ਗ਼ਜ਼ਲ ਉਸ ਨੇ ਛੇੜੀ

* ਗੁਰਦਿਆਲ ਰੌਸ਼ਨ *
ਗੁਰਦਿਆਲ ਦਲਾਲ ਅਜਿਹਾ ਅਦੀਬ ਹੈ ਜਿਸ ਦੀ ਕਲਮ ਨੇ ਸਾਹਿਤ ਦੀ ਸ਼ਾਇਦ ਹੀ ਕੋਈ ਵਿਧਾ ਛੱਡੀ ਹੋਵੇ। ਉਸ ਨੇ ਸਮੇਂ ਸਮੇਂ 'ਤੇ ਗ਼ਜ਼ਲ, ਦੋਹਾ, ਕਹਾਣੀ, ਨਾਵਲ, ਬਾਲ ਸਾਹਿਤ, ਅਨੁਵਾਦ, ਸੰਪਾਦਨਾ ਤੇ ਸਵੈ ਜੀਵਨੀ 'ਤੇ ਛੱਬੀ ਦੇ ਕਰੀਬ ਕਿਤਾਬਾਂ ਪੰਜਾਬੀ ਸਾਹਿਤ ਨੂੰ ਦਿੱਤੀਆਂ ਹਨ। ਇਨ੍ਹਾਂ ਵਿਚੋਂ ਉਸ ਦੇ ਗ਼ਜ਼ਲ ਸੰਗ੍ਰਹਿਾਂ ਦੀ ਗਿਣਤੀ ਚਾਰ ਹੈ। ਕੁਝ ਪੁਸਤਕਾਂ ਗ਼ਜ਼ਲ ਵਿਧਾਨ 'ਤੇ ਵੀ ਹਨ। ਵੰਡ ਤੋਂ ਸਾਲ ਕੁ ਪਹਿਲਾਂ ਰਾਏਪੁਰ (ਰੋਪੜ) ਵਿਚ ਪੈਦਾ ਹੋਏ ਦਲਾਲ ਦੀ ਰਿਹਾਇਸ਼ ਅੱਜਕਲ੍ਹ ਦੋਰਾਹਾ ਵਿਖੇ ਹੈ। ਉਹ ਸਿੱਖਿਆ ਵਿਭਾਗ ਵਿਚੋਂ ਬਤੌਰ ਪ੍ਰਿੰਸੀਪਲ ਸੇਵਾ ਮੁਕਤ ਹੋਇਆ ਹੈ ਤੇ ਉਸ ਦਾ ਵਾਹ ਮੁਸ਼ਕਿਲਾਂ ਨਾਲ ਜੂਝਦੀ ਆਮ ਲੋਕਾਈ ਨਾਲ ਰਿਹਾ ਹੈ। ਇਸੇ ਕਾਰਨ ਉਸ ਦੀ ਗ਼ਜ਼ਲ ਦਾ ਸੁਭਾਅ ਤੇ ਤਾਸੀਰ ਲੋਕਪੱਖੀ ਹੈ ਤੇ ਉਹ ਪੂਰੇ ਸੰਸਾਰ ਵਿਚ ਬਰਾਬਰਤਾ ਦਾ ਹਾਮੀ ਹੈ। ਉਹ ਆਪਣੇ ਸ਼ਿਅਰ ਵਲ ਪਾ ਕੇ ਨਹੀਂ ਕਹਿੰਦਾ, ਲੋਕ ਭਾਵਨਾਵਾਂ ਤੇ ਲੋਕ-ਦਰਦਾਂ ਨਾਲ ਜੁੜੇ ਦਲਾਲ ਦੀ ਇਹ ਸ਼ੈਲੀ ਜ਼ਰੂਰੀ ਵੀ ਹੈ ਜੋ ਅਵਾਮ ਨਾਲ ਸਿੱਧਾ ਰਾਬਤਾ ਕਰਨ ਵਿਚ ਸਹਾਇਕ ਸਿੱਧ ਹੁੰਦੀ ਹੈ। ਪੇਸ਼ ਹਨ ਗੁਰਦਿਆਲ ਦਲਾਲ ਦੀਆਂ ਦੋ ਗ਼ਜ਼ਲਾਂ- -ਮੋਬਾਈਲ : 99884-44002