾਣਾ ਮਕਸੂਦਾਂ ਦੇ ਐੱਸ.ਐੱਚ.ਓ. ਗੁਰਪ੍ਰੀਤ ਸਿੰਘ ਨੇ ਦੱਸਿਆ ਕਿ ਮਿ੍ਤਕਾਂ ਦੀ ਪਹਿਚਾਣ ਪਿ੍ੰਸ ਪੁੱਤਰ ਰਾਮਕਰਨ ਅਤੇ ਕਰਨ ਪੁੱਤਰ ਅਮਨ ਕੁਮਾਰ, ਦੋਵੇਂ ਵਾਸੀ ਪਿੰਡ ਸ਼ੇਰ ਡੱਲਾ, ਥਾਣਾ ਸ਼ਾਹਬਾਦ, ਅੰਬਾਲਾ ਵਜੋਂ ਹੋਈ ਹੈ | ਜ਼ਖ਼ਮੀਆਂ 'ਚ ਚਿਤਰਾਮ ਪੁੱਤਰ ਜਿਤੇਂਦਰ, ਖੁਸ਼ਪ੍ਰੀਤ ਪੁੱਤਰ ਜਸਵਿੰਦਰ ਸਿੰਘ, ਕਰਮਵੀਰ ਪੁੱਤਰ ਜਸਵਿੰਦਰ ਸਿੰਘ, ਵਿਕਝਕੀ ਪੁੱਤਰ ਗੁਰਮੇਲਾ (ਸਾਰੇ ਵਾਸੀ ਅੰਬਾਲਾ ਖੇਤਰ) ਅਤੇ ਆਟੋ ਚਾਲਕ ਸੁਨੀਲ ਕੁਮਾਰ ਵਾਸੀ ਰਿਸ਼ੀ ਨਗਰ, ਜਲੰਧਰ ਸ਼ਾਮਿਲ ਹਨ | ਡਾਕਟਰਾਂ ਮੁਤਾਬਕ ਪੰਜ 'ਚੋਂ ਚਾਰ ਜ਼ਖ਼ਮੀਆਂ ਦੀ ਹਾਲਤ ਬਹੁਤ ਨਾਜ਼ੁਕ ਹੈ ਅਤੇ ਉਹ ਵੈਂਟੀਲੇਟਰ 'ਤੇ ਹਨ | ਹਾਦਸੇ ਤੋਂ ਬਾਅਦ ਇਨੋਵਾ ਕਾਰ ਚਾਲਕ ਕਾਰ ਸਮੇਤ ਮੌਕੇ ਤੋਂ ਫ਼ਰਾਰ ਹੋ ਗਿਆ, ਜਦਕਿ ਟਰੱਕ ਚਾਲਕ ਵੀ ਗੱਡੀ ਲੈ ਕੇ ਭੱਜਣ 'ਚ ਕਾਮਯਾਬ ਹੋ ਗਿਆ | ਲੋਕਾਂ ਨੇ ਇਨੋਵਾ ਦਾ ਨੰਬਰ ਨੋਟ ਕਰ ਕੇ ਪੁਲਿਸ ਨੂੰ ਸੌਂਪ ਦਿੱਤਾ ਹੈ | ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ | ਉੱਧਰ, ਅੱਡਾ ਰਾਏਪੁਰ 'ਤੇ ਮੌਜੂਦ ਨਾਜਾਇਜ਼ ਕੱਟ ਨੂੰ ਲੈ ਕੇ ਇਲਾਕੇ ਦੇ ਲੋਕਾਂ ਵਿੱਚ ਭਾਰੀ ਰੋਸ ਹੈ | ਲੋਕਾਂ ਦਾ ਕਹਿਣਾ ਹੈ ਕਿ ਇਸ ਥਾਂ 'ਤੇ ਰੋਜ਼ਾਨਾ ਛੋਟੇ-ਵੱਡੇ ਹਾਦਸੇ ਹੁੰਦੇ ਹਨ ਅਤੇ ਕਈ ਕੀਮਤੀ ਜਾਨਾਂ ਜਾ ਚੁੱਕੀਆਂ ਹਨ, ਪਰ ਨਾ ਤਾਂ ਪ੍ਰਸ਼ਾਸਨ ਨੇ ਕੱਟ ਬੰਦ ਕੀਤਾ ਹੈ ਅਤੇ ਨਾ ਹੀ ਕੋਈ ਸੁਰੱਖਿਆ ਪ੍ਰਬੰਧ ਕੀਤੇ ਗਏ ਹਨ |
