ਸੂਫ਼ੀ ਕਹਾਣੀ-ਪੂਰਾ-ਅਧੂਰਾ

ਇਕ ਆਦਮੀ ਟੈਟੂ ਬਣਵਾਉਣ ਗਿਆ । ਉਸ ਨੇ ਬਣਾਉਣ ਵਾਲੇ ਨੂੰ ਸ਼ੇਰ ਦਾ ਟੈਟੂ ਬਣਾਉਣ ਲਈ ਕਿਹਾ। ਜਿਵੇਂ ਹੀ ਗੋਦਨੇ ਦੀ ਸੂਈ ਚੁੱਭੀ ਉਸ ਨੇ ਪੁੱਛਿਆ, 'ਤੂੰ ਸ਼ੇਰ ਦੇ ਕਿਸ ਹਿੱਸੇ ਤੋਂ ਸ਼ੁਰੂ ਕਰ ਰਿਹਾ ਏਂ?'
'ਪੂਛ ਤੋਂ'', ਟੈਟੂ ਵਾਲੇ ਨੇ ਕਿਹਾ।
'ਪੂਛ ਛੱਡ, ਪਹਿਲਾਂ ਕੋਈ ਹੋਰ ਹਿੱਸਾ ਬਣਾ', ਆਦਮੀ ਨੇ ਕਿਹਾ।
ਟੈਟੂ ਵਾਲੇ ਨੇ ਇੰਜ ਹੀ ਕੀਤਾ। ਪਰ ਸੂਈ ਚੁੱਭਦਿਆਂ ਹੀ ਆਦਮੀ ਫਿਰ ਦਰਦ ਨਾਲ ਕਰਾਹ ਉੱਠਿਆ। ਜਦ ਕਈ ਵਾਰ ਇੰਜ ਹੋਇਆ ਤਾਂ ਟੈਟੂ ਵਾਲੇ ਨੇ ਕਿਹਾ, 'ਤੂੰ ਕੋਈ ਵੀ ਹਿੱਸਾ ਬਣਾਉਣ ਨਹੀਂ ਦਏਂਗਾ, ਤਾਂ ਮੈਂ ਪੂਰਾ ਸ਼ੇਰ ਕਿਥੋਂ ਲਿਆਵਾਂਗਾ?'

-ਪੰਜਾਬੀ ਰੂਪ : ਭਜਨਬੀਰ ਸਿੰਘ